Lonon mo 8:14 - Yálá laawoo hɛɓɛ (dc)

¹⁴ Israɛlə nuą lonnii lɔwai, Levi lonnii tɔɔ a di tee, nwɔ́ɔ́ ɓaa diɛ.

Yálá laawoo hɛɓɛ

¹⁴ Israɛlə nuą lonnii lɔwai, Levi lonnii tɔɔ a di tee, nwɔ́ɔ́ ɓaa diɛ.

Bible

¹⁴ Livai-ŋai kúla Eezuɛ-ŋai sáma a bere sîi tí a gɛɛ Livai-ŋai dí kɛ́ a ḿbɔɔ.

Lonon mo 8:14 Iomraidhean Croise

Malasi 3:17

Yili pulu, Yai-Laa Mɛ̨nį Kəlee ŋą Hééɓomun ə mo, yɛ: Volói gáá pai nwɔ́ huwalawalaa kulɔi la pɔ̨nɔ̨ŋą, mąą hvólói tii, ŋą́ nuąi tii həɠə ɉu, di kɛ a nwɔ́ nuą, diɛ ɓə ŋą́ di kwɛdɛn. Ŋą́ di ɲɛ̨imąąwɛli kaa, yɛ bələi lon yii a tí nąn ma, nąn a ɲɛ̨imąąwɛli kaa la.

Lonon mo 18:6

Kaa gaa, ɲą́ą́ gbinįi gáá ka nąn nonnii a Levi nu huwu di həɠəi Israɛlə lonnii lɔwai, ŋį́ di tɛɛ ka pɔ a ka wɔɔ. Di tɛɛ li kpɔ tɛ̨ɛ̨ tɛ̨ɛ̨ Yai-Laa pɔ. Diɛ gee kaa kələ mąą kólóɠaa kɛ.

Lonon mo 3:12

«Ɲą́ą́ gbinįi ɓə Levi lonnii həɠə Israɛlə lonnii lɔwai. Di kaa a Israɛlə lonnii lon ɉinąą dɔlɔɔɠaa mąąhvalin, nwɔ́ɔ́ ɓaa diɛ.

Lonon mo 3:45

«Levi nu huwu həɠə a Israɛlə lon ɉinąą dɔlɔɔɠaa mąąhvalin. Ə́ Levi nu huwu nwɔ taatɛlɛɛɠaai həɠə, a Israɛlə taatɛlɛɛ lon dɔlɔɔɠaa mąąhvalin, Levi huwu kaa a nwɔ́ɔ́. Ɲą́ą́ ɓə gáá a Yai-Laa.

Lonon mo 3:9

Yili ɓa, ə́ kaa pai Levi lonnii tɛɛi Aarɔn da nonnii pai lɛɛi di pɔ, Israɛlə lonnii kaa pai di tɛɛi, ɛlɛɛ ə kɛ kpɔ a di tɛɛ a neelee.

Lonon mo 6:2

«'Mo Israɛlə lonnii diɛ, yɛ́ diɛ: «Hulɔnu ta, a wala kɛ tii, nɛ̨ɛ̨nu, a nwoo kwɛlɛ yɛ kɛ diɛ gaa gbɔwɔ tɛɛi Yai-Laa nwɔ kólói pɔ, a nwoo kwɛlɛ, yɛ gbɔwɔ tɛɛ Yai-Laa pɔ,

Lonon mo 8:13

Yá Levi lonnii tɔɔ Aarɔn lonnii lííla, ə́ di laa həli yɛ haláá hɛn da gəlee kələn.

Lonon mo 8:17

Mąąhɔlɔɓo, nwɔ́ɔ́ ɓaa, Israɛlə lon dɔlɔɔɠaa kəlee; yɛi kɛ a nu kan, yɛi kɛ a taatɛlɛɛɠaa. Ɲələi ŋą́ lon dɔlɔɔɠaa paa la Eziptə lɔi hu, ɲələ ɓə ŋį́ Israɛlə lon dɔlɔɔɠaa kɛ la a nwɔ́ɔ́.

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.