Lonon mo 18:20 - Yálá laawoo hɛɓɛ (dc)

²⁰ Yai-Laa yɛ nwɔ̨nɔ̨ Aarɔn ɓa: «Lɔi hvo pai kɛi ə́ yəi nɔi ɲąąkwɛlɛi lɔwai. Hɛn və pai kɛi ə́ yəi di lɔwai, Ɲą́ą́ ɓə pai kɛi ə́ yə́i a ə́ yə́i hɛn, a ə́ kwɛlin Israɛlə lonnii lɔwai.

Yálá laawoo hɛɓɛ

²⁰ Yai-Laa yɛ nwɔ̨nɔ̨ Aarɔn ɓa: «Lɔi hvo pai kɛi ə́ yəi nɔi ɲąąkwɛlɛi lɔwai. Hɛn və pai kɛi ə́ yəi di lɔwai, Ɲą́ą́ ɓə pai kɛi ə́ yə́i a ə́ yə́i hɛn, a ə́ kwɛlin Israɛlə lonnii lɔwai.

Bible

²⁰ Yâwɛɛ è mò Eelɔŋ mà ǹyɛɛi, “Ífe pâi Eezuɛ-ŋai díkɔ̃liŋ da kélee sɔlɔ ƃôi a ípɔɔ kpaa máŋ dílɔii gbua da. Ńyãai Yâwɛɛ, ńyãa ƃa íkɔ̃liŋ da ílɔii Eezuɛ-ŋai sáma.

Lonon mo 18:20 Iomraidhean Croise

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Mąątɛ̨nɛ̨ 142:5

Ə́ ɲɛ̨i hee ɓa-mįi-yee hu pələ, gɛɛ kaa, nu ta hvo kɛa gɔ́lɔn! Ɓɛi kpɔ ŋį́ noo laa, nąą hvo mą, mą́ą́ kiliŋąhiɛ hvo nu ta lɔpee ɓa!

Mąątɛ̨nɛ̨ 16:5

Yai-Laa, gwɛ́lin maa a yɛ́, nwɛ́i ɓaa a yɛ́! Nwɔ́ yɛnɛ̨ɛ̨ kaa ə́ yee-kɔnma.

Mąątɛ̨nɛ̨ 73:26

Gɔ́lɔ da níí da pɔlɔ, kɛlɛɛ nwɔ́ kilitɔɔmąą, ya lɔ ɓaa a Yálá, a yələ kəlee.

Woolaa 3:24

Gɛ́ diɛ: Yai-Laa ɓə gaa a nwɔ́ hɛn gɔw. Mɛ̨nii gɛi, gilitɔɔ la mą, yaa li.

Izikiɛ 44:28

Di kwɛlin gaa pai kɛi di yəi, ɲą́ą́ ɓə gáá a di kwɛlin; ka hvo lɔi tɛɛ di pɔ Israɛlə lɔi hu, ɲą́ą́ ɓə ɓaa di wɔ lɔi.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Lonon mo 26:62

Levi lonnii pɛlɛɛ gee ɓa, di kɛ a nu waa pow hveelɛ kɔ́w haaɓa (23.000) diɛi kɛ a Levi lon ɉinąą kəlee; diɛi di kaa kwɛlan ə gɔwɔ tɔɔ ɲąnin dɔ̨nɔ̨ ɓa. Di wɛi di hvo di lonon da Israɛlə lonnii. Mąąhɔlɔɓo di hvo lɔi tɛɛ di pɔ Israɛlə lonnii lɔwai.

Dutɛrɔnome 10:9

Yili mąą mɛ̨nį ɓə gɛ, Levi huwu hvo lɔi hɔlɔɓo la a nwɔɔ, yɛ di ɓəlaa. Yai-Laa ɓə gaa a di kwɛlin, yɛ bələi Yai-Laa ka wɔ Yálái ə mo la diɛ.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 14:27

Levi nu huwuɠaai ka wɔ taaɠaai hu, diɛi lɔi hvo di yəi, di kwɛlin və di yəi, ka hvo ka kili kulɔ di hu.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Zasua 13:14

Levi huwu yaa tɔ̨nɔ̨ lɔ ɓə Moisə hvo lɔi tɛɛ bɔ, di hɔlɔɓo hɛn nɔ ɓaa Yai-Laa Israɛlə nwɔ Yálá kɔ́ haláá hɛnŋąą, yɛ bələi ə mo la.

Zasua 13:33

Kɛlaa, Levi huwu hu nuą di wɛi, Moisə hvo lɔi tɛɛ di pɔ, Yai-Laa Israɛlə nwɔ Yálá ɓaa di wɛi; yɛ bələi ə mo la diɛ.

Zasua 14:3

Moisə aa kɛ lɔi tɛɛ huwu hveelɛ da gbulɔ pɔ, ɓɛlɔwai di hvo ni kɛ Ɉurdɛn teen ni la; kɛlaa, Moisə hvo lɔi tɛɛ Levi huwu hu nuą pɔ di ɓɛlaa lɔwai.

Zasua 18:7

Yii hvilɛn na Levi lonnii diɛ, di wɔɔ nąą hvo nɔi mɛ̨nį hu, Yai-Laa nwɔ haláá kulɔi ɓə gaa a di wɔɔ nąą. Yii ɓaa Gadə lonnii, Rubɛn lonnii, da Manase huwu bələ tɔ̨nɔ̨, daa di heei hɔlɔɓo Ɉurdɛn yá pulu, voló həɠəi pələ, ɓɛi Yai-Laa nwɔ tímun Moisə ə nąą tɛɛ di pɔ.»

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.