Lonon mo 11:11 - Yálá laawoo hɛɓɛ (dc)

¹¹ «Yai-Laa, lə mɛ̨nį ɓa, ə́ kaa mɛ̨nį nwąnąą laai ə́ wɔ tí mun ma? Lə mɛ̨nį ɓa hvó ə́ ɲɛ̨i lɛlɛɛ hee li mą́ą́? Yɛ́ nuą ŋɛ̨i mąą mɛ̨nį diɲɛ laa nwúɔ̨?

Yálá laawoo hɛɓɛ

¹¹ «Yai-Laa, lə mɛ̨nį ɓa, ə́ kaa mɛ̨nį nwąnąą laai ə́ wɔ tí mun ma? Lə mɛ̨nį ɓa hvó ə́ ɲɛ̨i lɛlɛɛ hee li mą́ą́? Yɛ́ nuą ŋɛ̨i mąą mɛ̨nį diɲɛ laa nwúɔ̨?

Bible

¹¹ Nya ƃe Mose è mò Yâwɛɛ ma ǹyɛɛi, “Lé tua ƃé í gɛ̀ ŋí a ńyãai? Ílii ŋwânai mâ lé mɛni ma? Ƃa ǹûai kélee maa mɛni sɛ̂lɛŋ mâ lé mɛni ma?

Lonon mo 11:11 Iomraidhean Croise

Zôo 10:2

Gáá pai kɛi Yálá ɓa: Hvo ɉón yɛ ŋį́ ɉɔ́n gɛ. Hɔn ŋį́ gɛ, nɛ mą́ą́.

Mąątɛ̨nɛ̨ 130:3

Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨?

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Lɛɛ gbɔwɔ ɓa 17:4

Moisə ə nwoo tɛ Yai-Laa ɓa, yɛ mą: «Lə ɓə ŋą́ pɛli gɛi nu kpului ŋɛ̨i mąą mɛ̨nį ɓa? Ɉu hvo pai kwɛai, diɛ pa ɉɔ́ɔ́i a kwɛni, ə gɛ, di báá.»

Lɛɛ gbɔwɔ ɓa 5:22

Moisə ə pənə nwɔ̨nɔ̨, ə nwoo tɛ Yai-Laa ɓa, yɛ mą: «Ną́mu Yálá, lə mɛ̨nį ɓa ə́ mɛ̨nį nwąnąą laa nuąi ŋɛ̨i diɛ? Dɔ́ɔ́ mɛ̨nį nwun maa a lə?

Ɉeremi 15:10

Éékə́ néé! Lə mɔ̨nɔ̨ ɓə ŋɛ̨i ə́ naa mą́ą́i! Yɛ́ li gáái a lon? Ɲą́ą́ ŋɛ̨i ŋą́ą́ kɛ a nui nɔi kəlee a naa hea too, diɛ tɔɔ na; Və́ kwələ həɠə li, və́ kwələ tɔɔ li, Kɛlaa, ə mą kɛ tii, nu kəlee kaa nɛ́ŋɛn naai.

Ɉeremi 15:18

Lə ɓə kɛ yai, nwɔ́ mɔ̨nɔ̨i kpɛɛ hvə kɛ li mą-o? Mą́ą́ pala hali hva kɛ? A tɛ̨ą, yáá kɛ mą́ą́ a nu ɓowo yá nwun gulɔi, nu hva pɛli gilitɔɔi ɲai tii ɓa.

Malasi 3:14

Mɛ̨nįi ka kɛ moi ya ka, káá kɛ mą: «Nu kɛɛ tíi Yálá ɓa kaa lɔ a kpɛli kɛɛ. Dɔnŋąąi ə ɉee, kwaa yiliɠaa hon, ɛlɛɛ, kuɔ mąąwɛli hee ɓo, ə gɛ, Yai-Laa Mɛ̨nį Kəlee ŋą Hééɓomun, ə ɲɛ̨i lɛlɛɛ hee kuɔ. Kɛlaa, tɔlɔ lɔpee ta hvo kulɔ li ɉu, hvo həli kuɔ.

Lonon mo 11:10

Nuą ɲąąkpɔn ŋąąi kɛ di wɔɔ kwəliɠaa hu, diɛ di woolaa di yəi gələ laaləiɠaa ɓa. Di woolaa woo ə too Moisə wəlii. Yai-Laa ə niiɲąnwąną kpɔ kɛnɛ̨, yili ə nwąną Moisə ɓa, yɛ Yai-laa ɓa:

Lonon mo 11:15

Akɛ bələ ɓə ə́ kaa gɛi la a ɲą́ą́, viɛlaɓoɔi ə́ báá. Bələ ɓə gáá bɔ ə́ ə́ ɲɛ̨i lɛlɛɛ hee la mą́ą́, ŋą́ kulɔ mɔ̨nɔ̨i ŋɛ̨i hu.»

Korɛntə veelɛ 11:28

Və́ kpɛli gbəli yiiɠaa ti lonon ni, yələ tɛitɛi liihɛlɛnŋaa, ɛlɛɛ, da Yálá ŋą kpɔnŋaai mąąliihɛlɛn.

Dutɛrɔnome 1:12

Ɲą́ą́ dɔ̨nɔ̨ gbən ŋą́ mɔ̨ɔ̨ pɛli ka wɔ liiholiɠaa mu, ka wɔ mɛ̨nįɓoɠaa da ka lɔwai mɛ̨nįɠaa mu?