Lonon mo 6:12 - Yálá laawoo hɛɓɛ (dc)

¹² A pənə nwɔ̨nɔ̨ ə gbɔwɔ laakwɛlanmo Yai-Laa ɓa, yɛ bələi ə gɛ la a voló tɔlɔɔ yələi ə gbɔwɔ kwɛlɛ la Yai-Laa ɓa. A pa a kwɛlan dɔ̨nɔ̨ ɓɛlaa lon, a bɔɔŋą pɛli haláá hɛn. Voló yiiɠaa tii laa hva kɛ ɉu, mąąhɔlɔɓo, gbɔwɔ kwɛlɛi ə mo, ə mąą kala.

Yálá laawoo hɛɓɛ

¹² A pənə nwɔ̨nɔ̨ ə gbɔwɔ laakwɛlanmo Yai-Laa ɓa, yɛ bələi ə gɛ la a voló tɔlɔɔ yələi ə gbɔwɔ kwɛlɛ la Yai-Laa ɓa. A pa a kwɛlan dɔ̨nɔ̨ ɓɛlaa lon, a bɔɔŋą pɛli haláá hɛn. Voló yiiɠaa tii laa hva kɛ ɉu, mąąhɔlɔɓo, gbɔwɔ kwɛlɛi ə mo, ə mąą kala.

Bible

¹² É gbîŋ tɛɛ Yâwɛɛ pɔ́ ŋɔkono-tee ɣele-ŋai mɛni ma. É ŋɔ́nɔ pá a ƃála-sirɛ nyii gáa a kóraŋ tɔnɔi, a ŋɔmɛni nyɔ́mɔɔi maa-sala. Kɛ́lɛ tãi nyii a tɛɛ̂i, dífa ŋɔ́nɔ zìɣe a tãi tí da kpɛ́ni fêi, ŋɔŋ-kpirii maa-waa-laai è kàra.

Lonon mo 6:12 Iomraidhean Croise

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Levetekɔ 14:24

Ɉaláá laa həli mun a nu pɔɔŋąą pɛli haláá ɓɛlaa lon ɉəɠə da gəgən gbulɔ wulɔi tii, ɉaláá laa həli mun a di laa həli a naa həli pələ Yai-Laa ɓa.

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Lonon mo 6:11

Ɉaláá laa həli mun a dɔ̨nɔ̨ kulɔ a nɛ̨ŋɛ̨n mąąhvaalɛɛ haláá, ə dɔ̨nɔ̨ kɛ a Yálá mąąwiɛ haláá, ɛlɛɛ, ə nɛ̨ŋɛ̨n mąąhvaalɛɛ kóló kɛ nui tii gbɔwɔ tɛɛi Yálá pɔ mɛ̨i. Nɛ̨ŋɛ̨n ə ɉəɠə nu powa ɓa, yili mąą mɛ̨nį ɓa. Mąą yələ, nui tii a nwun mąąhəɠə.

Lonon mo 6:13

«Nu a gbɔwɔ laakwɛlanmo Yálá ɓa, ɉon bələ ka: Ɲələi ə gbɔwɔ laakwɛlanmo la, naakwɛlanmo hvólóɠaa tii da tɛɛ, da pa a mąą nu gee kaa kələ laaləi.

Maafîu 24:13

Kɛlaa, nui a tɔɔ kpąą ə lɛɛ laa ɉu ɲąą kpɛɛi lɔwai, mąą nui nwun mąą a ɓo.

Maafîu 3:15

Jesus ə nwoo ŋąąpənə, yɛ mą: «'Hváá mą, ə́ mą́ą́waa. Hvó gaai, bələ ɓə mąąnɛ̨ɛ̨ gu Yálá liiɓa mɛ̨nį ɲɛ̨i kulɔ la.» Ɉaan ə hvaa mą ə mąąwaa.

Zĩi 2:10

Yaan, nu a dɔ́n ɉu woo kəlee pɔ túwɔ́ ɓo, ə tɔ̨nɔ̨ kala, a kɛ ti aa gəlee kala.

Zɔ̂ŋ Veerɛi 1:8

'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.