Lonon mo 16:21 - Yálá laawoo hɛɓɛ (dc)

²¹ «Ka həɠə nuąi tii kwɛlɛ, gáá di hukalai kpɔlɔ yiihu.»

Yálá laawoo hɛɓɛ

²¹ «Ka həɠə nuąi tii kwɛlɛ, gáá di hukalai kpɔlɔ yiihu.»

Bible

²¹ “Ka kula ǹûai kpîŋ sama ŋá dísu kara a maa félaa.”

Lonon mo 16:21 Iomraidhean Croise

Zɛnɛse 19:13

Ku kaa pai ɓɛ nɔi kələn ɉi, mąąhɔlɔɓo, nɔi ŋɛ̨i hu nuą kɛ nɛ̨ŋɛ̨n gun aa həli Yai-Laa ɓa, ə ku tɔɔ, ə gɛ, ku ɓɛ kələn.»

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Mąątɛ̨nɛ̨ 73:19

Gaa kpɔlɔ a nu tɛɠii kɛɛ kalaa lɔ poto-poto, daa lɔ gbąi, di hu aa kala a ɲɔw.

Lɛɛ gbɔwɔ ɓa 32:10

Yii hu kɛa, Moisə, nɛ́ɛ́ laa ŋį́ nwɔ́ liiŋąnwąnąi yɛɛ di mɛ̨i, gáá gəlee nwun na pilii kpɔ tɛ̨ɛ̨tɛ̨ɛ̨, yili pulu, yɛ́ ɓə kɛa gáá pai ə́ huwu ɓɛlɛi.»

Lɛɛ gbɔwɔ ɓa 32:12

Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Lɛɛ gbɔwɔ ɓa 33:5

Yai-Laa yɛ Moisə ɓa: «Mo Israɛlə lonnii diɛ, yɛ́ diɛ: ‹Nu huwu nwun nwalawala ɓaa a kaa, ŋį́ mą kɛ diɛ, gáá lɛɛi ka lɔwai, ə mą kɛ a hvóló tɔ̨nɔ̨ kpɛli, ŋą́ nəi ka hu kala. Ə həli kani kaa! Ka ɉɛli həɠəɠaa kulɔ ka kwąną, bələi gɛ́ ŋį́ pa ka hon na, gɛ́ pɛli bələ kaai.›»

Azaya 37:36

Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Ɉeremi 5:16

Di wɔ tonwą taɠai ka a kámą laa ɓoɔ, di kəlee di kaa a kulaa kpəɠiɛɠaa.

Lonon mo 14:12

Gáá di hukala ɲɔ̨n bilii di lɔwai, ɛlɛɛ ŋį́ di hvɛɠɛ di kwɛlin ɉu. Kɛlaa ə́ wɛi, gáá ə́ huwu ɓɛlɛi, ŋį́ ə́ yee kɔ́nwɔ̨n ɉu wala wala ə tɛɛ diɛ.»

Lonon mo 14:15

Akɛ ya nuąi ŋɛ̨i kəlee nwun na pili lɔ tanɔ̨n, nɔiɠaai daa ə́ mąą mɛ̨nį bələ mɛ̨n, di kaa pai kɛi diɛ:

Lonon mo 16:20

Yai-Laa yɛ Moisə da Aarɔn diɛ:

Lonon mo 17:10

«Ka kulɔ nu kpului ŋɛ̨i lɔwai, ŋį́ di hukala kpɔlɔɔ yiihu.» Moisə da Aarɔn di pɛlɛ nɔi ɓa.

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

M̀ɛni-lɛɛi 18:4

Ɛlɛɛ, ŋį́ woo ta mɛ̨n yɛ həɠə yələi pələ, yɛ kɛ mą: «'Ká kulɔ daai ŋɛ̨i hu, káái a ŋą nu huwu, ə gɛ ká hvo pa too di wɔ nɛ̨ŋɛ̨nŋaai hu; ɛlɛɛ, mɛ̨nį ɲąąnwąnąą tii pai laai diɛ, ká hvo pa hɔlɔɓo ɉu.