Lonon mo 15:4 - Yálá laawoo hɛɓɛ (dc)

⁴ Nui pai gɔɓo huwui tii kɛi Yai-Laa ɓa, a pa a lɛɠɛ hunwɔ̨ gəgən ɉu haaɓa, ɲɔwɔɔn ŋąą a wulɔ litɛlɛ tɔ̨nɔ̨ da gbulɔ.

Yálá laawoo hɛɓɛ

⁴ Nui pai gɔɓo huwui tii kɛi Yai-Laa ɓa, a pa a lɛɠɛ hunwɔ̨ gəgən ɉu haaɓa, ɲɔwɔɔn ŋąą a wulɔ litɛlɛ tɔ̨nɔ̨ da gbulɔ.

Bible

⁴ Ǹúui pâi ƃála kulâi Yâwɛɛ ma a kéreŋ-sala kpaa máŋ lii-see salai, fɛ̂ɛ é mii-sɛŋ sala kula a felaƃa paŋ feerɛ sumoɔ a ɔle wúlɔ sane tɔnɔ.

Lonon mo 15:4 Iomraidhean Croise

Ɛsdrasə 7:17

mąąnɛ̨ɛ̨ ə́ nįŋɛ̨ hilɛɠaa, ɓɛlaa hilɛɠaa, ɓɛlaa lonnii, da nɛɠɛ hunwɔ̨, ə mą kɛ nɔɔ, ə́ di ya a nwalii tii kulɔi, ka wɔ Yálái ŋą pɛ́lɛ́i mu Ɉerusalɛmə daai.

Lɛɛ gbɔwɔ ɓa 29:40

Yili pulu, kilə haaɓa da gbulɔ, lɛɠɛ hunwɔ̨ hu, ɉumɔ̨ɔ̨ a wulɔ litɛlɛ tɔ̨nɔ̨ da gbulɔ, ə kɛ a wulɔ lɛlɛɛ, ɛlɛɛ, ə́ lɔɔ pu mą.

Azaya 66:20

Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.

Izikiɛ 46:14

Yii a Yálá kɔ́ mɛ̨nį yələ wala pɔ tɛi tɛi, da Eifa ɓɛlaɓo ɉu mɛ̨ida, yá gɔ́ a ɉeei tɔ̨nɔ̨; nwulɔ nwɛi, da hin ɓɛlaɓo ɉu haaɓa, ə́ ɉeei tɔ̨nɔ̨ tɛɛ a nɛɠɛ hunwɔ yɔwɔ hɛn. Yai-Laa kɔ́ hɛn ni, yili kaa a yələ kəlee tiɓo, kpɛɛ hvo mą.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 14:10

«Voló mɛ̨ihaaɓa yələ, ə ɓɛlaa hilɛ lon veelɛ həɠə, kpɛɠii hva kɛ diɛ, kwɛlan dɔ̨nɔ̨ ɓɛlaa lon ɉaa tɔ̨nɔ̨, kpɛɠii hva kɛ mą, lɛɠɛ hunwɔ̨ kəgən ɉu mɛ̨inąąn a haláá hɛn, ə ɲɔwɔn a wulɔ, ɛlɛɛ kəgən gbulɔ wulɔ hu.

Levetekɔ 2:1

«Nu ta a kɛ bɔ ə Yai-Laa kɔ́ a hɛn da, ɉɛn tii mąąnɛ̨ɛ̨ ə kɛ a lɛɠɛ hunwɔ̨, ə wulɔ pu mą, ə lansan kpɛŋɛn mɛ̨i.

Levetekɔ 2:15

Ə́ wulɔ pɛlɛ mą, da lansan, hihɛn mɛ̨ikɔw haláá ka tii.

Levetekɔ 23:13

Ka Yai-Laa kɔ́ hɛn bɛlɛ mą a lɛɠɛ hunwɔ̨ gəgən ɉu mɛ̨ida, ɲɔwɔɔ a wulɔ, yili kaa a haláá kɔ̨nɔ̨n mąą kun nɛ̨ɛ̨ a Yai-Laa nwɔɔ, yɛ niilaa, da nɔɔi ka bu nɔi ɓa, ɓɛi ka ɉaláá kulɔ laa, yii a kɛ a múluun gbulɔ.

Levetekɔ 3:7

Akɛ ɓɛlaa ɓə di paa la a Yálá kɔ́ hɛn, da naa həli Yai-Laa ɓa,

Levetekɔ 6:14

Da ɲələn nwɔ̨mįi kɛ ləɠi hu a wulɔ. Ə́ paa la, bɛliɛ kpɔ a nɛlɛɛ, ə́ ɉaláá lɛɠɛi tii hu yali a gbuɔ pɛlɛɛ, ə naa həli Yai-Laa ɓa, hɛn mąą kun nɛ̨ɛ̨ li, yɛ Yai-Laa liilaa.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Lonon mo 28:12

Ɉɛn mąąnɛ̨ɛ̨ ə pɛlɛ nįŋɛ̨ hilɛ tɛi tɛi ɓa, ya ka: Lɛɠɛ hunwɔ̨ gəgən ɲąą haaɓa, giin ŋąą a wulɔ; mɛlaa hilɛ nwɛi, lɛɠɛ hunwɔ̨ gəgən ɲąą hveelɛ, giin ŋąą a wulɔ.

Lonon mo 28:4

Da dɔ̨nɔ̨ kulɔ a haláá yələwala pɔ, di veelɛnąą kulɔ hvitili ɓa.

Lonon mo 29:6

Haláái da gəlee kələn ka gulɔ Yálá ɓa a ɲąnin dɔɔ pələ tɛitɛi kəlee, yili a kɛ laa a dee, da Yálá kɔ́ hɛn. Haláái da gəlee kələn ka káá pai kɛi gulɔi hvóló tɛitɛi yee mu, da ɉɛnŋąąi ka káá pai kɛi gɔ́i la, da nɔɔ, yili yaa kpɛli gulaai ɉu. Ka káá pai kɛi ɉalááɠaa tii kulɔi yɛ bələi di di kulɔ pələ mąą tɔ́nŋąą laa la. Kɔ̨nɔ̨n mąą kun nɛ̨ɛ̨li yɛ Yai-Laa liilaa.

Lonon mo 7:13

Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Nwun mąąɓo 9:9

«Kɛlaa, olivə wulu yɛ diɛ: ‹Gaa ka kwəi, gáá pai ɲéé kulɔi nwúlɔ hu, yai nwɛli kaa Yálá ɓa, nwɛli ə ɓo nuą diɛ, ŋą́ li gɛ́ tɛɛ tɛɛ ɓo wuluɠaa mɛ̨i?›