Lonon mo 24:9 - Yálá laawoo hɛɓɛ (dc)

⁹ Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Yálá laawoo hɛɓɛ

⁹ Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Bible

⁹ Eezuɛ káa yɛ̂ɛ yala-sulu wála-walaa. A kɛ̀ nyîi, núu da fé naa é lɛ́ɣɛ mà. Ǹúui a lûwa làa Eezuɛ mai lûwa káa mà. Ǹúui a Eezuɛ fooi, foo-woo a pâi kɛ̂i maa ǹúui ma.”

Lonon mo 24:9 Iomraidhean Croise

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Zɛnɛse 49:9

Nón Ɉuda! Ə́ kaa yɛ yala a laŋą a nįnɛ̨, nón ɉulɔnu, aa həɠə loɉolaa kɛi! Aa pu nwungbəla, aa pɛlɛ yɛ yala, yɛ yala haa; gbɛɛ ɓə a pɛli muhəɠəi?

Tɔɔɓɛlaa dɔlɔɔ 10:20

Gbəlin ə kɛ heeni yala pow kɔ́w hveelɛ di ɓo nu kɔ́wɔ hvilɛn ɉii mɛ̨idai ɓa, mɛ̨ida yɛ ɓo ɓɛ pələ, mɛ̨ida ə ɓo ɓɛ pələ. Di hvo ta yili gulɔ mąą kaa li lɔi ta hu.

Kɔlɔnikɔ Veerɛi 9:18

Nu kɔ́wɔ kpəŋəi mɛ̨ida ɓə kɛ a nu həli dɔɔkpəlin tii ɓa, nu kɔ́wɔ tɔɔi ə kɛ mą a hɛni, gbəlin ɲee ə kɛ mą ɓɛ pələ da ɓɛ pələ, yalá mąą nįnį́n veelɛ ə kɛ tɔɔni ɲeeɠaa kwɛlɛ.

Zôo 41:10

A tihoo ɓo, kɛɛ pɔ̨nɔ̨ a kulɔ di lɔwai, ɲɛ̨i lon ə ɓo yɛ yələ ɓɔi gɛɛ pɔ̨nɔ̨.

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Lɛɛ gbɔwɔ ɓa 23:22

Kɛlaa, ka ka wəli tɔɔ nwoo ɓa, mɛ̨nįi gáá moi kaa ka gɛ, gáá pai kɛi a ka yowoɠaa di yowo, gɛ́ tɔɔ nuąi da tɔɔ ka la, di la.

Azaya 31:4

Mɛ̨nįi Yai-Laa ə mo mą́ą́ ya ka, yɛ diɛ: Akɛ yala hilɛ, a wala kɛti yala lon, a kɛi kpəɠi gɔ̨nɔ̨n mɛ̨i, taatɛlɛɛ pulu nuą di mą pa a di kpulu kɛnɛ̨, di tómą woo hva mąąɲɔw, di tín va nii kulɔ mą. Bələ ɓə Yai-Laa Mɛ̨nį Kəlee ŋą Hééɓomun kaa pai yɛɛi la Siɔn yee nwuɔ̨, nwɔ yee kpu kpui mɛ̨i, kɔ́ kɔ́ mɛ̨nį ɓa.

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Lonon mo 22:12

Yálá yɛ Balaamə ɓa: «Mąą hvo nɛ̨ɛ̨li hvó lɛɛ di pulu, ka diɛni ka hvo li, ɛlɛɛ, hvó nu huwui tii nɛ̨ŋɛ̨n naa, mąąhɔlɔɓo, lúwɔ́ kaa diɛ.»

Lonon mo 22:6

Nɛ̨ɛ̨ yɛ́ nąn! Pa, ə́ nu huwui tii nɛ̨ŋɛ̨n naa; mąąhɔlɔɓo, di hvaŋą kɛnɛ̨i di tɛɛ kuɔ. Akɛ yá di nɛ̨ŋɛ̨n naa, ɲéé a pɛli tɛɛi diɛ, ŋą́ di kpɛ nɔi. Mąąhɔlɔɓo, ŋį́ gɔlɔn gɛ́, nui yá lúwɔ́ too mą, doɔ li mą; nui yá nɛ̨ŋɛ̨n naa, nɛ̨ŋɛ̨n naa li.»

Lonon mo 23:24

Nu huwu ka tii, a muhəɠə yɛ yala, a haŋą ə tɔɔ yɛ yala hilɛ, hva pɛlɛ akɛ hvo huwɔ hon ni yɛ ɉu ɓɛla. Yii hvo huwɔ hon ni, yɛ ɲąmą kpələ.»

Lonon mo 24:10

Balakə ə níiholi kpɔ Balaamə pɔ, ə ɲee pili gee hu, yɛ mą: «Ŋą́ ə́ təli ɲówoɠaa nɛ̨ŋɛ̨n naa mɛ̨nį ɓa, ya ɓə ə́ lúwɔ́ too diɛ kpɔ gee mɛ̨i haaɓa.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Gɛlaɠaa 9:5

Solə yɛ mą: «Gbɛɛ ɓaa yɛ́ Ną́mu?» Yili yɛ mą: «Ɲą́ą́ ɓə a Jesus, ɲą́ą́ ka tii ə́ kaa mɔ̨nɔ̨ɓoi.

Dutɛrɔnome 30:7

Mɛ̨nįɠaa kpɔ Yai-Laa ka wɔ Yálái ə mo, yɛ hvilɛn na ka yowoɠaa diɛ, diɛi kɛ di hvilɛn ŋąą ka pulu a yowo laa kɛnɛ̨, Yai-Laa ka wɔ Yálá a mɛ̨nįɠaa tii kəlee pɔ mɛ̨nį kɛ.