Lonon mo 15:3 - Yálá laawoo hɛɓɛ (dc)

³ ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Yálá laawoo hɛɓɛ

³ ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Bible

³ ka pâi sâla kulâi naa Yâwɛɛ ma a niŋa, ƃála kpaa máŋ ƃoli a kéreŋ-sala kpaa máŋ lii-see sala, kakono-teei mɛni ma kpaa máŋ zâlai nyii a kula kálii sui, kpaa máŋ nyii ka gùla a káɣele kɛ́tɛ-ŋai maa-tãi. Zâla-ŋai ŋí kúŋ lɛ̂lɛɛi a Yâwɛɛ nîa.

Lonon mo 15:3 Iomraidhean Croise

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Ɛsdrasə 7:17

mąąnɛ̨ɛ̨ ə́ nįŋɛ̨ hilɛɠaa, ɓɛlaa hilɛɠaa, ɓɛlaa lonnii, da nɛɠɛ hunwɔ̨, ə mą kɛ nɔɔ, ə́ di ya a nwalii tii kulɔi, ka wɔ Yálái ŋą pɛ́lɛ́i mu Ɉerusalɛmə daai.

Mąątɛ̨nɛ̨ 54:6

Nwɛ́i, Yálá ɓə gaa a nwún mąąɓomun, nuąi da búlu tɔɔɓo, Ną́mu kaa di pɔ.

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Lɛɛ gbɔwɔ ɓa 29:25

Ə́ pənə ə́ ɉəɠə di yəi, ə́ gələn ɉaláá kulɔi, yili a Yai-Laa líílaa. Yili kaa a haláá yii gələn gun nɛ̨ɛ̨. Haláá kɔ̨nɔ̨n ni, yɛ́ gələn a Yai-Laa nwɔɔ.

Lɛɛ gbɔwɔ ɓa 29:41

Mɛlaa lon veelɛnąą nwɛi, ya baa hvitili ɓa, bələi lɔ ə́ yələwala pɔ haláá kulɔ la, yá gɛ lɔ ti, da nɔɔ mɛ̨nį, haláá kun nɛ̨ɛ̨ li, yili kaa a kɔ́ɓo hɛn yii da gələn a Yai-Laa nwɔɔ.

Levetekɔ 10:13

ka mįi kɛɛnąą mąąhəɠɛɛ ɓa, mąąhɔlɔɓo, kɔ̨nɔ̨n mąąnɛ̨ɛ̨i ə tɛɛ ka pɔ ka ə́ lonnii, diɛ gulɔ Yai-Laa nwɔ haláá kɔ̨nɔ̨n hu, yaa li. Mɛ̨nįi di dí la, yaa li.

Levetekɔ 27:2

«'Mo Israɛlə lonnii diɛ, yɛ́ diɛ: «Nu ta a nwoo kwɛlɛ, yɛ nu kan naakwɛlanmo Yai-Laa ɓa; akɛ kɛa bɔ ə nwoo pɔ mɛ̨nį kɛ, nu kan ɉɔ̨nwɔ̨ kɔ́lɔn bələ ka:

Levetekɔ 7:16

«Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Lonon mo 28:27

Ɉɛn mąąnɛ̨ɛ̨ ka gələn Yai-Laa ɓa, yɛ niilaa ya ka: Nįŋɛ̨ hveelɛ, ɓɛlaa hilɛ tɔ̨nɔ̨, da kwɛlan dɔ̨nɔ̨ ɓɛlaa lonnii mɛ̨ihveelɛ.

Lonon mo 29:8

Ka haláái da gəlee kələn gulɔ Yai-Laa ɓa, mąą kun nɛ̨ɛ̨ yɛ niilaa; nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa hilɛ mɛ̨ihveelɛ yiiɠaa kpɛɠii hva kɛ diɛ,

Lonon mo 6:15

Kpɔlɔ tɔ̨nɔ̨ laa hvɛɛ a lɛɠɛ mɔ̨n ŋąą yii lɛɠɛ tɛ hɛn və ɉu, da nwɔ̨mįi yii di ɲɔwɔɔn a wulɔ, da Yálá kɔ́ hɛnŋąą, bɛlɛɛ lɔɔ ɓa, da wulɔ yii mąąnɛ̨ɛ̨ ə paa la.

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Korɛntə veelɛ 2:15

Gɛ mɛ̨nį, ku kaa Yálá yəi a Kristə mąą kun nɛ̨ɛ̨ hɛn, ɓalo pələ mɛ̨i da nwun na a pili pələ mɛ̨i.

Korɛntə veelɛ 2:16

Daɠaa di wɛi gaa a haa kun, yɛ li a diɛ haa pɔ, daɠaa di wɛi, ɓalo kun mə, yɛ li a diɛ ɓalo hva kpɛɛ hu. Gbɛɛ ɓə a pɛli kɛi a góló taaləi tii kɛmun?

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:17

Mąą hvo nɛ̨ɛ̨li ka hvo ka wɔ mɔ̨nun gɔ́n bow nąą, da ka wɔ lɔɔ nįnɛ̨, da ka wɔ wulɔɠaa mįi ka wɔ taaɠaa hu, ə mą kɛ ka wɔ taatɛlɛɛɠaa gbɛa-kpɛa da bɛlɛɛɠaa lon dɔlɔɔɠaa, da haláá lɔpee ka káá pai naakwɛlanmoi, ə mą kɛ ka wɔ naa gwəi haláá, da ka kɛ kóló má dɔlɔɔ-tɔlɔɔɠaa.

Dutɛrɔnome 12:6

Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa