Lonon mo 12:8 - Yálá laawoo hɛɓɛ (dc)

⁸ Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Yálá laawoo hɛɓɛ

⁸ Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Bible

⁸ Ŋa lôno bɔ́ a zu ponoɔ yɛ̂ɛ núu à kɛ̀ lônoi marâŋ nuu pɔ́. Fa lóno bɔ́ sáŋ su. A ńinîŋ kàa máŋ. Gɛ̀ ní lé mɛni ƃé káfe yao ní la ńyee mu-nuui Mose ma kákɛ lòno a nyɔmɔɔ é pîlaŋ mai?”

Lonon mo 12:8 Iomraidhean Croise

Zɛnɛse 32:30

Ɉakɔbə yɛ mą: «Ə́ laa ɓaa a gbɛɛ?» Yili yɛ mą: «Lə mɛ̨nį ɓa ə́ kaa mą́ą́ninkɛi?» Ə lɛɛ laa, ə lúwɔ́ too Ɉakɔbə ɓa.

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Mąątɛ̨nɛ̨ 49:4

Kilimąą woo lɔ ɓə a kulɔ ná, kili mɛ̨nį ɓə nį́i kaa moi.

Lɛɛ gbɔwɔ ɓa 19:19

Dulu woo ta lɔ ɓə kɛi pɛlɛ mą, ɓɛlɔwai Moisə ə kɛi hvaa la, Yálá yɛ bulu pənə, yələ gbąnąą woo hu.

Lɛɛ gbɔwɔ ɓa 20:4

«Mąą nįnįn ɉaɠaa lɔpee ta hvo kɛ ka yəi, ə mą kɛ a yələkɔlɔn ɉu hɛn da kulɔmąą, ə mą kɛ, a lɔi mɛ̨i hɛn da, da yái hɛn da yii gaa lɔi mu gulɔmąą.

Lɛɛ gbɔwɔ ɓa 33:11

Yai-Laa ə kɛi pələ ɓo Moisə ɓa, da yaa di ɲɛ̨i heɛ di kee ɓa, yɛ nu a kɛi pələ ɓo mɛlan ma, yili pulu, Moisə ə kɛi pənə yɛ pa muwu la, kɛlaa, bɔ mun ŋɛ̨i kɛ a Nun lon Ɉosue, hvo kɛi tee gee kaa kələ mu.

Lɛɛ gbɔwɔ ɓa 33:19

Yai-Laa yɛ mą: «Gáá pai nwɔ́ mąąwiɛ kəlee tɛɛi ə́ ɲɛ̨i, Ŋą́ náá ɓo yɛ, náá ɓaa a: ‹Yai-Laa.› Nui a nɛ̨ɛ̨ mą́ą́, ya ɓə ŋą́ ɲɛ̨i mąąnwɛli kaa.»

Lɛɛ gbɔwɔ ɓa 33:23

Yili pulu, ŋį́ ɲéé həɠə ə́ ɲɛ̨i, ə́ búlú pələ kaa, kɛlaa ɲɛ̨ilai nwɛi, nu hva gaa.»

Lɛɛ gbɔwɔ ɓa 34:30

Aarɔn da Israɛlə lonnii di Moisə kaa, ɲɛ̨ilai yɛ lən, di ɲɔw, di hvo kɛi lɛɠɛ mą.

Hanwon 1:6

A hanwon ɉɔɔ hanwon ɉu, ə ɉu pɔ̨nɔ̨, yɛ kilimąą nuą woo da di wɔ hanwonŋaa hu pɔ̨nɔ̨.

Azaya 40:18

Ka pɛli Yálá kɔ́ɔn ɉi gbɛɛ ɓa, gulɔ mąą hɛn nɛlɛ ɓə ka pɛli dɔɔi gwɛlɛ?

Azaya 46:5

Gbɛɛ ɓə ka pɛli gɔɔn ɉi mą́ą́? Kwa yaa ku kulaa a ku kee? Gbɛɛ ɓə ka kɛ kɛi, gúlɔ mąą li, kwa yaa ku ɓo tanɔ̨n?

Izikiɛ 17:2

«Hulɔnu lon, hanwon da hɔɔ a mɛ̨nį kulɔ mąą ta, Israɛlə nuą diɛ:

Osia 12:13

Ɉakɔbə ə pu Aramə yɛɛ kɔ́wɔ hu, ɛlɛɛ, Israɛlə yɛ nɛ̨ɛ̨nu mąą koló ɓo laa, ɛlɛɛ, yɛ gbɔwɔ kɛ a taatɛlɛɛ mɛ̨i kaamun nɛ̨ɛ̨nu mɛ̨nį ɓa.

Lonon mo 14:14

Nɔi ŋɛ̨i ku kaa ɉu, Eziptə nuą daa mɛ̨nį tii hukulɔ diɛ. Daa bələ mɛ̨n diɛ; yɛ́ Yai-Laa, ə́ kaa nuąi ŋɛ̨i lɔwai, ɛlɛɛ, yɛ́ ə́ kpɔɔ lɛ diɛ, kaa ka kee kaa. Di gɔlɔn diɛ; yɛ́ Yai-Laa, yɛ́ ɓə ə́ kaa di mɛ̨i a tulɔ kpinįn, hvóló ŋą yɛ́ ɓo di ɲɛ̨i tɔwɔ, kpinįi, yɛ́ ɓo di mɛ̨i nwɔ̨n nən ɉu.

Lonon mo 7:89

Moisə ə lɔ kɛa gee kaa kələ mu, əgɛ da Yai-Laa di lono kɛ. Moisə ə kɛi nwoo mɛ̨n gəhi laa kalan mɛ̨i, mąąkpɛ malaka hveelɛ lɔwai. Gəhi laa kalan ə kɛ mįnɛ̨ kəhi mɛ̨i, ɛlɛɛ, Yai-Laa yɛ pələ ɓo Moisə ɓa.

Maafîu 13:35

Ə kɛi gɛ tii ə gɛ, mɛ̨nį Yálá kwəi mɛ̨nį hukulɔ mun ə mo naa ə hon. Yaai ə kɛ la mą: «Gáá lɔ pai kɛi hvaai a hanwon, Mɛ̨nį yiiɠaa wɔlɔ a loo mɛ̨nį, ə həɠə yɛnɛ̨ɛ̨ kɔ́wɔ tɔɔi lɔwai ɓa ə həli la yiihu ɓa, gɛ́ yiliɠaai ɓo diɛ a lolo-woo.»

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Ɉaan 15:24

Ə li kɛ və́ pa, və́ kpalo mɛ̨nįɠaa kɛ di lɔwai, yii nui lɔpee ta hva pɛli gɛi, nɛ̨ŋɛ̨n və li kɛ diɛ. Kɛlaa, yiihu kɛa, daa mɛ̨nįɠaa tii kaa, diɛ ku wɛli kpɛɛ mąą laa kulɔ a kuɔ, ɲą́ą́ kwa Ną́n.

Korɛntə dɔlɔɔ 13:12

Yiihu kɛa, gu kaa kɛɛ kaai pɛnɛ̨n vili-hvili hu, kɛlaa, a Yələ ta, gu kaa pai gaai hələ-tətə. Yiihu, nwɔ́ mɛ̨nį kɔlɔnŋąą ɲɛ̨ndɔɔi, a kɛ tii, gáá pai gɔlɔn ɉii, yɛ bələi Ə gɔ́lɔ́n na.

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Kili.

Dutɛrɔnome 18:15

Nąąlɔwai kɛa, Moisə yɛ Israɛlə lonnii diɛ: Yai-Laa ka wɔ Yálái kaa pai gwəi mɛ̨nį hukulɔ mun da kulɔi ka lɔwai yɛ ɲą́ą́, ka kaayɔwɔɠaa lɔwai, yaa ɓə mąąnɛ̨ɛ̨ ka ka wəli tɔɔ nwoo ɓa.

Dutɛrɔnome 34:10

Gulaa Moisə pulu, Yálá kwəi mɛ̨nį ɓomun da hvo kɛa hɔlɔɓo Israɛlə lɔi hu, yii da Yai-Laa di kɛi mɛ̨nį ɓo di kee ɓa laaləi da laaləi.

Dutɛrɔnome 4:15

Ka ka kpɔwɔ hon a nɛlɛɛ, ka gɔlɔn kaa diɛ, ɲələi Yai-Laa ə kɛi mɛ̨nį ɓo la kaa nwɔ̨n nən ɉu Horɛbə yee nwuɔ̨, ka hvo hɛn nɔpee ta mąą nįnįn gaa nwɔ̨n nən tii hu.

Dutɛrɔnome 5:8

«'Ka hvo hɛn da kpɛli mąą nįnįn bɛli, a hɛn ɲii da kwɛli hvilɛn mą, a hɛn lɔpee ta, yii gulaa yələkɔlɔn ɉu hɛn da ɓa, ə mą kɛ a lɔi mɛ̨i hɛn da, a wala kɛ tii yái hɛn da.

Kolosə 1:15

Gaa a Yálái káá hvo mą, mąą ninįn, ə ɓo pɛli-hɛn gəlee tɔwɔ.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Zûu 1:8

Bələ kpɔlɔ ɓə nɛɛ kalan gɛ nuą tii da gɛ la diɛ kpɛli. Da kɛ nɛ̨ŋɛ̨n ɉəɠəi di kpɔwɔ ɓa di wɔ kɛɛ kaa hu, diɛ Yálá ɓɛlɛkpɛɛ mą, ɛlɛɛ, diɛ woo ɲɔ̨nŋąą mo a Yálá nwɔ pɛli hɛnŋąą laa diɛi di kaa yələi.