Lonon mo 24:7 - Yálá laawoo hɛɓɛ (dc)

⁷ Di wɔ yá haɠa hɛnɲąŋąɠaai laa a hvɛɛ, yɛ pu mą, tulɔ yɛ di wɔ hihɛnŋąąi lɛlɛ. Nu wala wala ta kaa pai kulɔi Israɛlə huwu hu, di kaa pai heei lɔi tamąą mɛ̨i. Israɛlə nwɔ tɔɔmun hvaŋą kɛnɛ̨i Agagə ɓa. Nwɔ tɔɔlaai hvaŋą kaa pai tɛi.

Yálá laawoo hɛɓɛ

⁷ Di wɔ yá haɠa hɛnɲąŋąɠaai laa a hvɛɛ, yɛ pu mą, tulɔ yɛ di wɔ hihɛnŋąąi lɛlɛ. Nu wala wala ta kaa pai kulɔi Israɛlə huwu hu, di kaa pai heei lɔi tamąą mɛ̨i. Israɛlə nwɔ tɔɔmun hvaŋą kɛnɛ̨i Agagə ɓa. Nwɔ tɔɔlaai hvaŋą kaa pai tɛi.

Bible

⁷ Tuna támaa a pâi pûi dílɔii su Da pâi ŋɔsí-sɛŋ sîi yá-lɔii ma. Díkâloŋ ŋɔkâloŋ-laai a pâi kɛ̂i a gɛtɛ tɛ́ɛ Aga Ŋɔkâloŋ-laa a pâi kɛ̂i a zu kɛ́tɛ.

Lonon mo 24:7 Iomraidhean Croise

Samia Veerɛi 5:12

Nąąlɔwai, Davidə kili ə pu ɉu yɛ kɛ Yai-Laa aa kɛ ɉee kpɔ a tɔɔmun Israɛlə nwun na; ɛlɛɛ aa kɛ nwɔ tɔɔlaai hvaŋą kɛnɛ̨ Israɛlə mąą mɛ̨nį ɓa.

Tɔɔɓɛlaa dɔlɔɔ 5:1

Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.

Kɔlɔnikɔ Maa-ŋuŋ 14:2

Nąąlɔwai, Davidə ə gɔlɔn yɛ kɛ, Yai-Laa aa nwɔ heeɓo laai hee kpɔ a neelee Israɛlə lonnii mɛ̨i, ɛlɛɛ, mɛ̨lɛ kpɔɔkpɔ ə kɛ mą Israɛlə nu huwu mąą mɛ̨nį ɓa.

Ɛsdrasə 4:20

Diɛ tɔɔɓɛlaa huwalawalaa di wɔlɔ di muhəɠə Ɉerusalɛmə daai, di hee Eufratə ya lee voló tooi pələ lɔiɠaai tii kəlee mɛ̨i, diɛ kulɔ-kulɔ hɛnŋąą kulɔ diɛ, da nįįhɔnwɔ.

Mąątɛ̨nɛ̨ 18:43

Ŋą́ di mąą pənə a munuun gbala, hvaŋą yɛ li a diɛ.

Mąątɛ̨nɛ̨ 68:26

Nwələ too nuą di ɓo tɔwɔ, vɛ́likɛ nuą di ɓo nąą pulu, nɛ̨ɛ̨lɛa di ɓo di pɔ, diɛ kɛ́ɛ́ yɔw.

Mąątɛ̨nɛ̨ 72:11

Tɔɔɓɛlaa kəlee kaa pai kwɛli hvilɛn ɉii mą, lɔiɠaa kəlee diɛ tí mą.

Mąątɛ̨nɛ̨ 89:27

Yaa tii, gaa pai kɛi mą́ą́: «Ną́n! Nwɔ́ Yálá! Málo kwɛni!»

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 30:25

Tɛɛyá kaa pai kɛi kulɔi yee ton gwɛaa hu, da yee kpɛa-kpɛa kəlee nwuɔ̨ a gboloon gɛnɛ̨, a nu paa yələ kɛnɛ̨i, a ɲələi daa mąą kpɛ hį́iɠaa da pu la.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 51:13

Yɛ́i heeni yákpɛa kpɛaɠaa kwɛlɛ, ə́ yee laa hvɛɛ hɛn gɔw hu, ə́ wɔ yɛnɛ̨ɛ̨ aa kpɛɛ. Yáá ə́ tɔ̨nɔ̨ kəlee hɔlɔɓo.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Lonon mo 24:20

Yili pulu, Balaamə ə Amalɛkə kaa, ə mɛ̨nįi ŋɛ̨i ɓo, yɛ həɠə Yálá yəi, yɛ mą: «Amalɛkə kaa lɔi kəlee ɲɛ̨i tɔwɔ, Kɛlaa, mɛ̨nįi ɉeɛ dɔwɔ ya ɓaa ɉukala mɛ̨nį.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 17:1

Yili pulu, malaka mɛ̨ihveelɛi tii gbələ kɔ́wɔ mɛ̨ihveelɛ ə kɛ di yee ɲąi, dɔ̨nɔ̨ ə pa, yɛ mą́ą́: «'Pá ɓɛ! Nwɛlikɛ nɛ̨ɛ̨nu kɛnɛ̨i tii heeni gboloyá kwɛlɛ, bələi di pai giti teei la, ŋį́ bələ lɛ yɛ́.

M̀ɛni-lɛɛi 17:15

Yili pulu, malaka yɛ mą́ą́: «Ɲáɠaa tii ə́ gaa ɓɛi nwɛlikɛ nɛ̨ɛ̨nui tii heɛ ə kɛ laai, di kaa a huwuɠaa, a nu kpuluɠaa, hįi lɔiɠaa, ɛlɛɛ, da hįi wooɠaa.

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»