Lonon mo 18:13 - Yálá laawoo hɛɓɛ (dc)

¹³ Di wɔ lɔi hu hɛn má tɔlɔɔɠaai lɔpee da paa la Yai-Laa pɔ, ə́ wɔɔ li. Nui lɔpee a kɛ ə́ yəi bɛlɛ́n, tɔ́n və mą, a pɛli da mįi.

Yálá laawoo hɛɓɛ

¹³ Di wɔ lɔi hu hɛn má tɔlɔɔɠaai lɔpee da paa la Yai-Laa pɔ, ə́ wɔɔ li. Nui lɔpee a kɛ ə́ yəi bɛlɛ́n, tɔ́n və mą, a pɛli da mįi.

Bible

¹³ Ŋuru-ƃa kpɔlui maa-ŋuŋ kélee dílɔii ma nyii-ŋai da dɛ̀ɛ ḿbɔi, díkaa a kápɔɔ. Diai kélee dímaa waâi ípɛrɛi mui da pɔ̂ri da miî.

Lonon mo 18:13 Iomraidhean Croise

Tɔɔɓɛlaa veelɛ 4:42

Hulɔnu ta ə həɠə Baalə-Salisa yɛ pa, nɛɠɛ ŋɛ̨i da naakwɛlanmo Yálá ɓa a hɛn dɔlɔɔ, ə ɓo ɲəi. Ə kɛ a kpai lɛɠɛ mɔ̨n ŋąą pow hveelɛ, da mɔ̨nun nįnɛ̨, ə kɛ ɲəi ɓíi hu. Elise yɛ mą: «Ŋąąkwɛlɛ nuą diɛ, di mįi.»

Kɔlɔnikɔ Veerɛi 31:5

Mɛ̨nįɠaa tii noloɓoɔ pulu, Israɛlə lonnii di pa kpɔ a di hɔlɔɓo hɛnŋąą dɔlɔɔɠaa, kpɔ kɛnɛ̨; di pa a mɔ̨nun, a lɔɔ, a wulɔ, a kwɛ̨nwulɔ, da kɔ̨nɔ̨n ɉuwui lɔpee gəlee; di bɛlɛ di hɔɔɓo hɛnŋąą kəlee bow nąą ɓa kpɔ kɛnɛ̨.

Lɛɛ gbɔwɔ ɓa 22:29

«‹Bələ lɔ ɓə yá gɛ la a ə́ wɔ nįŋɛ̨ da ə́ wɔ ɓɛlaaɠaa, a lɛɛ nee pɔ hvóló mɛ̨ihveelɛ yee mu, voló mɛ̨ihaaɓa yələ, ə́ dɛɛ bɔ́.

Lɛɛ gbɔwɔ ɓa 23:19

Ka pa a ka wɔ hihɛn má dɔlɔɔ-tɔlɔɔɠaa Yai-Laa ka wɔ Yálái yəi bɛlɛ́n. Ka hvo ɓolu lon ɲili nee ɲįnįya hu.

Lɛɛ gbɔwɔ ɓa 34:26

«Mąąnɛ̨ɛ̨ ka pa a ka wɔ lɔi hu wulu ɓá dɔlɔɔ Yai-Laa ka wɔ Yálá yəi bɛlɛ́n. Ka hvo ɓolu lon ɲili nee ŋįnįya hu.»

Ɉeremi 24:2

Ɓɔ́láá ɓá lɛlɛɛɠaa di kɛ gbili dɔlɔɔ hu, yɛ ɓɔ́láá ɓá dɔɔdɔwɔɠaa. Gbili hveelɛnąą hu, wulu ɓaɠaa ɲɔ̨nwɔ̨ɔ̨ kɛ, mįi hvo kɛ diɛ, di kala pələ ɓa.

Izikiɛ 44:30

Hihɛn gəlee má tɔlɔɔ, hɛn lɔpee ka ɉəɠə taatɛlɛɛɠaa hu, ka kɛ kólóɠaa hu, ə kɛ a haláá hɛn lɔpee, ka dɛɛ ɉaláá laa həli mun bɔ; lúwɔ́ ə pɛli yɛɛi ə́ wɔ pɛlɛ́i mɛ̨i.

Osia 9:10

Ŋą́ Israɛlə kaa lɔ, yɛ bələi da towələ kaa la, wɛla pun ɉu, ŋį́ ka nąnni kaa lɔ, yɛ bələi ɓolaa a ɓa la mɛlaa tɔwɔ, da gaa la. Kɛlaa, di pa lɔ Baalə-Peɔrə, diɛ di yee pɛlɛ nwumɛ̨ mɛ̨nį ɓa, diɛ kɛ la a nu kɔ́hɔɓoɔɠaa, lɔ yɛ bələi di liiɓa hɛn tii kaa la.

Levetekɔ 22:7

Hvóló a too kɛa, mąą nu mąą a həɠə, a pɛli mą ɉaláá kɔ̨nɔ̨n da mįi nąąlɔwai, mąąhɔlɔɓo, gɔ̨nɔ̨n ni.

Levetekɔ 23:17

Ɓɛi lɔpee ka kɛ laa heeni, ka pa a lɛɠɛ mɔnŋąą hveelɛ, dɛitɛi kəlee pɛliɛ a gəgən ɉu haaɓa lɛɠɛ hunwɔ̨, dɛ hɛn yɛ ɓo ɉu. Ka wɔ hihɛnŋąą mɛ̨ikɔw li, a Yai-Laa nwɔɔ.

Mise 7:1

Kpalo ɓɛlaai mą́ą́, gáá yɛ mɔ̨nun deemun a mɔ̨nun dee a vinɉilɛ, yɛ mɔ̨nun gban ɉu kwɛlimun, Kɛlaa, mɔ̨nun gbaɠa tɔ̨nɔ̨ kpɛli hvo hɔlɔɓo li, və́ naa ɲéé kpálá; nííɓa wulu, ma tɔ̨nɔ̨ kpɛli hvo hɔlɔɓo li ɉu.

Dutɛrɔnome 18:4

Hɛn nwɔ̨nɔ̨ ka dɛɛ di pɔ, ya ɓaa: ka wɔ hihɛn dɔlɔɔɠaa, yɛ bələi, mɔ̨nun gaa la, da ka wɔ lɔɔ nįnɛ̨, ka wɔ wulɔ nįnɛ̨, ə mą kɛ, ka wɔ ɓɛlaaɠaa, nəɠa dɔlɔɔɠaa ka mɛ̨i tee, ka nəɠa tɛɛ di pɔ.

Dutɛrɔnome 26:2

ka wɔ hihɛnŋąą má dɔlɔɔ-tɔlɔɔɠaa ka ɉɔlɔɓo nɔi tii hu, yai Yai-Laa ka wɔ Yálái ə dɛɛ ka pɔ, ka da həɠə ɉu ka gbili kɛ; ɓɛi Yai-Laa ka wɔ Yálái kaa pai ɲeekpiɛ lɛi laa, yɛ naa hee mą; ka li la laa.