Lonon mo 3:40 - Yálá laawoo hɛɓɛ (dc)

⁴⁰ Yai-Laa yɛ Moisə ɓa: «Lon ɉinąą dɔlɔɔɠaai kpɔ di kaa Israɛlə lonnii yəi, ə həɠə kɛa ɲąnin dɔlɔɔ lon ma yɛ li la tɔwɔ pələ, gəlee lonon.

Yálá laawoo hɛɓɛ

⁴⁰ Yai-Laa yɛ Moisə ɓa: «Lon ɉinąą dɔlɔɔɠaai kpɔ di kaa Israɛlə lonnii yəi, ə həɠə kɛa ɲąnin dɔlɔɔ lon ma yɛ li la tɔwɔ pələ, gəlee lonon.

Bible

⁴⁰ Nya ƃe Yâwɛɛ è mò Mose ma ǹyɛɛi, “Ńyãa ƃa Yâwɛɛ, Eezuɛ-ŋai dílônii-sinaai maa-ŋuŋ-ŋai kélee díkaa a ḿbɔɔ. Mɛni ma díkelee dílono í dílaa síɣe nyii-ŋai dípɔlɔ-pɔlɔ-laa káa é síɣe ɣáloŋ tɔnɔ ma é tɛ́ tuɛ-perei.

Lonon mo 3:40 Iomraidhean Croise

Mąątɛ̨nɛ̨ 87:6

Yai-Laa a yili pɛ̨ɛ̨ nuą lonon hɛɓɛ́ hu; yɛ kɛ diɛ: «Ɓɛ yii ɓə di nu yii hɔlɔɓo laa»,

Azaya 4:3

Nąąlɔwai, nuąi pai kulɔi ɉu, Siɔn daai nuąi kpəli woloi pai lɛɛi, Ɉerusalɛmə daai nuąi pai lɛɛi a di hvulú, di kaa pai di laa heei a: nu mąąhəɠɛɛɠaa, di kaa pai di kəlee di laa pɛ̨ɛ̨i Ɉerusalɛmə, diɛ pɛli lɛɛi yɛnɛ̨ɛ̨.

Lonon mo 3:12

«Ɲą́ą́ gbinįi ɓə Levi lonnii həɠə Israɛlə lonnii lɔwai. Di kaa a Israɛlə lonnii lon ɉinąą dɔlɔɔɠaa mąąhvalin, nwɔ́ɔ́ ɓaa diɛ.

Lonon mo 3:15

«Levi lonnii kəlee lonon, a bɛlɛ́ɠaa laa, da gwəliɠaa laa. Yiiɠaai kpɔ a ɉinąą, gəlee lonon, ə həɠə ɲąnin dɔ̨nɔ̨ ɓa.»

Lonon mo 3:41

Levi nwɛiɠaai ɓə yá di lɛɛ a nwɔ́ɔ́; ɲą́ą́ ɓə a Yai-Laa. Diɛ ɓə kɛi a Israɛlə lon ɉinąą dɔlɔɔɠaa kəlee mąąhvalin. Bələ lɔ ɓə ə́ kaa gɛi la a di yəi taatɛlɛɛɠaa; a Israɛlə lonnii di wɔ taatɛlɛɛ lon dɔlɔɔɠaa mąąhvalin.»

Lonon mo 3:45

«Levi nu huwu həɠə a Israɛlə lon ɉinąą dɔlɔɔɠaa mąąhvalin. Ə́ Levi nu huwu nwɔ taatɛlɛɛɠaai həɠə, a Israɛlə taatɛlɛɛ lon dɔlɔɔɠaa mąąhvalin, Levi huwu kaa a nwɔ́ɔ́. Ɲą́ą́ ɓə gáá a Yai-Laa.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Hebreu 12:23

ɛlɛɛ, káá lɔ, Yálá lonnii dɔlɔɔɠaa di wɔɔ kpɔn hu, a diɛi di laa pɛ̨ɛ̨i yələkɔlɔn ɉu; ɛlɛɛ, káá ká mąąlɛɠɛ Yálá ɓa, yai a nu kəlee kiti teemun, da tələnmo nuą nįį, diɛi daa həli mɛ̨nį kəlee laa kulɔi.

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.