Lonon mo 2:2 - Yálá laawoo hɛɓɛ (dc)

² «Israɛlə lonnii da kɛi muwu pɛlɛ, pɛlɛ́ kəlee ə lɛɛ ɲəi gwəlii, di wɔ ɉilɛyili mu, di tinɛ̨n ŋąą gee kaa kələ ɓa, di mąą tawolo ə kɛ a gwɛaa mą.

Yálá laawoo hɛɓɛ

² «Israɛlə lonnii da kɛi muwu pɛlɛ, pɛlɛ́ kəlee ə lɛɛ ɲəi gwəlii, di wɔ ɉilɛyili mu, di tinɛ̨n ŋąą gee kaa kələ ɓa, di mąą tawolo ə kɛ a gwɛaa mą.

Bible

² “Fɛ̂ɛ Eezuɛ-ŋai dí díƃûu-ŋai pu díkpulu ma díƃenâ-ŋai mu tɛ-tɛi. Dí dínûa-pɔlɔ-ŋai dípɛrɛ-ŋai maa ŋɛi-kɛ-maa-ŋai tɔ́ɔ naa. Dí díƃûu-ŋai lá tínaŋ Zua kɔlɔ seɣe pɛrɛ maa waai ma-pere m̀éla kélee ma.

Lonon mo 2:2 Iomraidhean Croise

Mąątɛ̨nɛ̨ 74:4

Ə́ yowoɠaa di kɛi tomą a di woo kɛnɛ̨, ɓɛi kpɔlɔ tii ə́ kɛi pa yɛ́ ku kaa laa. Di di pɔɔ lɛɛ laa a di wɔ hali mąąnįnįnŋaai.

Mąątɛ̨nɛ̨ 76:11

Ə mą kɛ nu kanŋaa di wɔ líiholi, kaa a ə́ ɲɛ̨i pono hɛn, ɛlɛɛ, yiɠaai da kulɔ niiholii tii yəi, yá di kąnąn ɲɛ́.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 18:3

Yɛnɛ̨ɛ̨ nuą kəlee, kaai lɔi mɛ̨i, ɓɛlɔwai di kaa pai ɉilɛyili tɛi la ɲeeɠaa nwuɔ̨, 'Ka ka nwun muhəɠə, 'ka gaa! Ɓɛlɔwai di kaa pai dúlu hvɛɛi la, 'ka ka wəli tɔɔ!

Izikiɛ 43:7

Nwooi tii yɛ mą́ą́: Hulɔnu lon, nwɔ́ tɔɔkpəlin hvilɛn ɉii ka, da ɓɛi gáá pai gɔ́wɔ tɔɔi laa; nąą ɓə gáá pai heei laa, Israɛlə lonnii lɔwai a yələ kəlee da nwɔɔ. Israɛlə nwɔ pɛlɛ́i hva kɛa náá mąąhəɠɛɛi mąąliɓi, yaa mąn, ə mą kɛ nwɔ tɔɔɓɛlaa da di wɔ túwɔ pələ ɲɔ̨nŋaa; ə mą nwɔ̨nɔ̨ kɛ nwɔ tɔɔɓɛlaa powaɠaa, da di kámąɠaa.

Zakari 9:16

Ɲələi tii, Yai-Laa, di wɔ Yálái a di mąąkɔ̨nwɔ̨, diɛi tii a nwɔ nu huwui, a nwɔ ɓɛlaa haaɠaai. Di kaa pai kɛi yɛ Kúwɔ́-kwɛni lɛlɛɛɠaa, diɛ lən nwɔ lɔi mɛ̨i.

Lonon mo 1:50

Gee kaa kələ mąą mɛ̨nį lɛɛ Levi lonnii nwuɔ̨, da mu hɛnŋąą diɛ ɓə mąąnɛ̨ɛ̨ diɛ gbəŋəi, da mu hɛnŋąą kəlee, diɛ kóló kɛ mu; ɛlɛɛ, di di wɔɔ həɠə pɛlɛ́ɠaa tɔɔ gwɛlɛ, di mąątínɛ̨n na.

Lonon mo 10:14

Nuąi tɛɛ tɔwɔ, diɛ ɓaa Ɉuda lonnii di wɔ kɔlaɠai. Ɉuda lonnii di wɔ kɔlaɠai, nui kɛ ɲɛ̨itɔwɔ, ya ɓaa kɛ Aminadavə lon Nasɔn

Lonon mo 10:18

Rubɛn lonnii di wɔ kɔlaɠai ə hvilɛn bələ ɓa. Di ɲɛ̨itɔwɔ mun mąą kɛ a Sedeurə lon Elisurə.

Lonon mo 10:22

Yili pulu, Ɛfraimə lonnii di di muhəɠə. Amihudə lon Elisama ɓə kɛ Ɛfraimə lonnii di wɔ kɔlaɠai nwun na.

Lonon mo 10:25

Nuąi lɛɛ a nu gbəliɠaa, diɛ ɓaa Dan lonnii di wɔ kɔlaɠai, nui kɛ gɔ́laɠai tii ɲɛ̨itɔwɔ, ya ɓaa Amisadai lon Ahiezɛrə.

Lonon mo 2:1

Yai-Laa yɛ Moisə da Aarɔn diɛ:

Lonon mo 2:10

«Nuąi pai kɛi Rubɛn nwɔ ɓuwui hu, ɉɛɠɛɛ pələ, diɛ ka: Sedeurə lon Elisurə ɓə gaa a Rubɛn nwɔ kɔlaɠai nąmu.

Lonon mo 2:3

«Ɉuda lonnii di wɔ kwəlii a lɛɛ voló həɠəi pələ, Ɉuda lonnii tii, di di laa pɛ̨ɛ̨, di nwun nąmu ɓaa a Aminadavə lon Nasɔn.

Lonon mo 24:2

Balaamə ə ɲɛ̨i muhəɠə, ə Israɛlə nuą kaa diɛ di hvįįtɔɔ. Di hee kpəlin na kɛɛ a di kpolo laa. Yálá nwɔ Kilii ə pa bɔ.

Korɛntə dɔlɔɔ 14:33

Mąąhɔlɔɓo, Yálá hvə puɉu mɛ̨nį kɛ Yálá, kɛlaa gaa a liilaa Yálá. Yɛ bələi a kɛ kɛi la gbɔn mąąhəɠɛɛɠaa hu,

Korɛntə dɔlɔɔ 14:40

'ká mɛ̨nį kəlee kɛ a gɛ pələ, puɉu túwɔ́ hvo kɛ ɉu.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Kolosə 2:19

Di hva gɛ di hvo kanąn Kristə ɓa, yai a nwun, ɉaalai hu ɓə tɔɔ-tɔɔiŋaa kəlee yiliɛ la di kee ɓa, diɛ kɛnɛ̨ la yɛ bələi Yálá ə mąą laa tɛɛ la bɔ.

Zasua 3:4

Kɛlaa ka kɛi hiɛ, yee laa mą waa hveelɛ ɲɔ̨nwɔ̨mą ə kɛ ka lɔwai; yili ɓə a gɛ, bələi mąąnɛ̨ɛ̨ ka ɉon na, ka kɛ a gɔlɔnŋąą, mąąhɔlɔɓo, ka hvo ta pa li ɓɛ pələ.»