Lonon mo 20:1 - Yálá laawoo hɛɓɛ (dc)

¹ Israɛlə lonnii kəlee di həli Sin nɔi pun ɉu, a gwɛlan nwɔ ɲąnin dɔlɔɔ. Nuą di hee Kadɛsə daai. Nąą ɓə Miriamə ə haa laa, di noo laa.

Yálá laawoo hɛɓɛ

¹ Israɛlə lonnii kəlee di həli Sin nɔi pun ɉu, a gwɛlan nwɔ ɲąnin dɔlɔɔ. Nuą di hee Kadɛsə daai. Nąą ɓə Miriamə ə haa laa, di noo laa.

Bible

¹ Eezuɛ-ŋai dí sèri Ziŋ fɛ̃ɛ-kpalaŋ su dí díƃûui pú Kedɛ ŋ̀áloŋ maa-ŋuŋ su. Naa ƃé Miriaŋ è sàa naa dí nòo naa.

Lonon mo 20:1 Iomraidhean Croise

Zɛnɛse 14:7

Yili pulu, di pənə di pa Ein-Mispatə, naa takpɛli ɓaa: Kadɛsə. Di Amalɛkə nuą pɔɔli kala, di Amɔrə nuą kɛlɛ, diɛi di kaa heeni kɛ Hasasɔn-Tamarə lɔi hu.

Mąątɛ̨nɛ̨ 29:8

Yai-Laa woo a lɔi pun ɉu kpɛlin, Yai-Laa woo a Kadɛsə lɔi pun ɉu kpɛlin.

Lɛɛ gbɔwɔ ɓa 15:20

Yálá kwəi mɛ̨nį hukulɔ nɛ̨ɛ̨nu Miriamə, yai a Aarɔn mąąhala, ə nwɔ hvɛli kɛ hɛn həɠə, Israɛlə nɛ̨ąą kəlee di di wɔ hvɛli kɛ hɛnŋąąi həɠə, di hvilɛn bulu, diɛ mąną, diɛ vɛli kɛ.

Lɛɛ gbɔwɔ ɓa 2:4

Nokoloi ti mąąhala ə lɛɛ tɔɔni nąą kwɛlɛ, əgɛ, mɛ̨nįi pai kɛi a nəɠə, ə nąą kaa.

Lɛɛ gbɔwɔ ɓa 2:7

Nokoloi ti mąąhala yɛ tɔɔmun non ma: «Ə́ kaa bɔ ŋį́ li, ŋį́ kɔ̨nwɔ̨lee nįnɛ̨ ta kwɛli Hebreu nɛ̨ąą lɔwai, ə nokoloi ŋɛ̨i kulɔ ɉu ə́ yəi?»

Izikiɛ 47:19

Negɛvə pələ, ya ɓaa ɉɛɠɛɛ pələ, ə həɠə Tamarə, ə həli la Meriba yáɠaa diɛ, diɛi tii Kadɛsə; ə həɠə Nahala ɓa, ə həli la gboloyá kɛnɛ̨ɛ ɓa ɉɛɠɛɛ pələ. Negɛvə pələ nwɛi kaa ti.

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Lonon mo 12:1

Miriamə da Aarɔn di Moisə laa pələ ɓo, yɛ hvilɛn na Nubi nɛ̨ɛ̨nui tii ə ɉəɠə a nɛ̨ą mąą mɛ̨nį ɓa.

Lonon mo 12:10

Dulɔ kpinįn ə həɠə gee kaa kələ mɛ̨i, hvólóɲɔ̨n ə nɛɛ mą ə yɛɛ a Miriamə, gɔlɔ mu ə kwələ kpɔ yɛ yee hunwɔ̨; Aarɔn ə tinɛ̨n ə gaa, nąą kəlee ə ɓo a hvólóɲɔ̨n.

Lonon mo 12:15

Di Miriamə kulɔ nuą lɔwai, ə hvóló mɛ̨ihveelɛ kɛ dɔ̨nɔ̨ kon ɉu, daa pulu. Nuą di hvo di muhəɠə di hvo hvilɛn bələ pɔ, ə lɛɛ ɉu nwɔ hvóló mɛ̨ihveelɛi tii ə kpɛɛ.

Lonon mo 13:21

Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Lonon mo 13:26

Di pənə di pa di həli Moisə ɓa, da Aarɔn, ə mą kɛ Israɛlə lonnii kəlee, ɓɛi di kɛ laa Paran nɔi pun ɉu, Kadɛsə daai. Di di kwɛlanmo Moisə da Aarɔn diɛ nu kpulu kəlee ɲɛ̨i ɓa. Nɔi tii hu hihɛnŋąąi di paa la di nɛ diɛ.

Lonon mo 20:16

Ku wɔlɔ Yai-Laa ɓa, ə ku tómą woo mɛ̨n, ə malaka ta tɔɔ, yɛ ku kulɔ Eziptə lɔi hu. Kwaa həli kɛa Kadɛsə daai, yii gaa ə́ wɔ lɔi ɲɛ̨n ma.

Lonon mo 20:22

Israɛlə nu kpulu kəlee di həɠə Kadɛsə, di pa Horə ɲee hu.

Lonon mo 20:28

Moisə ə Aarɔn nwɔ həɠəɠaai həɠə, ə di too Aarɔn lon Eleazarə kwąną. Aarɔn ə haa laa ɲee tonna. Yili pulu Moisə da Eleazarə di ɲee yɛɛ.

Lonon mo 26:59

Amramə nɛ̨ą laa ɓaa kɛ Yokɛvɛdə, yai kɛ a Levi lon nɛ̨ɛ̨nu. Levi ə ɉɔlɔɓo Eziptə lɔi hu. Nɛ̨ɛ̨nui tii da Amramə ɓə Aarɔn Moisə da di mąąhala Miriamə di hɔlɔɓo.

Lonon mo 27:14

Mąąhɔlɔɓo, Sin lɔi pun ɉu, ɓɛlɔwai Israɛlə nuą di hvaa pɛlɛ la mą́ą́, ka kulɔ nwóó mu, a ka tíi ŋį́ mo gɛ́ ka nwɔ́ mąąhəɠə laa lɛ nuą diɛ di gaa, a yá kulaa a kpalo mɛ̨nį.» Yili hvilɛn ŋąąi Meriba yá mɛ̨nį ɓa, yii kɛ Kadɛsə, Sin nɔi pun ɉu.

Lonon mo 33:36

Di həɠə Esiɔn-Gɛvɛrə, di pa Sin nɔi pun ɉu, Kadɛsə daai kpɔ kpɔɔ.

Dutɛrɔnome 1:46

Ya ɓə ka lamun Kadɛsə a ɉu kwɛa, lɔ yɛ bələi kwaa gbɛa kɛ lamun la laa.

Dutɛrɔnome 2:14

Ə həɠə Kadɛsə-Barnea ə həli la ɓɛlɔwai gu Ɉerɛdə yá teen na, gu lamun ɉiɛ hu a kwɛlan bow haaɓa gɔw mɛ̨ihaaɓa. Nuą kpɔ kɛ da pɛli kɔ́ kɔ́i, di kəlee di haa, yɛ bələi Yai-Laa ə mo la yɛ gwɛla ɉu.

Dutɛrɔnome 32:51

Mąąhɔlɔɓo, ka kulɔ nwóó mu Israɛlə lonnii ɲɛ̨i ɓa; Meriba ya mąą mɛ̨nį hu, yii gaa Kadɛsə Sin nɔi pun ɉu. Ka hvə kɛ mą́ą́həɠə mɛ̨nį kɔ́lɔn ni Israɛlə lonnii ɲɛ̨i ɓa.

Nwun mąąɓo 11:16

Ɓɛlɔwai wɔlɔ Israɛlə nuą di həɠə la Eziptə, di tɛɛ nɔi pun ɉu, di veen gbɔnɔ gboloyá teen, di pa Kadɛsə.