Lonon mo 14:22 - Yálá laawoo hɛɓɛ (dc)

²² Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Yálá laawoo hɛɓɛ

²² Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Bible

²² diai da ŋá-folo-laai káa da ŋáŋɛi-kɛ-maa-ŋai ŋá díkɛ Ize lɔii su da vɛ̃ɛ-kpâlaŋ su, kɛ́lɛ díkɛ su-kɔɔŋ tɛ̀ɛ ḿbɔ a tãi támaa, dífa ŋ́oo mɛnii,

Lonon mo 14:22 Iomraidhean Croise

Zɛnɛse 31:41

Ŋą́ kwɛlan bow hveelɛ kɛ ə́ pɔɔli, ŋį́ kwɛlan bow kɔ́w nąąn gɛ, gɛ́ ə́ lonnii nɛ̨ąą mąą kóló ɓo, ŋį́ kwɛlan mɛ̨ida kɛ, gɛ́ ə́ wɔ taatɛlɛɛɠaa mɛ̨i kaa; kɛlaa, ə́ ɉála mąąhvalin ɉii kɛ gee mɛ̨i pow.

Zɛnɛse 31:7

Kɛlaa, aa mówo, yii kɛ mąąnɛ̨ɛ̨ ə dɛɛ bɔ́ a ɉálá, aa mąąhvalin geemɛ̨i pow, ə mą kɛ tii, Yálá hvo hvaa li mą hvo mɛ̨nį ɲɔ̨n gɛ a ɲą́ą́.

Zôo 19:3

Kaa nálan kɛa tamąą, Ka hva kpɛli nwumɛ̨ mɔ̨nɔ̨ ɓoi?

Mąątɛ̨nɛ̨ 106:14

Di hvilɛn di liiɓa mɛ̨nįɠaa pulu, nɔi pun ɉu, di Yálá hu kɔ́ɔn nɔi pun ɉu.

Mąątɛ̨nɛ̨ 106:26

Yili ə ɲee tɛ yələi, ə gwɛla, yɛ gaa di paai nɔi pun ɉu.

Mąątɛ̨nɛ̨ 78:41

Di pənə nwɔ̨nɔ̨ di Yálá woo kwɛli, diɛ Israɛlə nwɔ Mąąhəɠəmun líikələn tii la gwəi.

Lɛɛ gbɔwɔ ɓa 14:11

Diɛ Moisə ɓa: «Akɛtii kámą ɓə hvo kɛ Eziptə lɔi hu, yai ə́ kuɔ həɠə ku pa haai ɓɛ nɔi pun ɉu? Lə ɓə ŋɛ̨i ə́ gɛ a kuɔi, yɛ́ ku kulɔ Eziptə lɔi hui?

Lɛɛ gbɔwɔ ɓa 15:24

Nuą di kɛi hvaa di nwun ɉu, Moisə ɓa, diɛ kɛ diɛ: «Ku kpələ yá wɔɔ?»

Lɛɛ gbɔwɔ ɓa 16:2

Israɛlə lonnii kəlee, di kɛi hvaa di nwun ɉu, Moisə da Aarɔn diɛ, nɔi pun ɉu.

Lɛɛ gbɔwɔ ɓa 17:2

Nuą di hvaa pələ Moisə pɔ, diɛ kɛ mą: «Yá tɛɛ ku pɔ, ku ku kpələ la!» Moisə yɛ diɛ: «Ka káá hvaa pɛlɛi mą́ą́, lə mɛ̨nį ɓa? Lə mɛ̨nį ɓa, ka káá Yai-Laa hukɔɔn ɉii?»

Lɛɛ gbɔwɔ ɓa 17:3

Kpələ wɛli ə nuą hon gɛɛnąą tii ɓa, diɛ hvaa di nwun ɉu Moisə ɓa, diɛ kɛ mą: «Ə́ ku kulɔ Eziptə lɔi hu lə mɛ̨nį ɓa? Akɛti, ku lɛɛ mɛ̨nį laa kuɔ haa a kpələ wɛli ɓə, kuɔ, ku lonnii da ku wɔ taatɛlɛɛɠaa?»

Lɛɛ gbɔwɔ ɓa 17:7

Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Lɛɛ gbɔwɔ ɓa 5:21

Pai di mo, diɛ Moisə da Aarɔn diɛ: «Mɛ̨nįi ŋɛ̨i laai kuɔ, ka hɔn ni, kɛlaa kwaa ku wɛi lɛɛ Yai-Laa ɓa. Ka mąą mɛ̨nį ɓa, tɔɔmun da ɲee pɔ nuą di hvo kpɛli bɔ di hvo ku kaa; kaa ku paa ɓɔwa lɔ di yee ɲą.»

Azaya 42:20

Yáá mɛ̨nį tamąą kaa, kɛlaa hvó ə́ kili lɛɛ li da hu, ə́ wəliɠaa laaɓoɔi, kɛlaa hva mɛ̨nį mɛ̨n.

Danîa 1:20

Yii kpɔ hvilɛn na kili mɛ̨nį, da nwun gɛ ɉu mɛ̨nį ɓa, tɔɔmun ə nwɔ tɔlikpɛ nuąi kpɔ di kaa laa, da nuąi da kɛ kwɛli hvilɛn ɉi pɛmɛ̨nɛ̨n gɔwɠaa diɛ, ə gəlee mąąnin gɛ, kɛlaa, ə Daniɛlə da mɛlaa di wɔ woo ŋąąpənə kaa, viɛlaɓoɔ gee mɛ̨i pow, ə tɛɛ nuąi tii kəlee diɛ.

Malasi 3:15

Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Lonon mo 11:1

Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Lonon mo 11:4

Israɛlə lonnii lɔwai, nwɛ̨ą ɲɛ̨i tamąą di kɛ laa. Ɲɛikulɔ ɓɔ ə lɔ di hu, da Israɛlə lonnii, diɛ kɛa di woolaa, diɛ kɛ mą: «Gbɛɛ ɓə pai hvɛnɛ̨ hɛn dɛɛi ku pɔ, ku mįi!

Lonon mo 12:1

Miriamə da Aarɔn di Moisə laa pələ ɓo, yɛ hvilɛn na Nubi nɛ̨ɛ̨nui tii ə ɉəɠə a nɛ̨ą mąą mɛ̨nį ɓa.

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Lonon mo 14:2

Israɛlə lonnii kəlee di kɛi hvaa di nwun ɉu, Moisə da Aarɔn diɛ, di kəlee diɛ kɛ diɛ: «Kwəli kpɛli haa Eziptə lɔi hu wɛ! A wala kɛ tii, ku haa kɛ nɔi pun ɉu kpɛli kɛ.

Lonon mo 32:12

Nuąi lɔ di laa hvo ɉu diɛ ɓaa Yefunɛ lon Kalɛbə Kenizi mun da Nun lon Ɉosue. Hvo gaai di wɛi di hvilɛn Yai-Laa pulu, ɲinɛ̨ ɲinɛ̨n və kɛ di hu.

Maafîu 4:7

Jesus ə mo mą, yɛ mą: «Bɛ̨ɛ̨i nwɔ̨nɔ̨ Yálá laawoo hɛɓɛ́ hu, diɛ mą: ‹Hvo ə́ Ną́mu ə́ wɔ Yálái hu kɔ́ɔn.›»

Korɛntə dɔlɔɔ 10:5

Bələi mąn ə kɛ la tii, damąą di hvo Yálá lii hon, hvo gaai, mɔlɔɓɛlaa di haa nɔi pun ɉu.

Korɛntə dɔlɔɔ 10:9

'Ka gu hvo gu Ną́mu ɲąąhɛn, yɛ pələi daɠaa di gɛ la, diɛn, kaalə ə gəlee nwun na pili.

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.

Hebreu 3:9

Nąą ɓə ká nąnni di ɉúkɔɔn naa, ə gɛ, di gáá, diɛn, di ɲéé pɔɔ kaa,