Lonon mo 11:16 - Yálá laawoo hɛɓɛ (dc)

¹⁶ Yai-Laa yɛ Moisə ɓa: «Israɛlə kalanɉon pow mɛ̨ihveelɛ ɲąąkpɔn, diɛi kpɔ ə́ di kɔ́lɔn a nu pɔlɔ pɔlɔɠaa, diɛ pɛli nuą lɔwai mɛ̨nį ɓoi. Ka diɛni ka pa gee kaa kələ laaləi.

Yálá laawoo hɛɓɛ

¹⁶ Yai-Laa yɛ Moisə ɓa: «Israɛlə kalanɉon pow mɛ̨ihveelɛ ɲąąkpɔn, diɛi kpɔ ə́ di kɔ́lɔn a nu pɔlɔ pɔlɔɠaa, diɛ pɛli nuą lɔwai mɛ̨nį ɓoi. Ka diɛni ka pa gee kaa kələ laaləi.

Bible

¹⁶ Nya ƃe Yâwɛɛ è mò Mose mà ǹyɛɛi, “Kpakolo buu lɔ́ɔlu mɛi feerɛ kúla mî Eezuɛ-ŋai dínûa-pɔlɔ-ŋai sáma nyii-ŋai í gɔ́lɔŋ a gɛɛ díkaa a Eezuɛ-ŋai túɛ-ƃelai, í pá a dîa a gɛɛ dí tɔ́ɔ Zua kɔlɔ seɣe pɛrɛ maa waai ŋɛ́i-tuɛ íkɔlɛ.

Lonon mo 11:16 Iomraidhean Croise

Zɛnɛse 46:27

ə pɛlɛ Ɉosɛfə lon ɉinąą hveelɛi ə ɉɔlɔɓo Eziptə lɔi hu diɛ. Ɉakɔbə huwu kəlee pɛlɛɛ gee ɓa, di kɛ a: nu pow mɛ̨ihveelɛ. Diɛ ɓə kɛ Eziptə lɔi hu.

Lɛɛ gbɔwɔ ɓa 18:25

Moisə ə nuą həɠə Israɛlə lonnii kəlee lɔwai a nu ɓɛlɛmąąɠaa, ə di hee nuą nwun na, nu waa tɛitɛi nwun na, nu nwun dɛitɛi nwun na, nu pow lɔɔli lɔɔli nwun na, da nu pow pow nwun na.

Lɛɛ gbɔwɔ ɓa 24:1

Yai-Laa yɛ Moisə ɓa: «'Tɛ ɲee nwuɔ̨, ka Aarɔn, Nadavə, Avihu da Israɛlə kalanɉon pow mɛ̨ihveelɛi. Ka lɛɛ kwɛa la ka pɛlɛ ka liiɓa.

Lɛɛ gbɔwɔ ɓa 24:9

Moisə ə tɛ, da Aarɔn, Nadavə Avihu da Israɛlə kalanɉon pow mɛ̨ihveelɛi.

Lɛɛ gbɔwɔ ɓa 4:29

Moisə da Aarɔn di bɛlɛ gee ɓa, di li di Israɛlə kalanɉonŋąą kəlee ɲąąkpɔn.

Ɉeremi 19:1

Mɛ̨nįi Yai-Laa ə mo Ɉeremi ɓa, ya ka, yɛ mą: 'Li ə́ mulúún ɲá, ɛlɛɛ, ə́ kalanɉon daɠaa həɠə ɉu, da ɉaláá laa həli nuą nu pɔlɔ taɠaa.

Izikiɛ 8:11

Israɛlə pɛlɛ́ mu kalanɉon bow mɛ̨ihveelɛ di kɛ laa tɔɔnin, ɉali mąąnįnįnŋąąi ti lííla; Safan lon Yaazaniahu ə kɛ tɔɔnin di hąmąi; nu kəlee nwɔ lansan kələn ɉɛn ə kɛ ɲee ɲą; lansan kələn nwɔ̨n nulu yɛ kɛi tɛ.»

Lonon mo 11:24

Moisə ə kulɔ gee kaa kələ mu, ə li, nwooi Yai-Laa ə mo mą, ə ɉukulɔ nuą diɛ. Ə galanɉon bow mɛ̨ihveelɛi ɲąąkpɔn, ə di tɔɔ gee kaa kələ koo ɓa nąą kəlee.

Lonon mo 16:25

Moisə ə muhəɠə ə li, Datan da Abiramə di pɔ.

Lukə 10:1

Yili pulu, Ną́mu Jesus ə nu pu-mɛ̨ihveelɛ-kɔw-hveelɛ takpɛli yɛɠɛ ɉu, ə di tɔɔ hveelɛ-hveelɛ, diɛ li, taaɠaai kɛ mąąnɛ̨ɛ̨ kɛ Jesus kpinįi ə həli ɉu.

Lukə 10:17

Galan nɛa pu-mɛ̨ihveelɛ-kɔw-hveelɛ di pənə di pa a kwəinɛ̨ɛ̨, diɛ Jesus ɓa: «Ną́mu, ku kɛi haŋą ɲį́nɛ̨nŋąa diɛ ə́ laa hu, diɛ ku woo hon.»

Dutɛrɔnome 1:15

Yili ɓa, ka ɲɛ̨itɔwɔ nuą lɔwai, ŋį́ mɛ̨nį kɔ́lɔn nuą, da mɛ̨nį hu kpɛ nuą həɠə ɉu a kɔlaɠa nwun nąmįną; ŋį́ daɠaa hee nu waa tɛi tɛi nwun na, nu nwun dɛi tɛi nwun na, nu pow lɔɔli lɔɔli nwun na; Da nu pow pow nwun na; da hɛɓɛ́ kɛ nuą yɛ bələi ka huwu hee pələ kaa la.

Dutɛrɔnome 16:18

Ka káá pai mɛ̨nįɓo kɛ nuą heei, da nɔi nuą mɛ̨i kaa nuą, ka wɔ taaɠaai hu, yii Yai-Laa ka wɔ Yálái kaa pai dɛɛi ka pɔ, nu huwu tɛitɛi kəlee mɛ̨i, diɛ di kɛ kóló kɛ a tələnmolaa nuą lɔwai.

Dutɛrɔnome 31:28

Yii hu kɛa, galanɉonŋąą kəlee, nɔi nwun nąmįnąą kəlee, ka di ɲąąkpɔn gwɛ́lɛ, ŋį́ nwooɠaa ŋɛ̨i ɓo, ə too di wəlii, yələkɔlɔn da lɔi di kɛ a nwɛ́i gɛla.