Lonon mo 7:13 - Yálá laawoo hɛɓɛ (dc)

¹³ Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Yálá laawoo hɛɓɛ

¹³ Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Lonon mo 7:13 Iomraidhean Croise

Tɔɔɓɛlaa dɔlɔɔ 7:43

Wotolo pow, yá pu hɛn bow, diɛi kɛ nwotoloɠaa hu.

Tɔɔɓɛlaa dɔlɔɔ 7:45

Luwu pili hɛnɲąŋąŋaa, goagoaɠaa da yá taɠa hɛɲąŋą. Yai-Laa hee pɛlɛ́ mu hɛnŋąąi Salomɔn ə kɛ Hiramə ɓa bɛli, ə gɛ a ɓala kwɛliɠaa, diɛ lən.

Ɛsdrasə 8:25

Ɉɛnɲąŋąɠaai ŋɛ̨i kɛ a wali da hɛni, yii tɔɔmun da gwɛlɛ nuą, da nwɔ ɲɛ̨itɔwɔ nuą, ə mą kɛ nwɔ nwun nąmįnąi da Israɛlə nuąi kɛ laa di gulɔ Yálá hee pɛlɛ́ mąą mɛ̨nį ɓa, ŋį́ yiliɠaai tɛɛ nuąi tii pɔ.

Lɛɛ gbɔwɔ ɓa 25:29

Ə́ gəgənŋąą pɛli da kpələ kɔ́ɔɠaa, da yá pu hɛnɲaŋąɠaa, ə́ di hee mɛ̨i; nɔɔ da nwulɔ pu hɛnɲaŋąɠaa li, yá di kɛ a hɛni.

Lɛɛ gbɔwɔ ɓa 30:13

Wali lɔɔli, yɛ bələi gaa la Yálá hee pɛlɛ́ mu, a wali leelee, ya ɓə nui lɔpee di kaa pai nonon ɉii a gulɔ, a wali kɔ́w lɔɔli a nįįhɔ̨nwɔ̨, a Yai-Laa nwɔɔ.

Lɛɛ gbɔwɔ ɓa 37:16

Di daɓali ɲą hɛnŋąą pɛli a hɛni gəgənŋąą, gbələkɔɔɠaa da Yálá kɔ́ lɔɔ pu hɛnŋąą.

Ɉeremi 52:19

Gəgənŋaa, lansan kələn ɉɛnɲąŋąa, nuą mąąhəɠə gəgən gbɛa-kpɛaɠaa, gwɛli ləɠiɠaa, ləɠi tɔɔ hɛnŋaa, gbələ gəgənŋaa, da gəgən pɛlɛɛɠaa; yiiɠaa kpɔ tii kɛ a hɛni da wali, tɔɔmun mąąkpɛɛ kulaaɠaa nwun nąmu ə gəlee həɠə.

Danîa 5:2

Yii kɛa ə nɔɔ tii kpələ, ə mo yɛ diɛ: Di pa a ɉɛni hɛn ɲąŋąɠaa da nwali kwɛli hɛn ɲąŋąɠaai ŋɛ̨i nąn Nabukodonosorə ə ɉəɠə Yálá hee pɛlɛ́ mu Ɉerusalɛmə daai, ə gɛ, tɔɔmun da nwɔ wɛli nɛ̨ąą, ə mą kɛ nɛ̨ąni da nwɔ nu kpɛa-kpɛai di di kpələ ɉu.

Levetekɔ 2:1

«Nu ta a kɛ bɔ ə Yai-Laa kɔ́ a hɛn da, ɉɛn tii mąąnɛ̨ɛ̨ ə kɛ a lɛɠɛ hunwɔ̨, ə wulɔ pu mą, ə lansan kpɛŋɛn mɛ̨i.

Levetekɔ 27:25

«Da hɛn gəlee hɔ̨nwɔ̨ laa ɓo, yɛ bələi ɉɛli pɛlɛ́ nwɔ wali hvaŋą kaa la, wali kwələ tɔ̨nɔ̨ ɲąą a kwɛlɛ a ɉəei pow hveelɛ.

Levetekɔ 27:3

«Akɛ a hulɔnu, ə həɠə kwɛlan bow hveelɛ ɓa, ə həli pow mɛ̨ida ɓa, mąąnɛ̨ɛ̨ di wali kwələ pow lɔɔli tɛɛ, yii gaa a bɛlɛ́ mąąhəɠɛɛ mu wali kɛ pələ.

Zakari 14:20

Mąą yələi tii, di kaa pai bɛ̨ɛ̨i ɉoo kwaną talanənŋaa diɛ, diɛ kɛ mą: «Naakwəlan moɔi Yai-Laa ɓa.» Yai-Laa yəi bɛlɛ́n gwɛli ləɠiɠaa kaa pai kɛi yɛ, nuą mąąhəɠə gəgənŋaa ɉaláá kulɔi lííla.

Lonon mo 15:4

Nui pai gɔɓo huwui tii kɛi Yai-Laa ɓa, a pa a lɛɠɛ hunwɔ̨ gəgən ɉu haaɓa, ɲɔwɔɔn ŋąą a wulɔ litɛlɛ tɔ̨nɔ̨ da gbulɔ.

Lonon mo 28:5

Lɛɠɛ hunwɔ̨ gəgən ɉu tɔ̨nɔ̨ yɔwɔɔn ŋąą olivə wulɔ nįnɛ̨ litɛlɛ tɔ̨nɔ̨ da gbulɔ hu.

Lonon mo 29:6

Haláái da gəlee kələn ka gulɔ Yálá ɓa a ɲąnin dɔɔ pələ tɛitɛi kəlee, yili a kɛ laa a dee, da Yálá kɔ́ hɛn. Haláái da gəlee kələn ka káá pai kɛi gulɔi hvóló tɛitɛi yee mu, da ɉɛnŋąąi ka káá pai kɛi gɔ́i la, da nɔɔ, yili yaa kpɛli gulaai ɉu. Ka káá pai kɛi ɉalááɠaa tii kulɔi yɛ bələi di di kulɔ pələ mąą tɔ́nŋąą laa la. Kɔ̨nɔ̨n mąą kun nɛ̨ɛ̨li yɛ Yai-Laa liilaa.

Lonon mo 3:47

yá wali kwələ lɔɔli həɠə nu tɛi tɛi kəlee nwuɔ̨, yá ɉəɠə yɛ bələi gee kaa kələ mu wali kɔ́ɔn bələ kaa la. Wali kwələ tɔ̨nɔ̨ mu ə kɛ a nwia a gramə pow.

Lonon mo 7:12

Bələi di paa la a di yɛli voló tɛitɛi yee mu, bələ ka: Voló tɔlɔɔ, Aminadavə lon Nasɔn, yai gaa a Ɉuda nu huwu nwun nąmu ya ɓə pa.

Lonon mo 7:14

Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨;

Lonon mo 7:73

Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Maafîu 14:11

Di naa gəgən ɉu, di paa la. Di dɛɛ nɛ̨ɛ̨non pɔ, yili yaan ə li la ə dɛɛ nee pɔ.

Maafîu 14:8

Nɛ̨ɛ̨non nee ə dəli loo pələi, yɛ mą: «Li yɛ́ mąi: Ɉaan-Batistə nwun galən mə gáá bɔ ə́ dɛɛ bɔ́ naa gəgən ɉu.»