Lonon mo 24:6 - Yálá laawoo hɛɓɛ (dc)

⁶ Di kaa yɛ yee lɔwai lɔiɠaa. Diɛ li lɔ dąną dąną yɛ yá kɛnɛ̨ kwɛlɛ nɔw yɛa, yɛ alowɛsə wulu Yai-Laa ə ɉin, yɛ yá kwɛlɛ kpitili.

Yálá laawoo hɛɓɛ

⁶ Di kaa yɛ yee lɔwai lɔiɠaa. Diɛ li lɔ daną daną yɛ yá kɛnɛ̨ kwɛlɛ nɔw yɛa, yɛ alowɛsə wulu Yai-Laa ə ɉin, yɛ yá kwɛlɛ kpitili.

Bible

⁶ Díkaa yɛ̂ɛ diŋ-tiŋ su-kɛ́tɛ gɛ̀ lì kwaa kôya-mà. Díkaa yɛ̂ɛ sûa-ŋa nyii gáa yá kɔlɛi. Yɛ̂ɛ wúru kuŋ nɛ̃ɛ nyii Yâwɛɛ è zìi. Kpaa máŋ yɛ̂ɛ sîda wuru nyii dɔɔ̂i yá kɔlɛi.

Lonon mo 24:6 Iomraidhean Croise

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Mąątɛ̨nɛ̨ 104:16

Yai-Laa nwɔ wuluɠaai diɛ pilɛ, ə mą kɛ Liban kpitiliɠaai ə di hin.

Mąątɛ̨nɛ̨ 45:8

Mɛ̨nį haŋąą wɛli kaa yɛ́, yɛ́ wɛlikpɛɛmąąlaa kulɔ a mɛ̨nį ɲɔ̨n, yili ɓə gɛ, Yálá, ə́ wɔ Yálái yɛ ə́ mąąti a kwəinɛ̨ɛ̨ wulɔ, yɛ ə́ hviɛlaɓo la tii ə́ ɓɛlaa diɛ.

Wɛli 6:11

Ŋą́ li ɉihɛn ɲɛa, ŋį́ yɛɛ ɉihɛn bɛlɛɛɠaa mɛ̨i kaa moloon ɉu, akɛ viɲəɠaa kaa kpuwun ɉii, akɛ gaani wuluɠaa daa powa.

Azaya 41:19

Gɛ́, hɛan da kpitili, tow wuluɠaa da kələ di hin lɔi pun ɉu, gɛ́ ɓɛlɛ, ɓahi da wiɛ́ di hin, ɓɛi nąą ə kɛ lɔ a kpomó.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Izikiɛ 47:12

Ɲá hvɛɛi tii kwɛlɛ, gbonwon ɲa hveelɛi ɓa, ɓá wulu huwu kəlee kaa pai kɛi ɓɔn ɉii laa, di laa hvo pai kpalai di ɲa, di ɓa hvo pai kpɛɛi di hu; di kaa pai ɓa nįnɛ̨ ɓoi ɲąnin dɛi tɛi yeemu, mąąhɔlɔɓo ɲáleei tii kaa kulɔi Yálá hee pɛlɛ́ mu. Di ɓa kaa pai kɛi a kɔ̨nɔ̨n, di laa ə ɓo a hali.

Lonon mo 24:5

«Ə́ wɔ həɠə pɛlɛ́ɠaai lɛlɛɛi ɓə Ɉakɔbə, ə́ yii pɛlɛ́ɠaa lɛlɛɛi Israɛlə.