Lonon mo 18:1 - Yálá laawoo hɛɓɛ (dc)

¹ Yai-Laa yɛ Aarɔn ɓa: «Yɛ́, ə́ lonnii, ka Levi nu huwu, ka nwuɔ̨ tiɛ̨ ɓaa nɛ̨ŋɛ̨ŋąą da ɉəɠə gɛɛnąą mąąhəɠɛɛ ɓa, mąą pɔnnaa pu mɛ̨nį. Ɛlɛɛ, nɛ̨ŋɛ̨nŋąąi da ɉəɠə ɉaláá kulɔ kóló hu, yɛ́ ka ə́ lonnii ɓə yili nwulu kaa ka nwuɔ̨.

Yálá laawoo hɛɓɛ

¹ Yai-Laa yɛ Aarɔn ɓa: «Yɛ́, ə́ lonnii, ka Levi nu huwu, ka nwuɔ̨ tiɛ̨ ɓaa nɛ̨ŋɛ̨ŋąą da ɉəɠə gɛɛnąą mąąhəɠɛɛ ɓa, mąą pɔnnaa pu mɛ̨nį. Ɛlɛɛ, nɛ̨ŋɛ̨nŋąąi da ɉəɠə ɉaláá kulɔ kóló hu, yɛ́ ka ə́ lonnii ɓə yili nwulu kaa ka nwuɔ̨.

Bible

¹ Yâwɛɛ è mò Eelɔŋ mà ǹyɛɛi, “Ka ílônii é pɛ́lɛ Livai-ŋai dísuui ma ka pâi tɔ̂ŋ-kpɛ-maa sɔlɔ ƃôi à kɛ̀ ka pɔara-maa kɛ̀ zua kɔlɔ seɣe pɛrɛ maa waai maa-tii kɛ́ɛ su. Ka ílônii nɔ́ ƃé pâi tɔŋ-kpɛ-maa sɔlɔ ƃôi à kɛ̀ kà pɔara-maa kɛ̀ kásâla-laa soŋ-tii kɛ́ɛi su.

Lonon mo 18:1 Iomraidhean Croise

Lɛɛ gbɔwɔ ɓa 28:38

Ɉɛn tii ɓə pai kɛi Aarɔn tɔwɔla, ɓɛlɔwai a kɛ pai la ɲą́ą́ Yai-Laa nííla. Ɉɛn tii haalai, haláá hɛnŋąąi Israɛlə lonnii da naa həli mą́ą́, ŋą́ ɲéé hee mu, ə mą kɛ daa hɔn ɲɔ̨n da kɛ, níí holiɛ ɉu.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Izikiɛ 4:4

'Laa ə́ kɛɓɛyee mɛ̨i; 'Israɛlə nu huwu nwɔ nɛ̨ŋɛ̨n hee ə́ nwuɔ̨; volóɠaai ə́ kaa pai gɛi laanin ə́ pələ tɔ̨nɔ̨, di wɔ nɛ̨ŋɛ̨nŋaai ti da kɛ lɔ ə́ nwuɔ̨ volóɠaai ti yee mu.

Levetekɔ 10:17

«Lə ɓə kɛ yai ka hvo ɉaláá hɛn tii mįi li kɛɛnąą mąąhəɠɛɛ ɓa? Mąąhɔlɔɓo, hɛn mąąhəɠɛɛ ka tii. Di dɛɛ ka pɔ nɔi lonnii di wɔ nɛ̨ŋɛ̨n mąąhvaalɛɛ haláá kulɔ mɛ̨nį ɓa, a nu mąąhvaalɛɛ kólói ka gɛ ɉaláái tii mɛ̨i Yai-Laa lííla.

Levetekɔ 22:16

Da ɉaláá hɛn mąą həɠɛɛɠaa tii ta mįi, ɓɛlɔwai ɉɛn tii mįi mɛ̨nį mąą laa hvo tɛɛ li la di pɔ, da nɛ̨ŋɛ̨n ɉee Israɛlə nuą nwuɔ̨, yii mąąnɛ̨ɛ̨ di di pɔɔŋą pɛli ɉu. Mąąhɔlɔɓo, ɲą́ą́ ɓə gáá a Yai-Laa, yai a di mąąhəɠə.»

Levetekɔ 22:9

«Mąąnɛ̨ɛ̨ di di yee kɛ nwɔ́ tɔ́n nwooɠaai diɛ, di hvo di kpɔwɔ too nɛ̨ŋɛ̨n ɉu kɔ̨nɔ̨n mɛ̨nį hu. Da nwɔ́ɔ́ tɔ́n nwooɠaai mąą kala, da nəi haa. Ɲą́ą́ ɓə gáá a Yai-Laa, yai a di mąąhəɠə.

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Lonon mo 16:10

Da ka lɛɛ laa kaa lɛɠɛ mą, yɛ ka ə́ nąn nonnii kpɔ a Levi huwu hu nuą, ya ɓə nwɔ̨nɔ̨ ka hvilɛn ɉaláá laa həli nuą pulu.

Lonon mo 17:13

Nuą kɛ daa haa, da yiiɠaa kɛ ni a di hvulú, Aarɔn ə tɔɔ di lɔwai. Mɛ̨nį nwąnąą tii ə kpɛla bələi.

Lonon mo 17:3

Nuąi tii nɛ̨ŋɛ̨n ɉəɠə di nwun yɛ lɛɛ ɉu, ka di wɔ lansan kpowoɠaai yɔw a kwɛli ɓɛlaɠaa, di di pɛlɛ ɉaláá kulɔ kəhi ɓa, hvo gaai di di laa həli Yai-Laa ɓa, ɛlɛɛ di kaa a nwɔ hɛnŋąą, yili kaa pai kɛi a mɛ̨nį nąą kili too ŋą hɛn Israɛlə lonnii diɛ.»

Lonon mo 17:7

Kɛlaa, ɓɛlɔwai nuą ɲąąkpɔn ŋąąi kɛ la, Moisə da Aarɔn diɛ di di ɲɛ̨i heei gee kaa kələ mɛ̨i, Yai-Laa nwɔɔ mąąwiɛ ə gbɔwɔ lɛ diɛ.

Lonon mo 18:11

Mɛ̨inɛ̨ɛ̨ yii lɔpee Israɛlə lonnii da paa la, da yii lɔpee da gulɔ ɉaláá hɛnŋąą hu a nwɔ́ɔ́i, ə́ wɔɔ li nwɔ̨nɔ̨, gáá di tɛɛi ə́ pɔ ka ə́ lon ɉinąą, da ə́ lonnii nɛ̨ąą, a mɛ̨nį hva pɛli ɉəɠəi mą. Nui lɔpee a kɛ ə́ yəi bɛlɛ́n mąąhəɠɛɛ tɔ́n ɲəi, a pɛli mą ə da mįi.

Lonon mo 3:6

«Levi lonnii lɛɠɛ ɓɛ, ə́ di tɛɛ Aarɔn pɔ, diɛ ɓə pai lɛɛi a bɔɔ tɔɔi.

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Nwun mąąɓo 17:12

Mika ə Levi mun tii hee a nwɔ haláá laa həli mun. Ə ɉee ɲəi bɛlɛ́n.