Lonon mo 9:16 - Yálá laawoo hɛɓɛ (dc)

¹⁶ Dulɔ kpinįn tii, ə kɛ lɔ tii yələ kəlee, ə kɛ gɛɛnąąi tii mɛ̨i; kpinį a pɛlɛ yɛ ɓo yɛ nwɔ̨n.

Yálá laawoo hɛɓɛ

¹⁶ Dulɔ kpinįn tii, ə kɛ lɔ tii yələ kəlee, ə kɛ gɛɛnąąi tii mɛ̨i; kpinį a pɛlɛ yɛ ɓo yɛ nwɔ̨n.

Bible

¹⁶ Bere ƃé è kɛ̀ la a tãi kélee. Ŋ̀ele-kɔlɔŋ kolei è Zua kɔlɔ seɣe pɛrɛ maa waai mɛi pɛ̀lɛ a ɣele ƃɔ́ɔ, gɛ́ ƃò yɛ̂ɛ ŋɔŋ-leŋ a kpíni.

Lonon mo 9:16 Iomraidhean Croise

Nehemi 9:12

Ə́ kɛi di tənən dɔɔ hvóló ŋą a tulɔ kpinįn, yɛ́ di tənən dɔɔ kpinį hu a nwɔ̨n nən, bələi di kɛi hiɛ ɉu, ɉu pɔ̨nɔ̨ mɛ̨nį ɓa.

Nehemi 9:19

Kɛlaa, ə́ wɔ wɛlikɛmąą hu, hvo di lɛɛ laa nɔi pun ɉu, dulɔ kpinįn və həɠə di mɛ̨i hvóló ŋą, ə́ di tənən dɔɔ bələ mɛ̨i, ə mą kɛ nwɔ̨n nən, kwii hąą yɛ di tɛɛ pələ hupono.

Mąątɛ̨nɛ̨ 105:39

Ə tulɔ kpinįn bɛlɛ nuą mɛ̨i, yɛ di mąą kpɛ, ə nwɔ̨n dɔɔ, yɛ di mɛ̨i pono kpinįi.

Mąątɛ̨nɛ̨ 78:14

Ə kɛi di tənən dɔɔ hvóló ŋą a tulɔ kpinįn, ɛlɛɛ, kpinį a pɛlɛ kɛ, yɛ ɓo a nwɔ̨n nən.

Lɛɛ gbɔwɔ ɓa 40:34

Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Lɛɛ gbɔwɔ ɓa 40:38

Yai-Laa nwɔ túlɔ kpinįn a kɛ bɛlɛ́ mɛ̨i hvóló ŋą, kpinį a pɛlɛ, nwɔ̨n yɛ ɓo ɉu. Israɛlə lonnii kəlee di kɛi gaa ɓɛlɔwai di kɛ la ɉiɛ hu.

Korɛntə dɔlɔɔ 10:1

Ną́n nonnii, və́ bɔ, və́ ká lɛɛ ká tɛŋíi, gu nąnni kəlee di kɛ dulɔ kpinįn mu, di kəlee di gbaloyá teen,

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Dutɛrɔnome 1:33

A yai tii kɛ ka tɔwɔ bələ pɔ, yɛ ka hviitɔɔi kwɛli. Ə kɛ nwɔ̨n nən ɉu kwiihɛ̨ą, bələi ka kɛi hiɛ ɉu, yɛ ɉu pɔ̨nɔ̨ ka tɔwɔ. Hvóló ŋą, a kɛ tulɔ kpinįn ɉu.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.