Lonon mo 27:16 - Yálá laawoo hɛɓɛ (dc)

¹⁶ «Yai-Laa, yɛ́i ə́ kaa a Yálái pɛli hɛn gəlee nɔ̨ɔ̨ kaa ɲee kɔ́nma, gɛ́ ə́ nu ta lɛ, yai pai lɛɛi nuą nwun na.

Yálá laawoo hɛɓɛ

¹⁶ «Yai-Laa, yɛ́i ə́ kaa a Yálái pɛli hɛn gəlee nɔ̨ɔ̨ kaa ɲee kɔ́nma, gɛ́ ə́ nu ta lɛ, yai pai lɛɛi nuą nwun na.

Bible

¹⁶ “Óo Yâwɛɛ, ƃái íkaa a vúlu-laa kpɛtɛ-ɣalai, núu lɛ́ nyíi a pɔ̂ri kɛ̂i Eezuɛ-ŋai mɛi,

Lonon mo 27:16 Iomraidhean Croise

Tɔɔɓɛlaa dɔlɔɔ 5:5

Ɉuda nuą da Israɛlə nuą di kɛ a nuą wəli pulu laɠiɛ. Nu kəlee heɛ nwɔ viɲə kpɔlɔ mu, da nwɔ ɓolaa wulu mu. Ə həɠə Dan, ə li Beɛrə-Seva, Salomɔn ŋą yɛnɛ̨ɛ̨ kəlee yee mu.

Tɔɔɓɛlaa veelɛ 11:8

Ka ka pai tɔɔi ka tɔɔmun mąątínɛ̨n ka doo gee hu, nu kəlee nwɔ kɔ́ kɔ́ kwɛli hɛn ə ɓo ɲee ŋą, nui lɔpee pai kɛi ə tɛɛ kaa a huwalawalalaa, ka baa. Ka kɛ tɔɔmun bulu, ɓɛi lɔpee a kɛi li laa.»

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Ɉeremi 3:15

Gɛ́ nííɓa nuą hee ka nwun na, di ka ɲąąkɔn, a kili mɛ̨nį, ə lɛɛ, a gbaɠala yɛ bələi gáá la bɔ.

Ɉeremi 32:27

«Ɲą́ą́ Yai-Laa, ɲą́ą́ ɓə hɛn gəlee pɛli, mɛ̨nį ta kaa mɔ̨ɔ̨ laa yii vá pɛli gɛi?

Ɉeremi 38:16

Tɔɔmun Sedesiasə ə nwoo kwɛlɛ kpɔ a nwalawalaa, loo pələi Ɉeremi ɓa, yɛ mą: «Yii kpɔ Yai-Laa kaa vulú, yai ɲɛnɛ̨ɛ̨ ŋɛ̨i tɛɛ ku pɔ, vá ə́ paa. Vá nwɔ̨nɔ̨ ə́ tɛɛ nuąi di hvilɛn ŋąą ə́ pulu, di pɔ.»

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Lonon mo 27:15

Nąąlɔwai Moisə yɛ Yai-La ɓa:

Maafîu 9:38

Yili ɓa, ka díi nąmu hvɛli, ə gɛ, ə mɔ̨nun dee nuą tamąą tɛɛ di nwɔ mɔ̨nun tee.»

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Dutɛrɔnome 31:14

Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.

Hebreu 12:9

Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.

Samuɛlə dɔlɔɔ 12:13

Yili ɓa, yiihu, tɔɔmun ka vɛli a ka liiɓa, yaai ka ɉəɠə a ka liiɓa, ya ka. Yai-Laa aa tɔɔmun dɛɛ ka pɔ.