Lonon mo 21:23 - Yálá laawoo hɛɓɛ (dc)

²³ Kɛlaa, Sihɔn hvo hvaa mą Israɛlə hvo tɛɛ nwɔ lɔi hu. Ə́ nwɔ nuąi kəlee ɲąąkpɔn, yɛ li pɛlɛi Israɛlə ɓa nɔi pun ɉu. Ə həli Yahsa, di gɔ́ yili laa ŋą da Israɛlə.

Yálá laawoo hɛɓɛ

²³ Kɛlaa, Sihɔn hvo hvaa mą Israɛlə hvo tɛɛ nwɔ lɔi hu. Ə́ nwɔ nuąi kəlee ɲąąkpɔn, yɛ li pɛlɛi Israɛlə ɓa nɔi pun ɉu. Ə həli Yahsa, di gɔ́ yili laa ŋą da Israɛlə.

Bible

²³ Kɛ́lɛ Siɔŋ fé fáa ní ma a gɛɛ Eezuɛ-ŋai dí tɛ́ɛ ŋɔlɔii su-pere. È ŋɔkɔ́ kɔ́-ƃelai kélee ŋá tɛ̀ gîe ma é lí a dia vɛ̃ɛ-kpâlaŋ su Zaɣa kɔlɛ ma é kɔ́ pɛ́lɛ Eezuɛ-ŋai dîa.

Lonon mo 21:23 Iomraidhean Croise

Azaya 15:4

Hɛsbɔn da Eleale diɛ gboo təli, nu a kɛ Yasa daai, yɛ mɛ̨n. Yili mąą mɛ̨nį ɓa Moabə kɔ́ kulááɠaa kaa tómąi, liikpələ hvo da yəi.

Ɉeremi 48:21

Giti aa həli ɲee hu lɔi mɛ̨i, aa həli Holɔn mɛ̨i, da Yasa, Mefaatə,

Ɉeremi 48:34

'Ka pa mą́ą́ kilɛ! Nwooɠaai tɔɔi Hɛsbɔn, di kaa kpɔ di mɛ̨n ɉii Eleale, di woo kaa həlii kpɔ Yasa, di kaa wɔlɔi Soarə, yɛ həli Horonaimə, Ɛglatə-Selisiya. Mąąhɔlɔɓo, ə mą kɛ Nimrimə ya aa kpala ɉu.

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Lonon mo 20:18

Kɛlaa, Edɔmə tɔɔmun ə nwoo pulu pənə yɛ mą: «Hvá tɛɛ bɔ́ɔ́li, ya ɉu kɔ́ɔn, ŋą́ ə́ laakwiɛn a kwɛli hɛn.»

Lonon mo 20:21

Edɔmə hvo hvaa mą Israɛlə hvo tɛɛ nwɔ lɔi hu, Israɛlə ə mąą laa.

Dutɛrɔnome 4:46

Di dɔ́nŋąą da díɓoɠaa tii hukulɔ Israɛlə lonnii diɛ, di hvo ni kɛ Ɉurdɛn teen ni, di kɛ Bɛtə-Peɔrə. Di kɛ Amɔrə tɔɔmun Sihɔn nwɔ lɔi hu, yai kɛ heeni Hɛsbɔn. Moisə da Israɛlə lonnii di dɔɔmun tii paa ɓɛlɔwai di kulɔ la Eziptə lɔi hu.

Zasua 13:18

Yasa, Kedemotə, Mefaatə,

Nwun mąąɓo 11:20

Kɛlaa, Amɔrə tɔɔmun hvo laa Israɛlə nuą la, hvo kɛli Amɔrə nuą di di wɔ kɔlaɠaɠaa ŋąąkpɔn, də li di hee Israɛlə nuą tɔwɔ a kɔ́ Yahasa.