Lonon mo 6:5 - Yálá laawoo hɛɓɛ (dc)

⁵ Ɓɛlɔwai kpɔ tii ə gbɔwɔ tɛɛ la Yai-Laa pɔ, nwun mo kwɛli hva lɛɠɛ nwun ma, ə lɛɛ ɉu ɲələi ə vaa ɓo ə ɉəli. Mąąnɛ̨ɛ̨ ə kɛ a nu mąąhəɠɛɛ, ə nwun nəɠa lɛɛ laa ə tɛ.

Yálá laawoo hɛɓɛ

⁵ Ɓɛlɔwai kpɔ tii ə gbɔwɔ tɛɛ la Yai-Laa pɔ, nwun mo kwɛli hva lɛɠɛ nwun ma, ə lɛɛ ɉu ɲələi ə vaa ɓo ə ɉəli. Mąąnɛ̨ɛ̨ ə kɛ a nu mąąhəɠɛɛ, ə nwun nəɠa lɛɛ laa ə tɛ.

Bible

⁵ “Ŋɔkono-tee tãi ma, vé kɔli pɛ̂lɛ ŋuŋ ma é lɛ́ɛ la zu ŋɔkono-tee tãi é kpɛ́ɛ. Fɛ̂ɛ é kɛ́ a núu maa waa, ŋuŋ kpiriɛ.

Lonon mo 6:5 Iomraidhean Croise

Izikiɛ 44:20

Di hvo di nwun bu, di hvo di nwun nɛɛ laa hvo kpili; kɛlaa, da di nwu nəɠa mɛ̨i tee a nɛlɛɛ.

Lonon mo 6:4

Ɓɛlɔwai gaa ni la a naakwɛlanmoɔ Yálá ɓa, hɛn kpɔ da bɛli lɔɔ ə ɓo ɉu, a wala kɛ tii viɲə ɓá ə ɓo ɉu, yɛ ə kɛ a gɔw awala kɛ tii gɔlɔ, hva da mįi.

Gɛlaɠaa 18:18

Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Nwun mąąɓo 13:5

Mąąhɔlɔɓo, ə́ kaa pai koo həɠəi, ə́ lon ɉulɔnu kaa, di hvo kpəŋą hiɛ nwuɔ̨, mąąhɔlɔɓo, nokoloi tii kaa pai kɛi a nui naakwɛlanmoɔ Yala ɓa, ɛlɛɛ. Ya ɓə pai Israɛlə nuą kulɔi Filisti nuą yee mu.»

Nwun mąąɓo 16:17

Yili ɓə gɛ Samsɔn ə gbɔwɔ looi kulɔ, yɛ Dalila ɓa: «Ə gɔwɔ tɔɔ kpɔ néé kwəi, kpəŋą hvo ta tɛɛ li nwúɔ̨, gáá a nu laakwɛlanmoɔ Yálá ɓa. Akɛ da nwún galaan nwɔ́ huwalawala a kulɔ ɲəi víi ə kpɛɛ, vá pɛli kɔ́i.»

Nwun mąąɓo 16:19

Dalila ə gɛ pələ kwɛli mą, Samsɔn ə lɛɛ laani gɔwɔ mɛ̨i, ə yíi. Ə hulɔnu ta təli, yili ə pa ə Samsɔn nwun gbaɠa mɛ̨ihveelɛi tii kəlee kalaan. Bələ ɓə nɛ̨ɛ̨nui tii ə Samsɔn ɲąąhɛn na, vii yɛ kpɛɛ, mąąhɔlɔɓo, nwɔ huwalawala aa kɛ kulɔ ɉu.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»