Lonon mo 6:26 - Yálá laawoo hɛɓɛ (dc)

²⁶ Yai-Laa ə ɲɛ̨i pili ka mɛ̨i, ə liilaa tɛɛ ka pɔ.›

Yálá laawoo hɛɓɛ

²⁶ Yai-Laa ə ɲɛ̨i pili ka mɛ̨i, ə liilaa tɛɛ ka pɔ.›

Bible

²⁶ Yâwɛɛ é ŋ̀ɛ́i mu siɣe kâa é lii-see tɛɛ kápɔ.

Lonon mo 6:26 Iomraidhean Croise

Mąątɛ̨nɛ̨ 29:11

Yai-Laa kaa pai huwalawala tɛɛi nwɔ nu huwui pɔ, Yai-Laa kaa pai lúwɔ tooi nwɔ nu huwui ɓa liilaa hu.

Mąątɛ̨nɛ̨ 37:37

'Ə́ ɲɛ̨i hee tai nu lɛlɛɛ ɓa, kwəi kwələ mun gaa tai, líikpələmun ɉuwu a ɓɛlɛ.

Mąątɛ̨nɛ̨ 4:6

Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa.

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Mąątɛ̨nɛ̨ 44:3

Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Mąątɛ̨nɛ̨ 89:15

Ə́ wɔ tɔɔkpəlin hvilɛn ŋąą tələnmolaa da tɛ̨ą di mɛ̨i; wɛlikɛmąąlaa da tɛ̨ą mɛ̨nį diɛ hiɛ ə́ ɲɛ̨i ɓa.

Azaya 26:12

Yai-Laa! Yáá ku kɔ́ a liilaa yɛnɛ̨ɛ̨, mɛ̨nįi lɔpee ku kaa gɛi, Yɛ́ lɔ ɓə gɛi kuɔ.

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Azaya 57:19

Gɛ́ kwəinɛ̨ɛ̨ wələ lɔ di la. Yai-Laa yɛ diɛ: Liilaa, liilaa 'ə kɛ nui kwɛala mą, 'ə kɛ lɔ nwɔ̨nɔ̨ kpuɔlamun mą, a tɛ̨ą, gáá pai di ɓaloi!

Mise 5:5

Di kaa pai Asiri ɲąąkɔn ɉii a kɔ́ kɔ́ ɓɔwa, diɛ Nɛmrɔdə nwɔ lɔi ɲąąkɔn a ɓɔwa kwɛa, kɛlaa nwɛi, gaa pai ku kulɔi Asiri yəi; yili a tɔɔ yɛ pili ku wɔ lɔi hu, yɛ gɔwɔ ɓɔlɔn ku ɲɛ̨n ɉu.

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 20:26

Lɔwɔ tɔ̨nɔ̨ tɛɛ pulu, galan nɛa kəlee ŋąąkpɔn ŋąąi kɛ bɛlɛ́n da Tomasə ni. Bɛlɛ́ɠaa kəlee laakpulɔɔ diɛ, Jesus ə lɔ ə tɔɔ di lɔwai yɛ diɛ: «Liilaa ə kɛ ka pɔ.»

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Gɛlaɠaa 2:28

Bələi nu ya tɛɛ la ə́ yɛnɛ̨ɛ̨ kɛ, yaa yili lɛ mą́ą́, ya kɛ gwɛ́lɛ, yili ɓə a nááhvɛɛ a kwəinɛ̨ɛ̨.›

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Lomaŋ 15:33

Gɛ́ liilaa Yálá ə kɛ ka kəlee ka pɔ; kɛi a mo tii Yálá ə kə! Mįiną!

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Ifisiɛŋ 6:23

Liilaa ə kɛ nąn nonnii diɛ, wɛlikɛmąąlaa da laa na laai, da həɠə gu Nąn Yálá da gu Ną́mu Jesus Kristə di yəi, di kɛ ká pɔ.

Filipə 4:7

Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.