Lonon mo 11:12 - Yálá laawoo hɛɓɛ (dc)

¹² Akɛti, ɲą́ą́ ɓə mɔ̨ɔ̨ nuą ŋɛ̨i kəlee mąą koo həɠə? Ɲą́ą́ ɓə mɔ̨ɔ̨ di kaa a lon diɛ kɛ yɛnɛ̨ɛ̨? Yaai ə́ kaa kɛi mą́ą́: ‹Di laa ə́ yee kɔ́nwɔ̨n ɉu, yɛ bələi kɔ̨nwɔ̨lee a non ɉon na, ə́ bɛlɛ ə́ lii pɔ.› Yɛ́ kɛ diɛ, di lɛɛ tii ɲə́i ə lɛɛ ɉu kwəli ɓɛi ə́ nąą laakwɛlanmo di nąnni diɛ.

Yálá laawoo hɛɓɛ

¹² Akɛti, ɲą́ą́ ɓə mɔ̨ɔ̨ nuą ŋɛ̨i kəlee mąą koo həɠə? Ɲą́ą́ ɓə mɔ̨ɔ̨ di kaa a lon diɛ kɛ yɛnɛ̨ɛ̨? Yaai ə́ kaa kɛi mą́ą́: ‹Di laa ə́ yee kɔ́nwɔ̨n ɉu, yɛ bələi kɔ̨nwɔ̨lee a non ɉon na, ə́ bɛlɛ ə́ lii pɔ.› Yɛ́ kɛ diɛ, di lɛɛ tii ɲə́i ə lɛɛ ɉu kwəli ɓɛi ə́ nąą laakwɛlanmo di nąnni diɛ.

Bible

¹² Ńyãa ƃé ǹûai ŋí kélee maa sɔlɔ ƃói? Kpao. Í ŋ́gɛ ŋa dísee ńyee-tɔ̃ɔi yɛ̂ɛ kɔ̃ɔ-lee ƃé liî a ǹóŋ ǹyée-tɔ̃ɔi ŋá lí a dîa ǹɔii ma í íkono-tee la dínûa-pɔlɔ-ŋai yêei?

Lonon mo 11:12 Iomraidhean Croise

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Zɛnɛse 24:7

Yai-Laa yələkɔlɔn ɉu Yálá, ə gúlɔ ną́n ɲəi bɛlɛ́n, da gáá lɔi hu, mąą Yálái tii ɓə gwɛla, yɛ mą́ą́: ‹Gáá nɔi ŋɛ̨i tɛɛi ə́ pɔ, yɛ́, ka ə́ huwu.› Ɲálái tii kaa pai nwɔ malaka ta tɔɔi ə́ tɔwɔ, əgɛ, ə́ nɛ̨ɛ̨nu ta hɔlɔɓo ku pɔ lɔi, ə́ paa la nón bɔ a nɛ̨ą.

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Tɔɔɓɛlaa veelɛ 10:1

Akabə gwəi lonnii da ɉuwuhu hinąą di kɛ a nu pow mɛ̨ihveelɛ, diɛ ɓo Samari daai. Ɉehu ə hɛɓɛ́ɠaa pɛ̨ɛ̨, ə dɛɛ galanɉonŋąą diɛ, da nuąi kɛ Akabə lonnii mąąkwɛli Samari, yɛ diɛ:

Tɔɔɓɛlaa veelɛ 10:5

Dɔɔ pɛlɛ́ ɲąąwooɓonuą, daa ɲąąwooɓonuą, nu kpɛa kpɛaa da dɔɔ lonnii mąąkwɛli nuą, di nuą tɔɔ, diɛ kɛ Ɉehu ɓa: «Ku kaa a ə́ wɔɔ luwɔɠaa, yii kpɔ a nɛ̨ɛ̨ yɛ́, ya ɓə kwa gɛ. Ku hvo nui lɔpee ta heei a tɔɔmun!.»

Lɛɛ gbɔwɔ ɓa 13:11

Ɓɛlɔwai Yai-Laa a lɔ la a kaa Kanaan lɔi hu, yɛ bələi ə naakwɛlanmo la ka kalaɓɔlɔni diɛ, a nąą tɛɛ ka pɔi;

Lɛɛ gbɔwɔ ɓa 13:5

«Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 49:15

Nɛ̨ɛ̨nu a mɔ̨ɔ̨ pɛli lɛ̨ąi non dala ɓa? A mɔ̨ɔ̨ pɛli kpɛlai gwəi lon nwɛlila kɛɛ ɓa? Ə mą kɛ kɛ nɛ̨ąą da pɛli kɛ lɛ̨ąi, nwɛ́i və́ pai lɛ̨ąi yɛ́!

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Korɛntə dɔlɔɔ 4:15

Hvo gaai, ə mą kɛ, mąąkwɛli kɛ nuą waa pow a hɔlɔɓo, diɛ Kristə mąą mɛ̨nį lɛ káá, ka nąnni di hvo tamą li, ɲą́ą́ lɔ ɓə, Nwɛlɛɛ lɛlɛɛ háálai, ɲą́ą́ ɓə ka káá a lon Jesus Kristə hu.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Dutɛrɔnome 1:31

Yai-Laa ka wɔ Yálái ə ka kpəŋə yɛ bələi nu a non gbəŋə la, bələɠaa kpɔ ka tɛɛ la gəlee hu; ə lɛɛ ɉu ka həli gɛɛnąą ŋɛ̨i ɓa.»

Tɛsalonikə dɔlɔɔ 2:7

Ya pa, kwa pɛli kɛ ku laa ká nwuɔ̨ a tįɛ̨, yɛ bələi Kristə ŋą kɛlaɠaa da gɛ la. Kɛlaa yaamun, ku ká hon a liinɛ̨ɛ̨ gwəi laa, yɛ bələi nɛ̨ɛ̨nu a nonnii pɛlɛ la gəŋəla, yɛ di kɔ̨nɔ̨n gɛ.