Lonon mo 14:27 - Yálá laawoo hɛɓɛ (dc)

²⁷ «Ŋą́ą́ nuą ŋɛ̨i woo mɛ̨n, diɛ náá pələ ɓo. Gɛɛ kala nuą ŋɛ̨i, mįnɛ̨ lɔwai ɓə di kaa pai kpɛlai la mą?

Yálá laawoo hɛɓɛ

²⁷ «Ŋą́ą́ nuą ŋɛ̨i woo mɛ̨n, diɛ náá pələ ɓo. Gɛɛ kala nuą ŋɛ̨i, mįnɛ̨ lɔwai ɓə di kaa pai kpɛlai la mą?

Bible

²⁷ “Tãi ɣɛɛlu ƃé ŋwana-lɔ̂ɔ-ƃelai ŋí da pâi díŋuŋ su-woo saâi la é pîlaŋ ḿâ? Ŋa díŋuŋ su-woo saa-wooi mɛ́ni a dámaa.

Lonon mo 14:27 Iomraidhean Croise

Lɛɛ gbɔwɔ ɓa 16:12

«Ŋą́ą́ Israɛlə lonnii woo mɛ̨n, diɛ hvaa di nwun ɉu, mo diɛ, yɛ diɛ: Hvitili ɓa, ka káá pai huwɔ mįi, yələwala pɔ, ka káá pai pilɛi kɔ̨nɔ̨n ɉu a ka liiɓa; ka káá pai gɔlɔn ɉii, kaa, Ɲą́ą́ Yai-Laa, ɲą́ą́ ɓə a ka wɔ Yálá.»

Lɛɛ gbɔwɔ ɓa 16:28

Yai-Laa, yɛ Moisə ɓa: «Ka káá pai lɛɛi ka nwun gulɔi nwɔ́ tɔ́n nwooɠaa da nwɔ́ tiɓoɠaa mu, ə lɛɛ ɉu mįnɛ̨ lɔwai?

Lɛɛ gbɔwɔ ɓa 16:7

Yələwala pɔ, ka káá pai Yai-Laa nwɔ mąąwiɛ kaai. Mąąhɔlɔɓo, mɛ̨nįɠaai ka kɛi mo ka nwun ɉu, Yai-Laa aa mɛ̨n. Lə ɓaa kuɔ, yai ka li hvaai ka nwun ɉu kuɔ?»

Lɛɛ gbɔwɔ ɓa 16:9

Moisə yɛ Aarɔn ɓa: «'Mo Israɛlə lonnii kəlee diɛ, yɛ diɛ: Ka ka ŋąąkpɔn Yai-Laa lííla, mąąhɔlɔɓo, hvaai ka káá moi ka nwun ɉu, Yai-Laa aa mɛ̨n.»

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Lonon mo 11:1

Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Lonon mo 14:26

Yai-Laa yɛ Moisə da Aarɔn diɛ:

Maafîu 17:7

Jesus ə mąą lɛɠɛ diɛ ə ɲee pɛlɛ diɛ yɛ diɛ: «Ka hvo ɲɔ̨w, ka ka muhəɠə.»

Markə 9:19

Jesus ə mo nu kpului tii ɓa, yɛ diɛ: «Nu huwu ɲɔ̨nwɔ̨ɔ̨ɠaa ɓaa kaa, laa na laa hvo ka yei. Akɛti, hvo kɛli gwa lɛɛ gu kee ɓa hąą mįnɛ̨ lɔwai, ə gɛ, kaa pɛli mɛ̨nįɠaa ɲɛ̨i kɛi? Akɛti, hvo kɛli ŋą níí kpələ ka mu hąą mįnɛ̨ lɔwai? Ka pa a nokoloi tii bɔ́.»

Korɛntə dɔlɔɔ 10:10

'Ká hvo hvaa ká nwun ɉu, yɛ bələi daɠaa di gɛ la; nwun na pilimun yɛ di nwun na pili.