Lukə 1:2 - Yálá laawoo hɛɓɛ (dc)

² Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

Yálá laawoo hɛɓɛ

² Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

Bible

² yɛ̂ɛ berei nɔ́ nyii-ŋai ŋí tɛɛ̂i la kúpɔ é kúla zinâai yée ŋá kɛ̀ a ŋɛi maa-sere-faa-ŋai da ŋ̀óoi ƃo-ƃelai é kúla maa-ŋuŋ ɣele-ŋai diai,

Lukə 1:2 Iomraidhean Croise

Markə 1:1

Nwɛlɛɛ lɛlɛɛi vilɛn ŋąąi Yálá lon Jesus Kristə ɓa, gbala tɔɔi ka.

Markə 16:20

Galan nɛa di pənə di pulu, diɛ Yálá laawoo laa həli kɛɛnąą kəlee. Ną́mu ə kɛi kpɔnmąą tɛɛ di pɔ́ gólói tii kɛ mɛ̨nį hu, yɛ di wɔ kalan gɛ woo kɛ a tɛ̨ą, kpalo mɛ̨nįɠaa kɛɛ hu.

Markə 4:14

Mɔ̨nun ɉuwu, ya ɓaa Yálá laawoo laa.

Lukə 24:48

Ka káá a mɛ̨nįɠaa tii kəlee nwɔ kɛla.

Ɉaan 15:27

Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Ɉaan 16:4

Gáá yiliɠaa ɓoi tii kaa, ə gɛ, nąąlɔwai a həlii, kaa ka kiliŋąhiɛ nwóóɠaa diɛ. «Və́ ni kɛ yili ɓo li kaa a gɔwɔ tɔɔ yələ, mąąhɔlɔɓo, ŋį́ kɛ ni ka pɔ.»

Gɛlaɠaa 1:3

Ɉaa pulu, a kulɔ haaɓɛlaa lɔwai, ə gbɔɔ lɛ nwɔ kɛlaɠaa diɛ a pələ huwu tamąą, hvóló pow nąąn ɲee mu, ə gɛ, di nwun mɛ̨nį kaa a tɛ̨ą, yɛ di kalan a Yálá ŋą tɔɔlaa mąą mɛ̨nį.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 14:25

Di Yálá lawoo laa həli Pɛrsə, diɛ li Atalia daai.

Gɛlaɠaa 16:6

Polə da Silasə di Frizi lɔi da Galatə lɔi hu hiɛ, mąąhɔlɔɓo, Kili-Mąąhəɠɛɛ aa kɛ kpɛ̨ąn di tɔwɔ Yálá lawoo laa həli mɛ̨nį ɓa Asi lɔi hu.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Gɛlaɠaa 26:16

Kɛlaa, 'ə́ muhəɠə, 'ə́ haŋąn ə́ tɔɔ, Mɛ̨nįi ŋį́ gbɔ́ɔ́ lɛ la yɛ́, ya ka: Ŋą́ ə́ həɠə ɉu, yɛ́ kɛ a nwɔ́ tímun, da gwɛlɛɛn gɛɛ ŋɛ̨i ə́ gáá ɉu, mąą kɛla, da gwɛlɛɛn gɛɛ yiiɠaai kpɔ nwɔ̨nɔ̨, gáá pai gbɔ́wɔ́ lɛ ɉu yɛ́.

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

Gɛlaɠaa 8:4

Nuą ti di di hu taɠa, di kɛi lia tɛɛ nɔi nąą kəlee, diɛ nwɛlɛɛ lɛlɛɛ laa həli.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Korɛntə dɔlɔɔ 4:1

Ká ku kaa lɔ yɛ, Kristə ŋą tínuą, a diɛi a Yálá ŋą tɛ̨ą loɔ mɛ̨ikaa nuą.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Piɛrə veelɛ 1:16

Gáá moi kaa, ku hvo kɛ hvilɛn ni li lɛɛ pɔlɔ-kiliinŋąa pulu, ə gɛ, ku gu Ną́mu Jesus Kristə pa mɛ̨nį nwɔ huwalawala lɛ kaa, kɛlaa, kuɔ kpinįi ku nwɔ mąąwiɛ kaa a ku ɲɛ̨ikɔw.