Lonon mo 9:14 - Yálá laawoo hɛɓɛ (dc)

¹⁴ Akɛ nwɛ̨ąi gaa heeni ka kɔ́wɔ mɛ̨i, akɛ bɔ ə pakə hɛli pu Yai-Laa laa hu, bələi lɔ pakə hɛli mąą tɔ́n gaa la, bələ lɔ ɓə a gɛ la. Ɓɛlaɓo hva kɛ ka wɛi pu pələ da nwɛ̨ą nwɛi pu pələ di lɔwai.»

Yálá laawoo hɛɓɛ

¹⁴ Akɛ nwɛ̨ąi gaa heeni ka kɔ́wɔ mɛ̨i, akɛ bɔ ə pakə hɛli pu Yai-Laa laa hu, bələi lɔ pakə hɛli mąą tɔ́n gaa la, bələ lɔ ɓə a gɛ la. Ɓɛlaɓo hva kɛ ka wɛi pu pələ da nwɛ̨ą nwɛi pu pələ di lɔwai.»

Bible

¹⁴ “À kɛ̀ ŋɔ̃ya káa kásama nyii ŋ̀wɛ̂lii é dɛɛ-mɛi-kuui kulai, fɛ̂ɛ é gula. Dɔ̂ŋ tɔnɔi tí káa núu kélee mɛni ma, lɔii-ƃelai da ŋɔ̃ya-ŋa.”

Lonon mo 9:14 Iomraidhean Croise

Ɛsdrasə 6:21

Israɛlə lonnii kəlee di pakə kɔ̨nɔ̨n mįi, ə mą kɛ nuąi kulɔ nuwɔ laa hu di pa, di pa di kaayɔwɔɠaa pɔ, ə mą kɛ nuą di yee kulɔ hali mɛ̨nį hu, da diɛni diɛ kwɛli hvilɛn Yai-Laa Israɛlə nwɔ Yálá ɓa.

Lɛɛ gbɔwɔ ɓa 12:43

Yai-Laa yɛ Moisə da Aarɔn diɛ: «Bələi mąąnɛ̨ɛ̨ ka pakə hɛli pu la, bələ ka: «‹Mąą hvo nɛ̨ɛ̨li nwɛ̨ą lɔpee hvo da mįi.

Lɛɛ gbɔwɔ ɓa 12:47

«‹Israɛlə nu huwu kəlee, mąąnɛ̨ɛ̨ di ɉɛlii ti pu.

Levetekɔ 19:10

Ka hvo ka wɔ viŋə ma kəlee kulɔ tɛ̨ɛ̨tɛ̨ɛ̨, yii a pu nɔi ɓa, ka hvo ɲɛɠɛ, ka di lɛɛ laa a yeehvowolo nuą da nwɛ̨ą di wɔɔ. Ɲą́ą́ ɓə gáá a Yai-Laa ka wɔ Yálá.

Levetekɔ 22:25

Ka hvo kpɛli daatɛlɛɛ taaləi tii ta hon nwɛ̨ą yəi, kaa naa hɛli ka wɔ Yálái ɓa a gɔ̨nɔ̨n, di kala ka tii daa mo, kpɛɠii ka tii daa ɉee diɛ, di hva pɛli di yee heei mu ka yəi.»

Levetekɔ 24:22

«Nɔi mąą tɔ́n gaa lɔ pai kɛi tɔ̨nɔ̨ nu kəlee mąą mɛ̨nį hu, yɛ ə kɛ a nwɛ̨ą, yɛ ə kɛ a nɔi lon, Mąąhɔlɔɓo, ɲą́ą́ ɓə gáá a Yai-Laa ka wɔ Yálá,»

Levetekɔ 25:15

Yá kɛi pa hɛn da yái nɔi lon da yəi, ə́ kiliŋąhiɛ gwɛlanŋąąi daa tɛɛ diɛ; yaa kpɛli ə gili lɛɛ kwɛlan aa gɛ laa yɛ tíi kɛ mą, yɛ kɛa pa nɔwɔtɔɔi.

Lonon mo 15:15

Yɛ bələi ka káá la kɛa a kpulu tɔ̨nɔ̨, ɉɛnŋąą laakwɛlanmo pələ kaa lɔ tanɔ̨n ka yəi, ə kɛ a nwɛ̨ą, ə kɛ a taa hee. Ka wɔ yii pələ ta li hva ɉəɠə mą, ə mą kɛ ka mąą nwɛ̨ąą.

Lonon mo 15:16

Tɔ́n dɔ̨nɔ̨ gbən lɔ ɓə a kɛ ka yəi, da ɉon bələ tanɔ̨n; Kaa, ə mą kɛ ka mąą nwɛ̨ąi heeni ka kɔ́wɔ mɛ̨i.»

Dutɛrɔnome 29:11

Ka kəlee ka káá ɓɛ, kaa pa ka Yai-Laa ka wɔ Yálái, ka diɛni ka wɔ mįnɛ̨i hu nwun ɉii. Di kaa naa həlii a lolo woo diɛ di kwɛla; mįnɛ̨i ŋɛ̨i Yai-Laa ka wɔ Yálái kaa naai ka diɛni ka lɔwai.

Dutɛrɔnome 31:12

Ka nuą kəlee ɲąąkpɔn, hulɔnu mąn, nɛ̨ɛ̨nu mąn, lokolo mąn, ə mą kɛ, nwɛ̨ąi di kaa ka kɔ́wɔ mɛ̨i ka wɔ taaɠaa hu, ə gɛ, di mɛ̨nį ta mąąkwɛli bɔ, diɛ ɲɔw la Yai-Laa ka wɔ Yálái ɓa; di dɔ́n nwooɠaa ŋɛ̨i kəlee pɔ mɛ̨nį kɛ.