Lonon mo 21:9 - Yálá laawoo hɛɓɛ (dc)

⁹ Moisə ə kaalə mąą nįnįn ɉəɠə a ɓala kwɛli, ə ɉɛlɛn wulu gbiɛ da ɓa. Gaaləi tii ta a nu ɲin nɔ kɛ, mąą nu a ɲɛ̨i hee gwɛli kaaləi tii ɓa, ə ɓalo.

Yálá laawoo hɛɓɛ

⁹ Moisə ə kaalə mąą nįnįn ɉəɠə a ɓala kwɛli, ə ɉɛlɛn wulu gbiɛ da ɓa. Gaaləi tii ta a nu ɲin nɔ kɛ, mąą nu a ɲɛ̨i hee gwɛli kaaləi tii ɓa, ə ɓalo.

Bible

⁹ Nya ƃe Mose è ƃara-kali kpɛ̀tɛ è ǹɔ́ wúru ŋá é dɔɔ. Ǹyaŋ ǹúui kélee kali è nyìŋ é m̀ara-kalii kâai, è ƃálo.

Lonon mo 21:9 Iomraidhean Croise

Tɔɔɓɛlaa veelɛ 18:4

Ezekiasə ɓə ɉali kɔ́iɠaa taɠa nɔi, ə gwɛni kalanŋaa taɠa, nwuluɠaai di kɛi gɔ, ə di pɔn, mala kwɛli kaaləi Moisə ə bɛli, ə ɉuyal-yali; mąąhɔlɔɓo, Israɛlə nuą di lɛɛ haláá kulɔi mą, ə lɛɛ la ɉu nwɔ yələi ə həli. Di kɛi kɛ gaaləi tii laa ɓa a: Nehustan.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 12:32

Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Lomaŋ 1:17

Yaan, bələi Yálá a nu kɛ la a tələnmomun yaa kpinįi ɲɛ̨i ɓa, nwɛlɛɛ lɛlɛɛ ɓə a yili lɛ. Ə həɠə gɔwɔ tɔɔi lɔwai ɓa, ə lɛɛ ɉu ɲąąkpɛɛi lɔwai, laa na laa lɔ ɓə. Yɛ bələi bɛ̨ɛ̨i la, diɛ kɛ mą: Nui tələnmoɔ a yɛnɛ̨ɛ̨ kɛ, nwɔ laa na laa háálai.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.