Lonon mo 7:1 - Yálá laawoo hɛɓɛ (dc)

¹ Ɲələi Moisə ə kpɛɛ la a bɛlɛ́ heɛ gee la, ə nwulɔ mąąhəɠɛɛ hiɛ mą, ə lúwɔ́ too mą, da ɉɛn bɛlɛɛ takpɛliɠaa kəlee, ə mą kɛ ɉaláá kulɔi da gwɛlɛ hɛn gəlee, ə wulɔ hiɛ diɛ, ə lúwɔ́ too diɛ.

Yálá laawoo hɛɓɛ

¹ Ɲələi Moisə ə kpɛɛ la a bɛlɛ́ heɛ gee la, ə nwulɔ mąąhəɠɛɛ hiɛ mą, ə lúwɔ́ too mą, da ɉɛn bɛlɛɛ takpɛliɠaa kəlee, ə mą kɛ ɉaláá kulɔi da gwɛlɛ hɛn gəlee, ə wulɔ hiɛ diɛ, ə lúwɔ́ too diɛ.

Bible

¹ Tãi Mose è Zua kɔlɔ seɣe pɛrɛ maa waai pù la gîe mai, è m̀aa wàa da mu-sãa kélee a wúlɔ é dɛ́ɛ Ɣâla pɔ́. È ŋ̀âla-teƃelei da ŋá-sãai kélee maa wàa a wúlɔ é dɛ́ɛ Ɣâla pɔ́.

Lonon mo 7:1 Iomraidhean Croise

Zɛnɛse 2:3

Ə lúwɔ́ too voló mɛ̨ihveelɛ yələ ɓa, ə ɉəɠə ɉu a nwɔɔ. Mąąhɔlɔɓo, volói ti ɓə, ə ɲee laa kulɔ la gɛ koló kəlee ɓa.

Tɔɔɓɛlaa dɔlɔɔ 8:64

Mąą yələ, gwəli hąąi tii Yai-Laa nwɔ pɛlɛ́i lííla, tɔɔmun ə nąą mąąhəɠə, mąąhɔlɔɓo, nąą ɓə di ɉaláá hɛn da gəlee kələn da bɔnaa kulɔ halááɠaa kulɔ laa, ə mą kɛ, ɉuwɔ wulɔɠaa. Ɉaláá kulɔi tii kɛ Yai-Laa lííla a mala kwɛli, diikpɛi kɛ ɉalááɠaa tii mąą mɛ̨nį ɓa.

Lɛɛ gbɔwɔ ɓa 13:2

«Lon ɉinąą dɔlɔɔɠaa kpɔ Israɛlə nuą kaa pai ɉɔlɔɓoi, da di yəi taatɛlɛɛ non dɔlɔɔɠaa kəlee, ka bili gee mɛ̨i, di kɛ a nwɔ́ɔ́.»

Lɛɛ gbɔwɔ ɓa 29:36

«Hvoló tɛitɛi yee mu, yá nįŋɛ̨ hilɛ kulɔ a haláá nɛ̨ŋɛ̨nŋąą mąąhvaa lɛɛ mɛ̨nį ɓa, yá nɛ̨ŋɛ̨n mąąhvaalɛɛ haláá kulɔ ɉaláá kulɔi, yɛ́ nɛ̨ŋɛ̨n gulɔ mą, ə́ nwulɔ mąą həɠɛɛ hiɛ mą. Yɛ kɛ la ti a Yálá nwɔɔ.

Lɛɛ gbɔwɔ ɓa 40:11

Ə́ nwulɔ ta hiɛ dea ɓa, da ɉee hɛn, ə naakwɛlanmo.

Lonon mo 17:2

«'Mo ɉaláá laa həli mun, Aarɔn lon Eleazarə ɓa, ə lansan kpowoɠaa kulɔ nwɔ̨n ɉu, mąąhɔlɔɓo di kaa a hɛn mąąhəɠɛɛɠaa, ɛlɛɛ ə́ di mąą kwɛa nwɔ̨n mą.

Lonon mo 7:10

Ɲələi di lúwɔ́ too la ɉaláá kulɔi ɓa di nwulɔ mąąhəɠɛɛ hiɛ mą, bɛlɛ́ nąmįną kpɛa-kpɛa di pa a di kwɛlanmo hɛnŋąą.

Lonon mo 7:84

Ɉɛnŋąąi Israɛlə pɛlɛ́ nąmįnąą kəlee di paa la di kwɛlanmo, a Yálá kɔ́ hɛn, a ɲələi di kɛi wulɔ hiɛ la ɉaláá kulɔi ɓa, diɛ ka: Wali tea pow kɔ́w hveelɛ, wali kpələ kɔ́wɔ pow kɔ́w hveelɛ, hɛni kpələ kɔ́wɔ pow kɔ́w hveelɛ.

Lonon mo 7:88

Daatɛlɛɛɠaai di paa la a liilaa haláá hɛn ə kɛ a: Nįŋɛ̨ hilɛ pow hveelɛ kɔ́w nąąn, ɓɛlaa hilɛ pow mɛ̨ida, ɓolu hilɛ pow mɛ̨ida da kwɛlan dɔ̨nɔ̨ ɓɛlaalon pow mɛ̨ida. Yálá kɔ́ hɛnŋąai di paa la nwulɔ mąąhəɠɛɛ hia pulu ɉaláá kulɔi ɓa yaa li.

Maafîu 23:19

Ka ɲɛ̨i puɔi! Akɛti, ɉɛn veelɛ tii nɛlɛ ɓə mąąwiaa, gəhi mə, a wala kɛ tii ɉaláá hɛn? Kɛlɛi, gəhi ɓə a ɉaláá hɛn mąąwiɛ ee!