Lonon mo 12:3 - Yálá laawoo hɛɓɛ (dc)

³ Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Yálá laawoo hɛɓɛ

³ Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Bible

³ Mose è kɛ̀ a ǹíi maa yeŋɔɔ kpɔ́ é tɛ́ɛ núu kélee ma ŋ̀éniɛi su.

Lonon mo 12:3 Iomraidhean Croise

Mąątɛ̨nɛ̨ 147:6

Yai-Laa a ɲee pu nuąi da di nwun mąą yɛɛ, di mu, yɛ nwąnąlɔ nuą yee pɛlɛ lɔi ɓa.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Lonon mo 12:4

Yai-Laa ə nɛɛ mą ə mo, Moisə, Aarɔn da Miriamə diɛ, yɛ diɛ: «'Ka nu haaɓai ka li gee kaa kəle laaləi.» Di nu haaɓai di nɛɛ mą di li.

Maafîu 11:29

Ka ka nwun ɉee nwɔ́ tiɛ̨i mu, həɠə ka nwɔ́ liɛwooɠaa hon. Mąąhɔlɔɓo, níí laai, kaa kpɛli, ka hvii tɔɔ hɔlɔɓo ka lii ə laa.

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Maafîu 5:5

Nwun na nɛ̨ɛ̨ nuą ɓaa nuąi di wɔ mɛ̨nį lɛlɛɛ. Mąąhɔlɔɓo, mɛ̨nįi Yálá ə naakwɛlanmo nwɔ nuą diɛ, huwuɠaa diɛ, di ka pai ɉɔlɔɓoi!

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 11:5

Ɲą́ą́ gwə́i pələ, və́ tíkpə li, və́ tɛɛ, gɛla kpɛa-kpɛaɠaa tii diɛ, a diɛi ká kili kaa diɛ.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Tɛsalonikə dɔlɔɔ 2:7

Ya pa, kwa pɛli kɛ ku laa ká nwuɔ̨ a tįɛ̨, yɛ bələi Kristə ŋą kɛlaɠaa da gɛ la. Kɛlaa yaamun, ku ká hon a liinɛ̨ɛ̨ gwəi laa, yɛ bələi nɛ̨ɛ̨nu a nonnii pɛlɛ la gəŋəla, yɛ di kɔ̨nɔ̨n gɛ.

Zĩi 3:13

Gbɛɛ ɓə ká lɔwai a kilimąą mun, a nwun gɛ-ɉumun? Mąą nu ə nwɔ kili mɛ̨nį lɛ dúwɔ́ pələ hu, a kpɔɔ mąą yɛɛ laa.

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.