Lonon mo 22:6 - Yálá laawoo hɛɓɛ (dc)

⁶ Nɛ̨ɛ̨ yɛ́ nąn! Pa, ə́ nu huwui tii nɛ̨ŋɛ̨n naa; mąąhɔlɔɓo, di hvaŋą kɛnɛ̨i di tɛɛ kuɔ. Akɛ yá di nɛ̨ŋɛ̨n naa, ɲéé a pɛli tɛɛi diɛ, ŋą́ di kpɛ nɔi. Mąąhɔlɔɓo, ŋį́ gɔlɔn gɛ́, nui yá lúwɔ́ too mą, doɔ li mą; nui yá nɛ̨ŋɛ̨n naa, nɛ̨ŋɛ̨n naa li.»

Yálá laawoo hɛɓɛ

⁶ Nɛ̨ɛ̨ yɛ́ nąn! Pa, ə́ nu huwui tii nɛ̨ŋɛ̨n naa; mąąhɔlɔɓo, di hvaŋą kɛnɛ̨i di tɛɛ kuɔ. Akɛ yá di nɛ̨ŋɛ̨n naa, ɲéé a pɛli tɛɛi diɛ, ŋą́ di kpɛ nɔi. Mąąhɔlɔɓo, ŋį́ gɔlɔn gɛ́, nui yá lúwɔ́ too mą, doɔ li mą; nui yá nɛ̨ŋɛ̨n naa, nɛ̨ŋɛ̨n naa li.»

Bible

⁶ Mɛni ma pá í dífoo. Kpɛni fêi, dítâmaai é tɛ́ɛ kûa. Tãi da kwa pâi pɔrîi díyee mɛi ɣâlei kú díkpɛ ǹɔii ma. Kpɛni fêi, ŋá gɔ́lɔŋ a gɛɛ ǹúui ƃa lûwa tòo mai a lûwa sɔlɔ ƃô, ǹyaŋ ǹúui ƃa vòoi vòo-wooi a zòŋ.”

Lonon mo 22:6 Iomraidhean Croise

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Tɔɔɓɛlaa dɔlɔɔ 22:13

Nąąlɔwai, nui ŋɛ̨i di dɔɔ yɛ li Mise təlii, ə mo Mise ɓa, yɛ mą: «Ə́ wəli tɔɔ, Yálá kwəi mɛ̨nį hukulɔ nuą kəlee woo tɔɔi aa kɛ tɔ̨nɔ̨, diɛ tɔɔmun gaa lii yeetɛɛmąą kɛi; yili ɓa, ya li, too di pɔ ka kəlee ka mo lɔ tii.»

Tɔɔɓɛlaa dɔlɔɔ 22:6

Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

Tɔɔɓɛlaa dɔlɔɔ 22:8

Kɛlaa, Israɛlə tɔɔmun yɛ Ɉosafatə ɓa: «Hulɔnu ta kaa ɓɛ, gwa pɛli Yai-Laa mąąnin gɛi bɔ pələ, kɛlaa, nwɛ́i, nwɛli hvo mą́ą́; Mąąhɔlɔɓo, mɛ̨nįi a ɉəɠə Yálá la yɛ mo, hva kɛ a nɛlɛɛ yɛ hvilɛn na mą́ą́, ɲɔ̨nwɔ̨ɔ̨ lɔ ɓə a kɛ moi a hvóló kəlee. Mąą hulɔnui ɓaa: Yimla lon Mise.» Ɉosafatə yɛ tɔɔmun ma: «Tɔɔmun hvo kɛ gaa yili ɓoi tii.»

Nehemi 13:2

Mąąhɔlɔɓo, di hvo wɔlɔ kɛ Israɛlə lonnii laakwiɛn ni a kɔ̨nɔ̨n da ya; ə lɛɛ, Moabə ə wɔlɔ Balaamə hala, ə gɛ, ə Israɛlə nuą nɛ̨ŋɛ̨n naa, kɛlaa, Yálá ə nɛ̨ŋɛ̨n naa mąą pənə a lúwɔ́.

Mąątɛ̨nɛ̨ 109:28

Di wɛi, da nɛ̨ŋɛ̨n naa kɛ, ə́ wɛi, yɛ́ lúwɔ́ kɛ. Di di muhəɠə náá ɓa, yili ə kɛ a di nwumɛ̨ mɛ̨nį, Kɛlaa mąą ə pənə a yɛ́ tímun kwəinɛ̨ɛ̨ mɛ̨nį.

Hanwon 26:2

Bələi hvólóon a koon na yələ kwəi, ɉeei hvo mą, bələ ɓə nɛ̨ŋɛ̨n naai nwun və mą, hva nu hon.

Izikiɛ 13:6

Gɛɛi da gaa, gaa a lɛɛ, diɛ hvaa a nuą ɓowo pələ, a diɛi tii da kɛ diɛ: ‹Yai-Laa woo ka!› Ɛlɛɛ yaan, Yai-Laa hvo di tí li. Ɛlɛɛ da hee diɛ kɛ Yálá ə di woo pɔ mɛ̨nį kɛ.

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Lonon mo 22:12

Yálá yɛ Balaamə ɓa: «Mąą hvo nɛ̨ɛ̨li hvó lɛɛ di pulu, ka diɛni ka hvo li, ɛlɛɛ, hvó nu huwui tii nɛ̨ŋɛ̨n naa, mąąhɔlɔɓo, lúwɔ́ kaa diɛ.»

Lonon mo 22:17

Gaa lii ə́ mąąwiɛi kɛnɛ̨, ɛlɛɛ, yii kpɔ ə́ kaa lii vɛli mą, a gəlee kɛ yɛ́. Pa kani gwə li, ə́ nu huwui tii nɛ̨ŋɛ̨n naa.›»

Lonon mo 23:13

Balakə ə pənə yɛ mą: «'Pa gwəli kɛɛnąą takpɛli ɓa, yá kɛ laa yɛ́ nu kpului ŋɛ̨i kaa. Ɛlɛɛ ə́ nɛ̨ŋɛ̨n naa laa ɲə́i. Bələ tɔ̨nɔ̨ lɔ ɓə ə́ kɛi gaa, hvo kɛi nu kpulu kəlee kaa.»

Lonon mo 23:27

Balakə yɛ Balaamə ɓa: «'Pa tai, gáá lii a yɛ́ kɛɛnąą takpɛli ɓa. Yálá kaa kiɛ pai hvaai mą, ə́ nu huwui tii nɛ̨ŋɛ̨n nąą gɛɛnąąi tii ɓa mą́ą́.»

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Gɛlaɠaa 16:16

Yələ ta, ku kɛɛ lii Yálá hvɛlii, kolo-kɛ nɛ̨ɛ̨non da ə pa ku laakwiɛn ɉii, ɲɛ̨ąkpɛ ɲįnɛ̨n da ə kɛ bulu. Ɲɛ̨ąkpɛ ɲįnɛ̨n ti, ə kɛli hɛn gɔw tiɛ̨ nąmįną diɛ kpɔ kɛnɛ̨.

Dutɛrɔnome 23:4

Amɔn nuą da Moabə nuą di hva lɔ Yai-Laa nwɔ haláá ɲąąkpɔn ɉu kpɔ tɔ̨nɔ̨ kpɛli. Ə mą kɛ di mąnįn bulu mąnįnŋąą bow nąą ɓə.

Zasua 24:9

Moabə tɔɔmun Balakə Sipɔrə lon, ə muhəɠə yɛ kɔ́ pɛlɛ Israɛlə ɓa. Ə Beɔrə lon Balaamə wɛlɛɛ tɔɔ, ka nɛ̨ŋɛ̨n naa mɛ̨nį ɓa.

Samuɛlə dɔlɔɔ 17:43

Goliatə yɛ Davidə ɓa: «Gaa ə́ kwəi yilɛ lon maa a ɲą́ą́, yai ə́ kaa pai bɔ́ gbɔn yɛ ɓo ə yəi?» Goliatə ə́ Davidə nɛ̨ŋɛ̨n naa a nwɔ haliɠaai laa.