Lonon mo 23:1 - Yálá laawoo hɛɓɛ (dc)

¹ Balaamə yɛ Balakə ɓa: haláá kulɔi mɛ̨ihveelɛ tɔɔ ɓɛ mą́ą́. Ə́ nįŋɛ̨ hilɛ mɛ̨ihveelɛ da ɓɛlaa hilɛ mɛ̨ihveelɛ tɛɛ bɔ́.

Yálá laawoo hɛɓɛ

¹ Balaamə yɛ Balakə ɓa: haláá kulɔi mɛ̨ihveelɛ tɔɔ ɓɛ mą́ą́. Ə́ nįŋɛ̨ hilɛ mɛ̨ihveelɛ da ɓɛlaa hilɛ mɛ̨ihveelɛ tɛɛ bɔ́.

Bible

¹ Nya ƃe Bâlaŋ è mò Bâla mà, ǹyɛɛi, “Ɣâla-teƃele lɔ́ɔlu mɛi feerɛ tɔ́ɔ mî ƃɛ́, í pá a niŋa-sirɛ lɔ́ɔlu mɛi feerɛ da ƃála-sirɛ lɔ́ɔlu mɛi feerɛ.”

Lonon mo 23:1 Iomraidhean Croise

Tɔɔɓɛlaa veelɛ 18:22

«Ka pɛli nwɔ̨nɔ̨ kɛi diɛ: kwaa ku kilitɔɔ Yai-Laa ku wɔ Yálái ɓa. Yɛ́ Ezekiasə, kɛlɛi yɛ́ ɓə ɉaláá kulɔiɠaa kəlee wolo, yɛ́ kɛ Ɉuda lɔi hu nuą da Ɉerusalɛmə nuą diɛ: Gɛɛnąąɠaai ŋɛ̨i ɓə ka kɛ pɛlɛi laa ka kwɛli hvilɛn haliɠaa diɛ.

Kɔlɔnikɔ Maa-ŋuŋ 15:26

Ə gɛ Yálá ə kpɔnmąą tɛɛ kɛ Levi lonnii kɛi Yai-Laa nwɔ mįnɛ̨ kəhi həɠə di pɔ, di niŋɛ̨ mɛ̨ihveelɛ da ɓɛlaa hilɛ mɛ̨ihveelɛ kulɔ a haláá.

Kɔlɔnikɔ Veerɛi 29:21

Di pa a nįŋɛ̨ hilɛ mɛ̨ihveelɛ, ɓɛlaa hilɛ mɛ̨ihveelɛ, ɓɛlaa lon mɛ̨ihveelɛ, ɓooli hilɛ mɛ̨ihveelɛ; di gɛ a nɛ̨ŋɛ̨n mąąhvaalɛɛ haláá dɔɔ pɛlɛ́ mąą mɛ̨nį ɓa, gɛɛnąą mąąhəɠɛɛ da Ɉuda lɔi mąą mɛ̨nį ɓa. Yili pulu, tɔɔmun yɛ ɉaláá laa həli nuąi a Aarɔn lonnii diɛ, di ɉalááɠaa tii kulɔ Yai-Laa kɔ́ haláá kulɔi.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Izikiɛ 45:23

Voló mɛ̨ihveelɛi tii yeemu, a haláá hɛn da gəlee kələn gulɔ, a Yai-Laa nwɔɔ; nįŋɛ̨ hilɛ mɛ̨ihveelɛ da ɓɛlaa hilɛ mɛ̨ihveelɛ, yii pɔɔ hva kɛ diɛ; hvóló tɛi tɛi yeemu; da nɛ̨ŋɛ̨n mąąhvaalɛɛ haláá, yii a gulɔ a ɓoli hilɛ tɔ̨nɔ̨ hvóló tɛi tɛi kəlee.

Lonon mo 22:41

Mąą yələ laaɓoɔ, Balakə ə li a Balaamə Bamotə-Baalə; nu a kɛ laa a pɛli Israɛlə lonnii kpulu bələ tɔ̨nɔ̨ kaai.

Lonon mo 23:2

Balakə ə gɛ yɛ bələi Balaamə ə mo la. Di nu hveelɛi di nįŋɛ̨ hilɛ tɔ̨nɔ̨ da ɓɛlaa hilɛ tɔ̨nɔ̨ kulɔ a haláá, ɉaláá kulɔi tɛi tɛi kəlee ɓa.

Lonon mo 23:29

Balaamə yɛ mą, di haláá kulɔi mɛ̨ihveelɛ pɛli mą́ą́. Ə́ nįŋɛ̨ hilɛ mɛ̨ihveelɛ da ɓɛlaa hilɛ mɛ̨ihveelɛ ɲąą pɛli ɓɛ mą́ą́.

Lonon mo 23:30

Balakə ə gɛ yɛ bələi Balaamə ə mo la mą. Yili pulu, ə nįŋɛ̨ hilɛ tɛi-tɛi da ɓɛlaa hilɛ tɛi-tɛi kulɔ a haláá, ɉaláá kulɔi tɛi-tɛi ɓa.

Lonon mo 29:32

Voló mɛ̨ihveelɛ yələ, nįŋɛ̨ mɛ̨ihveelɛ, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn yiiɠaai pɔɔ hva kɛ da ɓa,

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.