Lonon mo 12:2 - Yálá laawoo hɛɓɛ (dc)

² Diɛ kɛ mą: «A kɛ tii, Moisə yaa tɔ̨nɔ̨ lɔ ɓə Yai-Laa a pələ ɓo mą? Hva mɔ̨ɔ̨ pɛli pələ ɓoi kuɔ kpɛli kuɔ?» Yai-Laa ə di wooi tii mɛ̨n.

Yálá laawoo hɛɓɛ

² Diɛ kɛ mą: «A kɛ tii, Moisə yaa tɔ̨nɔ̨ lɔ ɓə Yai-Laa a pələ ɓo mą? Hva mɔ̨ɔ̨ pɛli pələ ɓoi kuɔ kpɛli kuɔ?» Yai-Laa ə di wooi tii mɛ̨n.

Bible

² Dí mò dîyɛɛi, “Mose tɔnɔ nɔ́ ƃé Yâwɛɛ a lóno zârai? Vé niî lóno ní máŋ kúsârai?” Yâwɛɛ è díwoo mɛ̀ni.

Lonon mo 12:2 Iomraidhean Croise

Zɛnɛse 29:33

Lea ə pənə nwɔ̨nɔ̨ ə bulu ɓa koo həɠə, ə lon ɉulɔnu kaa, ə naa hee a Simeɔn. Lea yɛ nwɔ̨nɔ̨ mą: «Yai-Laa aa gaa yɛ nwɛ́li hvo too li ɉílɛ ɓa, ya ɓə gɛ yɛ gɔ́ a ɉulɔnu yii.»

Samia Veerɛi 11:27

Ɉaa wɔlɔ ɓoɔ pulu, Davidə ə nuą tɔɔ, diɛ li tɔɔi nɛ̨ɛ̨nui tii tɔwɔ; ə ɉəɠə ə nɔ ɲəi bɛlɛ́n, ə lɛɛ ɲəi a nɛ̨ą, ə lon ɉulɔnu kaa mą. Kɛlaa, mɛ̨nįi tii Davidə ə gɛ, hvo nɛ̨ɛ̨ Yai-Laa ɓa.

Tɔɔɓɛlaa veelɛ 19:4

Asiri tɔɔmun nwɔ kɔ́ kɔ́ kwɛli hɛn ɉəɠə mun ŋɛ̨i ə dɔɔ, yɛ pa Yálá hvulú lalan ɉii, Yai-Laa kaa kiɛ pai nwoo mɛ̨n ɉii. Nwooɠaa tii mąą mɛ̨nį ɓa, Yai-Laa ə́ wɔ Yálá kaa pai nwąną kulɔi mą, nwaa wooɠaa tii mąą mɛ̨nį ɓa. Esai! Ə́ woo tɛ Yai-Laa ɓa, nu kpəli woloi aa lɛɛ mąą mɛ̨nį ɓa.›»

Lɛɛ gbɔwɔ ɓa 4:14

Yai-Laa lii ə holi Moisə pɔ, yɛ mą: «Kɛlɛi ə́ liɛ Aarɔn kaa laa-e, yai ŋɛ̨i a Levi? Gíli kaa ɉu gɛ́ naa kpan ɉu teei. Aarɔn kaa hɔlɔɔmun bələ ɓa yɛ pa ə́ laakwiɛn ɉii; a pa ə́ kaai, gwəi kaa pai nɛ̨ɛ̨i.

Lɛɛ gbɔwɔ ɓa 4:30

Mɛ̨nįɠaa kpɔ Yai-Laa ə mo Moisə ɓa, Aarɔn ə gəlee laa həli galanɉonŋąą diɛ, Moisə ə gwɛlɛɛn mɛ̨nįɠaa kəlee kɛ Israɛlə lonnii ɲɛ̨i ɓa.

Lɛɛ gbɔwɔ ɓa 5:1

Yili pulu, Moisə da Aarɔn di li Eziptə tɔɔmun nií la, diɛ mą: «Mɛ̨nįi Yai-Laa Israɛlə nwɔ Yálá, ə mo ya ka: ‹'Nwɔ́ nuąi lɛɛ laa di li nɔi pun ɉu, di hɛli pu laa náá hu.›»

Lɛɛ gbɔwɔ ɓa 7:10

Moisə da Aarɔn di li di həli Eziptə tɔɔmun ma, bələi ti Yai-Laa ə di tí la, di gɛ tii. Aarɔn ə nwɔ tunwɔ̨n pili tɔɔmun da nwɔ ɲɛ̨i tɔwɔ nuą di lííla, dunwɔ̨n ə mąą pənə a kaalə.

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Azaya 37:4

Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Lonon mo 11:1

Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Lonon mo 12:3

Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Lonon mo 16:3

Di hvaa pɛlɛ Moisə da Aarɔn diɛ, diɛ kɛ diɛ: «Ka káá kɛa ka yee ɓɔi ɉu, nɔi lonnii kəlee mąąhəɠɛɛ ɓə, ɛlɛɛ, Yai-Laa kaa di lɔwai, lə laa hu ɓə ka káá ka nwun dɛi la Yai-Laa nwɔ nu kpului mɛ̨i?»

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Filipə 2:14

'Ká hvo ká woolaa ka kɛ mɛ̨nį lɔpee ta hu, ka hvo hɛatoo.

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»