Lonon mo 18:19 - Yálá laawoo hɛɓɛ (dc)

¹⁹ «Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Yálá laawoo hɛɓɛ

¹⁹ «Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Bible

¹⁹ “Zama-sãa maa waai-ŋai kélee Eezuɛ-ŋai da dítɛ̀ɛ ḿbɔi, ŋa dítɛɛ ípɔ ka ílônii-sinaai da ílônii-nɛyãai wɔlɔ-wɔlɔ da wɔlɔ-wɔlɔ. Ŋakono-tee-wooi ŋí kpanaɔɔi nyii ŋa gɛ̀ kayêei ka ísuui su-ƃelai kéleei.”

Lonon mo 18:19 Iomraidhean Croise

Tɔɔɓɛlaa veelɛ 12:16

Nuąi di kɛi nwaliɠaa tɛɛ di pɔ, góló kɛ nuą hvɛla kulɔ mɛ̨nį ɓa, di hvo kɛi di mąąni kɛ nwali mɛ̨nį hu, mąąhɔlɔɓo, di kɛi ɉon a nɛlɛɛ.

Kɔlɔnikɔ Veerɛi 13:5

Ka kili hvo mɔ̨ɔ̨ ɉu kaa kɛ, Yai-Laa Israɛlə nwɔ Yálá ə dɔɔlaa tɛɛ Davidə pɔ Israɛlə lonnii kəlee mɛ̨i a yələ kəlee mɛ̨nį, yaa da gwəi lonnii; yili kaa a mįnɛ̨ yii kala hvo mą?

Kɔlɔnikɔ Veerɛi 31:4

Tɔɔmun ə mo Ɉerusalɛmə nuą diɛ, yɛ diɛ: Hɛn mąąnɛ̨ɛ̨ ka dɛɛ ɉaláá laa həli nuą da lévi lonnii pɔ, 'ka dɛɛ di pɔ, əgɛ, di di hvaŋąlɔ Yai-Laa ŋą tɔ́n mąą mɛ̨nį hu.

Lɛɛ gbɔwɔ ɓa 29:27

«Mɛlaa kəŋəi ti ə́ naa həli, da mɛlaa wɛlɛi ti ə́ naa a dee, yá di laa a dee, gɔnwɔ̨nai ti di naa həli, nwɛlɛi di naa a dee, ɉee hɛn mɛ̨ni ɓa, ya ɓə a Aarɔn da nonnii di wɛi.

Izikiɛ 43:24

Ə́ pa a diɛ, ə́ di laa həli Yai-Laa ɓa, ɉaláá laa həli nuą di kpolo kpɛ̨ŋɛ̨n diɛ, di di kulɔ a haláá Yai-Laa ɓa.

Levetekɔ 2:13

«Yálá kɔ́ hɛn nɔpee ə́ kaa pai la, mąąnɛɛ ə́ kpolo kɛ mą. 'Hvó kpɔ Lɛ̨ą kpolo ɓa, mąąhɔlɔɓo, kpolo kaa a ka Yálá ni ka lɔwai mįnɛ̨ gɔɔn mąą. Ə́ wɔ Yálá kɔ́ hɛn gəlee kpolo pɛlɛ mą, yɛ́ naa həli.

Levetekɔ 7:14

Dá nwɔmįi tɛitɛi laa həli a ɉuwu tɛitɛi, di yili həɠə ɉu a Yai-Laa nwɔɔ; ɛlɛɛ ɉaláá laa həli mun tii níílaa taatɛlɛɛ ɲąmą taɠa ɉaláá kulɔi ɓai, nwɔɔ li.

Lonon mo 18:11

Mɛ̨inɛ̨ɛ̨ yii lɔpee Israɛlə lonnii da paa la, da yii lɔpee da gulɔ ɉaláá hɛnŋąą hu a nwɔ́ɔ́i, ə́ wɔɔ li nwɔ̨nɔ̨, gáá di tɛɛi ə́ pɔ ka ə́ lon ɉinąą, da ə́ lonnii nɛ̨ąą, a mɛ̨nį hva pɛli ɉəɠəi mą. Nui lɔpee a kɛ ə́ yəi bɛlɛ́n mąąhəɠɛɛ tɔ́n ɲəi, a pɛli mą ə da mįi.

Lonon mo 18:8

Yai-Laa yɛ Aarɔn ɓa: «Ə́ wəli tɔɔ, Nįįhɔ̨nwɔ̨i da gulɔ mą́ą́, gáá ə́ heei nwun na. Hɛn lɔpee Israɛlə lonnii da gulɔ di hɔlɔɓo hɛnŋąą hu, diɛ gɛ a nwɔ́ɔ́. Gáá nɛɛi ə́ yee kɔ́nma, yɛ́ ka ə́ lonnii, a mɛ̨nįi mąą hva pɛli hvalin ɉii.

Lonon mo 31:29

Ə́ kaa gɔ́ honŋąąi tii həɠəi di wɛi hu, yɛ di tɛɛ ɉaláá laa həli mun Eleazarə pɔ, a nįįhɔ̨nwɔ̨i mąąnɛ̨ɛ̨ ə kulɔ a Yai-Laa nwɔɔ.

Lonon mo 31:41

Yii di gulɔ ɉu a nįįhɔ̨nwɔ̨, a Yai-Laa nwɛi; Moisə ə dɛɛ ɉaláá laa həli mun Eleazarə pɔ, yɛ bələi Yai-Laa ə dí la.

Dutɛrɔnome 12:26

Ɉɛnŋąąi lɔ mąąnɛ̨ɛ̨ ka pa paa diɛ gɛɛnąąi Yai-Laa kaa pai ɲee kpuwɔ lɛi mą, diɛ ɓaa a: ɉɛnŋąąi ka naakwɛlan mo Yálá ɓa, da ka wɔ Yálá kɔ́ hɛnŋąą.

Dutɛrɔnome 12:6

Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.