Lonon mo 28:3 - Yálá laawoo hɛɓɛ (dc)

³ 'Mo diɛ, yɛ́ diɛ: Kɔ̨nɔ̨nŋąąi mąąnɛ̨ɛ̨ ka Yai-Laa kɔ́ la, diɛ ka: kwɛlan dɔ̨nɔ̨ ɓɛlaa lon veelɛ, kpɛɠii hvo kɛ diɛ; hvóló tɛitɛi haláá hɛn ni, kaa gulɔ a haláái da gəlee kələn, yələ kəlee mɛ̨nį li.

Yálá laawoo hɛɓɛ

³ 'Mo diɛ, yɛ́ diɛ: Kɔ̨nɔ̨nŋąąi mąąnɛ̨ɛ̨ ka Yai-Laa kɔ́ la, diɛ ka: kwɛlan dɔ̨nɔ̨ ɓɛlaa lon veelɛ, kpɛɠii hvo kɛ diɛ; hvóló tɛitɛi haláá hɛn ni, kaa gulɔ a haláái da gəlee kələn, yələ kəlee mɛ̨nį li.

Bible

³ “Kɛ́ dîa, géreŋ-salai fɛ̂ɛ ká gula Yâwɛɛ mai, ǹyaa ká. Kóraŋ tɔnɔ ƃala-sirɛ feerɛ nyii-ŋai pɔ́ɔ fé diai ká díkula a kéreŋ-sala a ɣele kélee.

Lonon mo 28:3 Iomraidhean Croise

Kɔlɔnikɔ Maa-ŋuŋ 16:40

əgɛ, diɛ haláá kulɔ Yai-Laa ɓa kpɛla bələi hvo kɛ mą, ɓɛi ŋɛ̨i da kɛ ɉaláá hɛn da gəlee kələn nąą. Diɛ gɛ tii a yələwala da yələwulii; əgɛ, mɛ̨nįi Yai-Laa ə Israɛlə tí la, nwɔ tɔ́n ɉɛɓɛ́i hu, diɛ gɛ.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Ɛsdrasə 3:5

Yili pulu, haláá hɛn yii da gəlee kələn, yii di kɛi gulɔ a kwɛlan gəlee, ɲąnin dɔɔ nįnɛ̨ mąą mɛ̨nį ɓa, di yili kɛ, da Yai-Laa mąąwiɛ hɛli kəlee, ə mą kɛ, a nuąi kɛi naagwəi mɛ̨inɛ̨ɛ̨ kɛ Yai-Laa ɓa.

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 12:11

Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Danîa 8:11

Mįnɛ̨ logoloi tii, ə tɛ kpɔ ə həli yələkɔlɔn ɉu hɛnŋaa nwun nąmu ɓa. Ə lɛɛ, ɉaláá hɛn ŋɛ̨i da naa həli a hvoló kəlee, mįnɛ̨i lon tii ə yili naa həɠə, ə Yálá hee pɛlɛ́i ŋɛ̨i gaa ɓɛ lɔi mɛ̨i, ə muhəɠə naa ɓa.

Danîa 8:13

Ŋą́ malaka ta woo mɛ̨n, malaka yii ŋɛ̨i kɛi mɛ̨nį ɓo, yɛ yili ɓa: «Ɉaláá ŋɛ̨i da kɛi gulɔi a yələ kəlee da ɉaláá kulɔi, ɓɛi kɛɛ kalamun nwɔ nwąnąlɔ aa hee naa mɛ̨i, da Yálá nwɔ nu kpului ŋɛ̨i tooni nɔi ɓa diɛ bɔlɔn mɛ̨i, mįnɛ̨ lɔwai ɓə yili kaa pai kpɛlai la ma?»

Levetekɔ 3:5

Yili pulu, Aarɔn lonnii di gəlee kələn ɉaláá kulɔ kəhi mɛ̨i, ɉaláá hɛn tii a kɛ nwɔ̨n ɉu, gwɛi mɛ̨i, yili mɛ̨i pələ. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 6:9

Gbəlii tii a lɛɛ, Aarɔn da nonnii da mį́i gee kaa kələ gwəli hąąi, di hva lɛɠɛ tɛ hɛn bu ɉu.

Amɔsə 4:4

Ną́mu Yai-Laa yɛ nwɔ̨nɔ̨ diɛ: Israɛlə nu huwu, ka li Betɛlə ka ka liiɓa nɛ̨ŋɛ̨n gɛ, ka li Gilgalə, ka nɛ̨ŋɛ̨n gɛ kpɔ kɛnɛ̨. Yələwala pɔ kəlee, ka pa a ka wɔ haláá hɛnŋąąi, ka naa həli voló ɉaaɓa yələ, ka pa a ka wɔ hɛn bow nąą, ka naa həli

Lonon mo 28:10

Haláá hɛn da gəlee kələn yaa li, a hvįįtɔɔ yələ, ə pɛlɛ la ɉaláái mąąnɛ̨ɛ̨ di gulɔ a yələ kəlee mą.

Lonon mo 28:15

Yili pulu, ka ɓolu hilɛ tɔ̨nɔ̨ kulɔ a haláá Yai-Laa ɓa, a nɛ̨ŋɛ̨n mąąhvaalɛɛ haláá, ka bɛlɛ yələ kəlee haláái da gələn mą, da nɔɔi mąąnɛ̨ɛ̨ di paa la.

Lonon mo 28:23

Ka yiliɠaai kəlee kɛ, ka bɛlɛ haláái da gəlee kələn mą, diɛ gulɔ yələ wala pɔ tɛitɛi.

Lonon mo 28:24

Bələ ɓə mąąnɛ̨ɛ̨ ka gɛ la a yələ kəlee voló mɛ̨ihveelɛi tii yee mu. Yai-Laa liilaa kɔ̨nɔ̨n mąą kun nɛ̨ɛ̨li. Yili kəlee a pɛlɛ ɉaláái mąąnɛ̨ɛ̨ di gəlee kələn mą, diɛ gulɔ a yələ kəlee da nɔɔi mąąnɛ̨ɛ̨ ə pu ɉaláá kulɔi.

Lonon mo 28:31

Ka ɉɛnŋąąi tii kəlee pɛlɛ ɉaláái mąąnɛ̨ɛ̨ di gəlee kələn mą, ka gulɔ a yələ kəlee, da Yálá kɔ́ hɛn dakpɛliɠaa, da nɔɔi mąąnɛ̨ɛ̨ ə pɛlɛ diɛ. Ka gɛ a taatɛlɛɛɠaai kpɛɠii hva kɛ diɛ.

Lonon mo 28:4

Da dɔ̨nɔ̨ kulɔ a haláá yələwala pɔ, di veelɛnąą kulɔ hvitili ɓa.

Lonon mo 29:11

Yili pulu, ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá, ə pɛlɛ la nɛ̨ŋɛ̨n mąąhvaalɛɛ haláái ka gulɔ a nɛ̨ŋɛ̨n mąąhvaalɛɛ hvóló kɛnɛ̨i nwɛi ɓa. Haláái da gəlee kələn ka gulɔ a yələ kəlee, da ɉɛnŋąąi ka Yálá kɔ́ la a bɔlɔ bɛlɛɛ nɔɔ ɓa.

Lonon mo 29:16

Yili pulu, ɓolu hilɛ tɔ̨nɔ̨ a nɛ̨ŋɛ̨n mąąhvaalɛɛ haláá. Haláái da gəlee kələn da gulɔ a yələ kəlee, da ɉɛnŋąąi da Yálá kɔ́ la, da nɔɔi mąąnɛ̨ɛ̨ ə pu, yili kəlee pɛlɛɛ mą.

Lonon mo 29:6

Haláái da gəlee kələn ka gulɔ Yálá ɓa a ɲąnin dɔɔ pələ tɛitɛi kəlee, yili a kɛ laa a dee, da Yálá kɔ́ hɛn. Haláái da gəlee kələn ka káá pai kɛi gulɔi hvóló tɛitɛi yee mu, da ɉɛnŋąąi ka káá pai kɛi gɔ́i la, da nɔɔ, yili yaa kpɛli gulaai ɉu. Ka káá pai kɛi ɉalááɠaa tii kulɔi yɛ bələi di di kulɔ pələ mąą tɔ́nŋąą laa la. Kɔ̨nɔ̨n mąą kun nɛ̨ɛ̨li yɛ Yai-Laa liilaa.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Hebreu 9:6

Yɛ bələi mɛ̨nįɠaa hee pələ ə kɛ la ti, yələ ɓɔ pələ tɛitɛi, ɉaláá laa həli nuą kpɛa-kpɛaa di kɛli lɔ bɛlɛ́ dɔlɔɔ mu, diɛ di kɛ kólo kɛ.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.