Lonon mo 11:10 - Yálá laawoo hɛɓɛ (dc)

¹⁰ Nuą ɲąąkpɔn ŋąąi kɛ di wɔɔ kwəliɠaa hu, diɛ di woolaa di yəi gələ laaləiɠaa ɓa. Di woolaa woo ə too Moisə wəlii. Yai-Laa ə niiɲąnwąną kpɔ kɛnɛ̨, yili ə nwąną Moisə ɓa, yɛ Yai-laa ɓa:

Yálá laawoo hɛɓɛ

¹⁰ Nuą ɲąąkpɔn ŋąąi kɛ di wɔɔ kwəliɠaa hu, diɛ di woolaa di yəi gələ laaləiɠaa ɓa. Di woolaa woo ə too Moisə wəlii. Yai-Laa ə niiɲąnwąną kpɔ kɛnɛ̨, yili ə nwąną Moisə ɓa, yɛ Yai-laa ɓa:

Bible

¹⁰ Mose è ǹûai woo mɛ̀ni, díkɛlee dí ƃò tɔɔ̂ ní dísua kɔlɔ seɣe pɛrɛi-ŋai lá díkpulu ma tɛi-tɛi. Yâwɛɛ líi è ŋwàna kpɔ́ a zu kɛ́tɛ. Mɛnii ŋí è Mose líi sɛ̀lɛŋ.

Lonon mo 11:10 Iomraidhean Croise

Mąątɛ̨nɛ̨ 106:25

Diɛ hvaa di nwun ɉu, di wɔ pɛlɛ́ɠaai mu, di hvo lɛɛ Yai-Laa woo mu.

Mąątɛ̨nɛ̨ 139:21

Yai-Laa! Akɛtii, nuąi da wɛlikpɛɛmąąlaa kulɔ a yɛ́, vá mɔ̨ɔ̨ pɛli wɛlikpɛɛmąąlaa kulɔi a diɛ? Nuąi da kɛ kɔ́ pɛlɛi yɛ́, ŋį́ di hviiɓo?

Mąątɛ̨nɛ̨ 78:21

Yili mɛ̨n Yai-Laa ə mo, ə níiholi kɛnɛ̨, nwɔ̨n ə ɓɛla Ɉakɔbə mɛ̨i, nwɔ liiholi ə muhəɠə Israɛlə pɔ.

Mąątɛ̨nɛ̨ 78:59

Yálá ə bələ mɛ̨n yili ə níiholi, ə lənə Israɛlə ɓa kpɔ a ɉu kwɛa.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Ɉeremi 17:4

Ə́ kaa pai gwələ kəlee kulɔi yɛ tɔ̨nɔ̨, ə́ mąą kwɛaa nɔi ŋį́ dɛɛ ə́ pɔ mą. Gáá pai ə́ lɛɛi ə́ yówóɠaa yee mu, nɔi hvo gɔlɔn ɉu. Mąąhɔlɔɓo, kaa nwɔ́ liiholi nwun, hvo kɛa pai kpɛlai mą.

Lonon mo 11:1

Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Lonon mo 11:11

«Yai-Laa, lə mɛ̨nį ɓa, ə́ kaa mɛ̨nį nwąnąą laai ə́ wɔ tí mun ma? Lə mɛ̨nį ɓa hvó ə́ ɲɛ̨i lɛlɛɛ hee li mą́ą́? Yɛ́ nuą ŋɛ̨i mąą mɛ̨nį diɲɛ laa nwúɔ̨?

Lonon mo 11:9

Yələ ɓɔi lɔwai, ɓɛlɔwai luwuluwu a kɛ pui la, nąąlɔwai ɓə mane ə kɛi pu la.

Lonon mo 12:3

Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Lonon mo 12:9

Yai-Laa nwɔ liiholi ə ɓɛla di mɛ̨i, ə tɛɛ yɛ li.

Lonon mo 16:27

Nuą di həɠə Kore, Datan da Abiramə di wɔ pɛlɛ́ɠaai kwɛlɛ. Datan da Abiramə daa kɛ kulɔ, di ɓo tɔɔni di wɔ pɛlɛ́ɠaai laaləi, da di nɛ̨ąni, di lonnii da di mąnįn ni.

Lonon mo 21:5

Nuą diɛ Yálá da Moisə di laa ɲɔ̨nwɔ̨ɔ̨ ɓo, diɛ kɛ diɛ: «Lə ɓə kɛ yai, ka ku kulɔ Eziptə lɔi hu, kaa pa a kuɔ ɓɛ ku nwun na pili mɛ̨nį ɓa? Kuɔ haa nɔi pun ɉu ɓɛ? Kɔ̨nɔ̨n və lɛɠɛ li ɓɛ, yá hvo lɛɠɛ li ɓɛ? Gɔ̨nɔ̨n mąą laɠiɛ ŋɛ̨i kun aa hee ku hu.»

Markə 10:14

Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.