Lonon mo 12:13 - Yálá laawoo hɛɓɛ (dc)

¹³ Moisə ə nɛɛ mą ə wɔlɔ Yai-Laa ɓa, yɛ mą: «Ee kə Yálá, gáá nɛ̨ɛ̨mąą hvəi Yɛ́, kɔ́lɔi pɔ̨nɔ̨ tɛɛ bɔ.»

Yálá laawoo hɛɓɛ

¹³ Moisə ə nɛɛ mą ə wɔlɔ Yai-Laa ɓa, yɛ mą: «Ee kə Yálá, gáá nɛ̨ɛ̨mąą hvəi Yɛ́, kɔ́lɔi pɔ̨nɔ̨ tɛɛ bɔ.»

Bible

¹³ Nya ƃe Mose è wɔ̀lɔ Yâwɛɛ mà ǹyɛɛi, “Óo Ɣâla kpera yɛ̂, Miriaŋ ƃálo.”

Lonon mo 12:13 Iomraidhean Croise

Zɛnɛse 20:17

Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Tɔɔɓɛlaa dɔlɔɔ 13:6

Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.

Mąątɛ̨nɛ̨ 30:2

Gáá ə́ laa tɛi Yai-Laa, mąąhɔlɔɓo yaa ə́ yee pu mú, Hvó ɲówoɠaa lɛɛ li laa diɛ yɛlɛ kulɔ ɉú.

Mąątɛ̨nɛ̨ 41:4

Ɓɛlɔwai a kɛ la laani ɲɔ̨n ɉaɠa ɓa, Yai-Laa a ɲee kɛ mą, ɓɛi gaa laa laani, yɛ nąą pɛli a nɛlɛɛ.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 4:7

Ə pənə yɛ Moisə ɓa: «'Pənə ə́ ə́ yee pɛlɛ ə́ lii pɔ.» Moisə ə ɲee pɛlɛ nii pɔ, gɛɛ ɲee həɠəi nii pɔ, ɲee ɲąą ə pɛli a nɛlɛɛ, yɛ bələi tii mɛlan ə kɛ la.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Ɉeremi 17:14

Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Lonon mo 11:2

Nuą kəlee di wɔlɔ Moisə ɓa, Moisə ə di mąą nɛ̨ɛ̨mąą hvə Yai-Laa ɓa, nwɔ̨n tii ə luwun.

Lonon mo 12:12

Nɛ̨ɛ̨ yɛ́ ną́n, əgɛ Miriamə hvo kɛ gaa kɛi yɛ yee kala lon, yai gɔlɔ ɲąą hva kɛ a bɛliɛ gaai lɔwai.»

Lonon mo 14:2

Israɛlə lonnii kəlee di kɛi hvaa di nwun ɉu, Moisə da Aarɔn diɛ, di kəlee diɛ kɛ diɛ: «Kwəli kpɛli haa Eziptə lɔi hu wɛ! A wala kɛ tii, ku haa kɛ nɔi pun ɉu kpɛli kɛ.

Lukə 23:34

Jesus ə mo Yálá ɓa, yɛ mą: «Nąn Yálá, nuą ŋɛ̨i mąąhvaalɛɛ, mąąhɔlɔɓo, mɛ̨nį ŋɛ̨i di kaa gɛi, di hvo gbaɠala kɔ́lɔn.» Ɉolahiɠaa di Jesus mąąhəɠə ŋąąkwɛlɛ di kee lɔwai yɛ pələi da tɔ̨nɔ̨ huwɔ ɲąąkwɛlɛ la.

Lukə 6:28

Nuąi da ka nɛ̨ŋɛ̨n nąą, ka lúwɔ́ too diɛ. Nuąi da mɛ̨nį nwanąą laa kaa, ka Yálá hvɛli diɛ.

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Lomaŋ 12:21

'Hvó nɛɛ laa mɛ̨nį ɲɔ̨n ɲee hvo tɛɛ yɛ́, kɛlaa, ə́ yee ə tɛɛ mɛ̨nį ɲɔ̨n ma a mɛ̨nį lɛlɛɛ kɛɛ.

Zĩi 5:15

Laa na laa hvɛli woo a ɲɔ̨n gɛ mun gɔlɔi pono; ɛlɛɛ, gu Nąmu a ɉaŋąn ə ɉee, ə mą kɛ aa nɛ̨ŋɛ̨n ɉəɠə, a nwɔ nɛ̨ŋɛ̨n mąą hvaalɛɛ.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.