Lonon mo 11:4 - Yálá laawoo hɛɓɛ (dc)

⁴ Israɛlə lonnii lɔwai, nwɛ̨ą ɲɛ̨i tamąą di kɛ laa. Ɲɛikulɔ ɓɔ ə lɔ di hu, da Israɛlə lonnii, diɛ kɛa di woolaa, diɛ kɛ mą: «Gbɛɛ ɓə pai hvɛnɛ̨ hɛn dɛɛi ku pɔ, ku mįi!

Yálá laawoo hɛɓɛ

⁴ Israɛlə lonnii lɔwai, nwɛ̨ą ɲɛ̨i tamąą di kɛ laa. Ɲɛikulɔ ɓɔ ə lɔ di hu, da Israɛlə lonnii, diɛ kɛa di woolaa, diɛ kɛ mą: «Gbɛɛ ɓə pai hvɛnɛ̨ hɛn dɛɛi ku pɔ, ku mįi!

Bible

⁴ Ŋɔ̃ya-ŋai kɛ̀ dísamai dí kɛ̀ a dímii-sɛŋ wɛ́liɛɛ. Eezuɛ-ŋai dîa máŋ dí kɛ̀ díŋuŋ-su-woo saâi díyɛɛ, “Gbɛ̂ɛ ƃé pâi sua tɛɛ̂i kúpɔ kú mii?

Lonon mo 11:4 Iomraidhean Croise

Nehemi 13:3

Dɔ́n ɉɛɓɛ́ hu woo mɛ̨n di mo, Israɛlə nuą lɔwai, nwɛ̨ąą kpɔ kɛ laa, da diɛni di di ɓɛlaɓo.

Mąątɛ̨nɛ̨ 106:14

Di hvilɛn di liiɓa mɛ̨nįɠaa pulu, nɔi pun ɉu, di Yálá hu kɔ́ɔn nɔi pun ɉu.

Lɛɛ gbɔwɔ ɓa 12:38

Nu huwu tamąą di lɛɛ di pɔ, da diɛni diɛ li, da taatɛlɛɛ kpulu kɛnɛ̨.

Lɛɛ gbɔwɔ ɓa 16:12

«Ŋą́ą́ Israɛlə lonnii woo mɛ̨n, diɛ hvaa di nwun ɉu, mo diɛ, yɛ diɛ: Hvitili ɓa, ka káá pai huwɔ mįi, yələwala pɔ, ka káá pai pilɛi kɔ̨nɔ̨n ɉu a ka liiɓa; ka káá pai gɔlɔn ɉii, kaa, Ɲą́ą́ Yai-Laa, ɲą́ą́ ɓə a ka wɔ Yálá.»

Lɛɛ gbɔwɔ ɓa 16:3

Israɛlə lonnii diɛ diɛ: «Yai-Laa ə li kpɛli kɛ ku paa Eziptə lɔi hu, ɓɛlɔwai ku kɛ la heeni ləɠiɠaa kwɛlɛ, naahvɛɛ a huwɔ, kuɔ kɔ̨nɔ̨n mįi a ku liiɓa! Ka pa a kuɔ nɔi pun ŋɛ̨i hu, nu kpului ŋɛ̨i kəlee haa mɛ̨nį ɓa a pulu!»

Ɉeremi 42:14

kaa kɛ diɛ; ku kaa lii Eziptə, ku hva kɛa pulu həɠə laa; nąą ɓə ku kaa bɔ kwəli ku hee laa;

Lonon mo 11:18

Israɛlə lonnii di wɛi, yá kɛ diɛ: ‹Tinąą, ka ka mąąhəɠə, ka káá pai huwɔ mįi! Hvo gaai, kaa ka woolaa kpɔ tii a mɔlɔ, Yai-Laa aa ka woo mɛ̨n; ka woolaa woo ŋɛ̨i ka kɛ diɛ: Gbɛɛ ɓə pai huwɔ tɛɛi ku pɔ ku mįi? Ku kɛɛ Eziptə lɔi hu, ku kɛ kani ku nɛ̨ɛ̨ hu-ee! Yai-Laa kaa huwɔ tɛɛi ka pɔ ka mįi.

Lonon mo 14:1

Israɛlə lonnii kəlee di tómą a wɔlɔ kɛnɛ̨, di yíi kpɔ wɔlɔi pili pili.

Lonon mo 14:22

Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Lonon mo 16:13

Ku kulɔi ŋɛ̨i ə́ mo lɔi ta hu, ɓɛi hɛn gəlee da lɛlɛ laa, yɛ́ pa ku paai nɔi pun ŋɛ̨i hu, yili hva pɛli yɛ́, hvo kɛ li nwɔ̨nɔ̨ yá kɛ diɛ ə́ kaa ku ɲąąwooɓoi?

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Korɛntə dɔlɔɔ 10:6

Mɛ̨nįɠaai tii di kɛ tii, ə gɛ, ə kɛ háákələi gu yəi a mɛ̨nį kɔ́ɔn mąą, ə gɛ, gu ɲɛ̨i hvo pa kulɔ mɛ̨nį ɲɔ̨n bɔ, yɛ bələi di ɲɛ̨i ə kula bɔ.

Korɛntə dɔlɔɔ 15:33

'Ká hvo ka kpɔwɔ ɓowo: Hiɛ gee pulu ɲɔ̨nwɔ̨ɔ̨, a nu yíi pələ lɛlɛɛ hukala.

Dutɛrɔnome 9:22

Ɓɛlɔwai gu kɛ la Taveera da Masa, da Kivrotə-Taawa, ka Yai-Laa liiholi gɛɛnąąɠaa tii.