Lukə 1:13 - Yálá laawoo hɛɓɛ (dc)

¹³ Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Yálá laawoo hɛɓɛ

¹³ Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Bible

¹³ Kɛ́lɛ, Ŋ̀âla-taa-kelai e mò ma, ǹyɛɛi, “Zɛkɛraya, ífe yao. Kpɛ́ni fêi, Íɣâla-fɛli-wooi a mɛni. Ínɛnîi Ilesebɛɛ a pâi lóŋ-surɔŋ sɔlɔ ƃôi yɛ̂. Ya pâi ǹáa tólîi a Zɔ̂ŋ.

Lukə 1:13 Iomraidhean Croise

Zɛnɛse 17:10

Bələi ka kaa pai nwɔ́ mįnɛ̨i tii hon ɉii la, yɛ́ ka ə́ huwu, bələ ka: Mąąnɛ̨ɛ̨ di ɉinąą kəlee hee kɛ́nɛ̨ ɓa.

Zɛnɛse 17:19

Yálá yɛ Abrahamə ɓa: «Ɲą́ą́ ɓə kɛ yɛ́: Ə́ nɛ̨ą Sara kaa pai lon ɉulɔnu ɉɔlɔɓoi, ə́ naa hee a Isaakə. Isaakə tii ɓə nwɔ́ mįnɛ̨i laa kaa pai hon ɉii ɉuwuhu nuą diɛ a yələ kəlee mɛ̨nį.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Zɛnɛse 25:21

Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə.

Mąątɛ̨nɛ̨ 113:9

A kpomąnɛ̨ą hee nwunɲą, Yɛ gwəi nɛ̨ɛ̨ a gɛi a mo a lon gaanɛ̨ą. Mąąwiɛ ə kɛ Yai-Laa ɓa! 'Kánikookwəi!

Mąątɛ̨nɛ̨ 118:21

Gáá ə́ laa mąąwiɛi, mąąhɔlɔɓo ə́ nwóó mu hon, ə́ yee tɛɛmąąlaa tɛɛ bɔ́.

Azaya 8:3

Kwa Yálá kwəi mɛ̨nį hukulɔ nɛ̨ɛ̨nu ku lɔ pɛlɛ́n; ə koo həɠə, ə lon ɉulɔnu kaa, Yai-Laa yɛ mą́ą́: «'Naa hee a: Mahɛrə-Salalə-Hasə-Bazə;

Danîa 10:12

Ə pənə nwɔ̨nɔ̨, yɛ mą́ą́: «Daniɛlə, hvo ɲɔw, ə həɠə kpɔ voló tɔlɔɔi tii ə́ ə́ wɔ kpɔɔmąąyɛɛ laa lɛ la Yálá ɓa, yɛ́ naa ə́ kwəi yɛ́ kɛ diɛ, mɛ̨nįɠaai pai kɛi ə́ gbaɠala kaa, Yálá aa ə́ wɔ hvɛliɓo woo mɛ̨n. Ŋą́ pa, ə gɛ, ŋą́ nwoo ŋąąpənə tɛɛ ə́ pɔ.

Osia 1:4

Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Osia 1:6

Ə pənə ə koo həɠə, ə lon nɛ̨ɛ̨nu kaa, Yai-Laa yɛ Ose ɓa: «Naa hee a Lo-Ruhama, mąąhɔlɔɓo Israɛlə nwɔ pɛlɛ́i ɲɛ̨imąąwɛli hvo kɛa pai lɛɛi lɔ mą́ą́. Gáá pai nwɛli kpɛɛi mą́ą́ kpɔ tɛ̨ɛ̨ tɛ̨ɛ̨.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Maafîu 14:27

Ŋąąɓa Jesus ə mo diɛ yɛ diɛ: «'Ka hvo ɲɔ̨w, ka ka liilaa; ɲą́ą́ ka tii!»

Maafîu 28:5

Malakai tii ə mo nɛ̨ą tii diɛ yɛ diɛ: «Ka hvo ɲɔ̨w. Gíli kaa ɉu gɛ́ diɛ Jesus ŋɛ̨i di gbanwo kolɔwa ɓa ya ɓə ka káá gwɛli.

Markə 16:6

Ɉulɔnu tii ə mo diɛ, yɛ diɛ: «Ka hvo ɲɔ̨w. Jesus Nazarɛtə mun ŋɛ̨i di gbanwo kolɔwa ɓa, ya ɓə ka ka gwɛli, hvo kɛa ɓɛ, aa nwun aa kulɔ haaɓɛlaa lɔwai. Ka pa, ɓɛi ə kɛ laa, ka nąą kaa.

Lukə 1:14

Nokoloi tii hɔlɔɓo mɛ̨nį kaa pai ə́ kwəinɛ̨ɛ̨i, ə lɛɛ, ə nu tamąą kwəinɛ̨ɛ̨.

Lukə 1:30

Malaka ə mo mą, yɛ mą: «Mari hvo ɲɔw, mąąhɔlɔɓo, Yálá aa ɲɛ̨i lɛlɛɛ hee yɛ́.

Lukə 2:21

Lɔwɔ tɔ̨nɔ̨ tɛɛ pulu, di nokoloi tii hee kɛ́nɛ̨ ɓa, di naa hee a Jesus; yɛ pələi malaka ə mo la nee ɓa, gɛɛ hvo mąą goo həɠə.

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Nwun mąąɓo 6:23

Kɛlaa, Yai-Laa yɛ Zedeɔn ɓa: «Ə́ liilaa, hvo ɲɔw, hvo pai haai.»

Samuɛlə dɔlɔɔ 2:21

Yai-Laa ə ɲɛ̨i lɛlɛɛ hee Anə ɓa, Anə ə lon ɉinąą haaɓa da lon nɛ̨ą hveelɛ kaa. Samuɛlə logolo nwɛi, ə kɛi kɛnɛ̨ Yai-Laa lííla.