Lonon mo 25:11 - Yálá laawoo hɛɓɛ (dc)

¹¹ «Ɉaláá laa həli mun Aarɔn lon Eleazarə nwɔ lon Pinasə, aa nwɔ́ liiholii həɠə Israɛlə lonnii mɛ̨i, aa mą́ą́ tolo kulɔ. Yili ɓa nwɔ́ liiholii ɲąą aa yɛɛ, və́ kɛa pai Israɛlə lonnii paai, və́ di kpɛɛ yɛnɛ̨ɛ̨.

Yálá laawoo hɛɓɛ

¹¹ «Ɉaláá laa həli mun Aarɔn lon Eleazarə nwɔ lon Pinasə, aa nwɔ́ liiholii həɠə Israɛlə lonnii mɛ̨i, aa mą́ą́ tolo kulɔ. Yili ɓa nwɔ́ liiholii ɲąą aa yɛɛ, və́ kɛa pai Israɛlə lonnii paai, və́ di kpɛɛ yɛnɛ̨ɛ̨.

Bible

¹¹ “Mɛnii zâla láa-soŋ-nuu kɛ́tɛi Eelɔŋ ǹóŋ Ilieza ǹóŋ Fineɣa è gɛ̀i nya ƃe gɛ̀ a gɛɛ ŋálii-ŋwanai ŋá é yéŋ Eezuɛ-ŋai mɛni ma. Kpɛni fêi, è ḿaa lii-ŋwana kɛ̀ dísama. Nya ƃe gɛ̀ a gɛɛ ŋálii-ŋwanai fé Eezuɛ-ŋai su kara ní.

Lonon mo 25:11 Iomraidhean Croise

Samia Veerɛi 21:14

Di Saulə da non Ɉonatan di kɔ́wɠaa tii loo Sela daai Bɛnɉamɛn lɔi hu, Saulə nąn Kisə kámą hu. Bələi kpɔ tii tɔɔmun ə mo la di gɛ kpɔlɔɔ tii. Yili pulu, Yálá ə ɲɛ̨i lɛlɛɛ hee nɔi ɓa.

Tɔɔɓɛlaa dɔlɔɔ 14:22

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Ɉuda nuą di di yee lɔ ɉu, nɛ̨ŋɛ̨nŋaai di ɉəɠə, di Yai-Laa lii kələn gwəi ə tɛɛ la di nąnni diɛ.

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Mąątɛ̨nɛ̨ 106:30

Kɛlaa, Pinasə ə muhəɠə, ə di lɔwai pɔn bu, ɛlɛɛ ɲɔ̨n tii ə kpɛla mą.

Mąątɛ̨nɛ̨ 106:31

Di yili pɛ̨ɛ̨ nwuɔ̨ a tələnmo túwɔ́, a kwɛlan gəlee mɛ̨nį.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 22:5

«‹Nwɔ̨n a pili nu ta yəi lɔwɛi, ə kɛɛ kala, ə kɛ a mɔ̨nun boloon, ə kɛ a mɔ̨nun gələɠaa, awala kɛ tii, hihɛn ɲɛa, nui nwɔ̨n doo, a ɉɛnŋąą tii kələn bɔɔ kulɔ ɉu.

Lɛɛ gbɔwɔ ɓa 34:14

Ə́ həli kaa, ka hvo kwɛli hvilɛn hali ɓa, mąąhɔlɔɓo, Yai-Laa ‹Toloɔi›, Yálá toloɔ li.

Izikiɛ 16:38

Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Lonon mo 25:10

Yai-Laa yɛ Moisə ɓa:

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Dutɛrɔnome 32:16

Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Dutɛrɔnome 32:21

Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Dutɛrɔnome 4:24

Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.

Zasua 22:13

Di ɉaláá laa həli mun Eleazarə lon Pinasə tɔɔ, Rubɛn lonnii, Gadə lonnii, da Manase huwu bələ tɔ̨nɔ̨i tii ni pɔɔli Galaadə lɔi hu;

Zasua 24:19

Ɉosue yɛ Israɛlə lonnii diɛ: «Ka hvo pai pɛli tíi Yai-Laa ɓa, mąąhɔɓo, gaa a Yálá Mąąhəɠɛɛ, Yálá tólɔɔ li, hvo pai niilaai ka wɔ kulɔ nwoo mu laa, da ka wɔ nɛ̨ŋɛ̨nŋąą mu.