Lonon mo 11:29 - Yálá laawoo hɛɓɛ (dc)

²⁹ Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Yálá laawoo hɛɓɛ

²⁹ Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Nįį tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Bible

²⁹ Kɛ́lɛ Mose è mò ma ǹyɛɛi, “Íkaa ḿaa-tolo kulâi? À pɔ̂ri kɛ̂i a ǹɛ́lɛɛ Yâwɛɛ é ŋɔmɔ̂leŋ pú ŋɔnûai kélee kponôi a gɛɛ dí kɛ́ a ŋɔlóno kɛ́-ƃela.”

Lonon mo 11:29 Iomraidhean Croise

Zooɛ 2:27

Ɛlɛɛ ka gɔlɔn kaa diɛ, ɲą́ą́ gbinįi gáá Israɛlə nu huwu lɔwai. Kaa diɛ: Gáá a Yai-Laa ka wɔ Yálá. Ɲɔ́nwɔ́man və mą. Nwumɛ̨ hva kpɔ kɛa tɛ a nwɔ́ nuą a yələ ta.

Zooɛ 3:1

Yai-Laa yɛ diɛ: «Yili kəlee tɛɛ pulu, gáá pai nwɔ́ Kilii yɛɛi nu kəlee pɔ. Ka lonnii hinąą da ka lonnii nɛ̨ąą di kaa pai kɛi Yálá kwəi mɛ̨nį ɓoi. Ka wɔ hulɔgoloɠaa diɛ hįįɠaa kaa, ka wɔ muhəɠə nįnɛ̨ɠaa diɛ kwɛlɛɛn gɛɛ kaa.

Lonon mo 11:30

Moisə da Israɛlə kalanɉonŋąąi tii di pənə di li muwu la.

Lukə 10:2

Jesus yɛ diɛ: «Mɔ̨nun gbala kɛnɛ̨i, kɛlaa, dee mun və mą. Ka nɛ̨ɛ̨mąą hvə mɔ̨nun gbala nąmu ɓa, əgɛ, ə mɔ̨nun dee nuą tamąą tɛɛ ɲəi mɔ̨nun gbala ŋą.

Gɛlaɠaa 26:29

Polə ə nwoo ɲąąpənə yɛ mą: «Ə kɛ a yiihu-o, ə kɛ a ɉu kwɛa-o, yii gáá Yálá hvɛli la, ya ɓaa: yɛ́, ə mą kɛ a nuąi di kaa di wəli tɔɔi mą́ą́ háákələi, ka kɛ yɛ ɲą́ą́, ka hvo kɛ a gaho nąmįną.»

Korɛntə dɔlɔɔ 13:4

Wɛlikɛmąąlaa liikpəlɛɛi, wɛlikɛmąąlaa a kpɔnmąą kɛ, hva tolo kulɔ, hɛn nwɛli laa hvo wɛlikɛmąąlaa hu, kpɔɔ ɲąą kɛnɛ̨ hvo wɛlikɛmąąlaa hu.

Korɛntə dɔlɔɔ 14:5

Gáá bɔ ká kəlee, káá hį́iwooɠaa ɓo, kɛlaa, yii kpɔ nwɛli kaa mą́ą́, ya ɓaa, 'Káá Yálá kwəi mɛ̨nį hukulɔ nuą diɛ. Nui a Yálá kwəi mɛ̨nį hukulɔ, gɛnɛ̨i dɛɛ, hį́iwooɠaa ɓomun ma, hvo kɛli lɔ kan, mąą nu a kɛli ɉį́iwooɠaa ti mukulaa lɛ, gbɔn yɛ pɛli tɛi la tɔwɔ.

Korɛntə dɔlɔɔ 3:21

Yili ɓa, nu ta hvo ŋą huɲąŋąkɛnɛ̨ kɔwɔ hvilɛn nu kanŋaa mɛ̨i, gbala ə tɔɔ, gəlee kaa a ká wɔɔ:

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Zĩi 4:5

A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Zĩi 5:9

Ną́n nonnii, ka hvo ka woolaa ka kee yəi, əgɛ, di hvo nəi pa ká kiti tee. Ká nąą kaa, giti tee mun kaa kɛa tɔɔni bɛlɛ́ laaləi.

Piɛrə dɔlɔɔ 2:1

'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Samuɛlə dɔlɔɔ 10:6

Nąąlɔwai Yai-Laa nwɔ Kilii kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Gilii tii kaa pai ə́ kɛ pələ mąąhvalin ɉii.