Lonon mo 16:9 - Yálá laawoo hɛɓɛ (dc)

⁹ Ka həɠəi ŋɛ̨i Yai-Laa ə mo Israɛlə lonnii lɔwai, yɛ hvaa mą kaa lɛɠɛ mą, kaa Yai-Laa nwɔ pɛ́lɛ́i mu kólóɠaa kɛ nɔi nuą kəlee mąą mɛ̨nį ɓa, yili hvo ka kulɔ li?

Yálá laawoo hɛɓɛ

⁹ Ka həɠəi ŋɛ̨i Yai-Laa ə mo Israɛlə lonnii lɔwai, yɛ hvaa mą kaa lɛɠɛ mą, kaa Yai-Laa nwɔ pɛ́lɛ́i mu kólóɠaa kɛ nɔi nuą kəlee mąą mɛ̨nį ɓa, yili hvo ka kulɔ li?

Bible

⁹ Gáa a mɛni-loŋ a gɛɛ Eezuɛ-ŋai Díɣâlai é kákula Eezuɛ-ŋai sáma é ká lɛ́ɣɛ gbono ma a gɛɛ ká tíi kɛ́ ŋɔpɛ́rɛ maa waai mu ká tɔ́ɔ Eezuɛ-ŋai láa-tuɛ ká tíi kɛ́ dîɛ?

Lonon mo 16:9 Iomraidhean Croise

Zɛnɛse 30:15

Lea yɛ mą: «Akɛtii, ə́ ɉílɛ kulɔ ɲə́i, yɛ́ nwɔ̨nɔ̨ ə́ nón nwɔ wulu ɓaɠaai həɠə?» Rasɛlə yɛ mą: «Akɛ yili kaa tii, gáá ɉulɔnu tɛɛi ə́ pɔ gbinį tɔ̨nɔ̨i ŋɛ̨i kuu mu, a ə́ lon nwɔ wulu ɓai mąąhvalin.»

Samia Veerɛi 7:19

Kɛlaa, nwɔ́ Yálá, yili tikpəi Ə́ ɲɛ̨i mu. Hvó gaai, yáá wɔlɔ Ə́ woo kwɛlɛ, Ə́ nwɔɔ tímun ŋą pɛlɛ́i ɓa a ɉukwɛa. Yai-Laa nwɔ́ Yálá! Yáá ɉón bələ kɛ yɛ ŋą́ kɛ a nui mąą mɛ̨nį nwąnąą nu kəlee ɓa.

Kɔlɔnikɔ Veerɛi 35:3

Yɛ lévi lonnii tii kɛ a Israɛlə nuą kəlee mąąkwɛli nuą, yiiɠaai kɛ a di mąąhəɠɛɛ Yai-Laa mąą mɛ̨nį ɓa, yɛ diɛ: «Ə li kɛ, ka li a mįnɛ̨ kəhi mąąhəɠɛɛ, bɛlɛ́i ŋɛ̨i Israɛlə tɔɔmun Davidə lon Salomɔn ə dɔɔ mui, hvo li kɛ a tiɛ̨ kaa ɉəɠə ka kalan ŋą. Yii hu kɛa, 'ka tí ka wɔɔ Yálái Yai-Laa ɓa da ŋą nu huwui Israɛlə lonnii.

Nehemi 12:44

Volói tii ɓə di nuą taɠaa yɛɠɛ la ɉu, ə gɛ, ɉihɛn nįnɛ̨ɠaa da ɉɛn bow nąąɠaai di pai kɛi gulɔi da bu mu, diɛ mɛ̨i kaa. Ɉɛnŋąąi tii da paa la diɛ həɠə la daaɠaa hu, nuąi tii ɓə da haláá laa həli nuą da Levi huwuhu nuą di wɛi kulɔ ɉu, pələi tɔ́n ə mo la. Ɉuda nɔi nuą kəlee kwəinɛ̨ɛ̨i kɛ ɉaláá laahəli nuą da Levi huwuhu nuą di kɛ koló hu.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Izikiɛ 34:18

Akɛ ti, ka kala tiliin nɛlɛɛ mįi, yili hva mɔ̨ɔ̨ ka lii hon? Hvo kɛli nwɔ̨nɔ̨, ka gala tiliin gbəli kiin giin a ka kɔ́wɔ? Ka yá lɛlɛɛ kpələ, yili hva ka lii hon? Hvo kɛli ka gbəli nunú a ka kɔ́wɔ?

Izikiɛ 44:16

Diɛ ɓə pai kɛi lɔi nwɔ́ kɛɛnąą maahəɠɛi ɓa, diɛ lɛɠɛ nwɔ́ haláá kulɔi ɓa; diɛ mą́ą́ mɛ̨nį ɲɛ̨i kulɔ; diɛ nwɔ́ tɔ́nŋaai maa yɛlɛ kɛ.

Lonon mo 1:53

Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Lonon mo 16:13

Ku kulɔi ŋɛ̨i ə́ mo lɔi ta hu, ɓɛi hɛn gəlee da lɛlɛ laa, yɛ́ pa ku paai nɔi pun ŋɛ̨i hu, yili hva pɛli yɛ́, hvo kɛ li nwɔ̨nɔ̨ yá kɛ diɛ ə́ kaa ku ɲąąwooɓoi?

Lonon mo 16:8

Moisə yɛ nwɔ̨nɔ̨ Kore ɓa: «Ka ka wəli tɔɔ, Levi lonnii.

Lonon mo 3:6

«Levi lonnii lɛɠɛ ɓɛ, ə́ di tɛɛ Aarɔn pɔ, diɛ ɓə pai lɛɛi a bɔɔ tɔɔi.

Lonon mo 3:9

Yili ɓa, ə́ kaa pai Levi lonnii tɛɛi Aarɔn da nonnii pai lɛɛi di pɔ, Israɛlə lonnii kaa pai di tɛɛi, ɛlɛɛ ə kɛ kpɔ a di tɛɛ a neelee.

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Korɛntə dɔlɔɔ 4:3

Nwɛ́i, ə mą kɛ kaa náá ɲɔ̨nwɔ̨ɔ̨ ɓo, a wala kɛ tii, nu kanŋaa di mą́ą́ mɛ̨nį hutɔɔ a ɲɔ̨nwɔ̨ɔ̨, yili niihɛlɛn və́ mą́ą́; ɲą́ą́ gbinįi vá kpɛli pɛli gbɔ́wɔ́ kiti teei.

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Samuɛlə dɔlɔɔ 18:23

Saulə yee pɔ nuą di mɛ̨nįɠaa tii ɓo Davidə ɓa. Davidə yɛ diɛ: «Gaa ka kwəi yɔla ɓaa a nu kɛ mɛ̨nį a tɔɔmun mɔlɔ? Ɲą́ą́ ka a yeelaawolo mun, kɔ́lɔn və mą́ą́.»