Lonon mo 10:33 - Yálá laawoo hɛɓɛ (dc)

³³ Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.

Yálá laawoo hɛɓɛ

³³ Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.

Bible

³³ Nya ƃe dí kùla Yâwɛɛ ŋɔyéei mâ, dí sía a fólo saaƃa. Yâwɛɛ ŋɔkpanaŋ-woo-kɛɛi maa gãlai è kɛ̀ dítuɛ gɛ́ díƃûui pûi kɔ̀ri.

Lonon mo 10:33 Iomraidhean Croise

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Lɛɛ gbɔwɔ ɓa 19:3

Moisə nwɛi, ə tɛ, Yálá pɔ pələ da yaa di di kee kaa. Yai-Laa ə lɛɛ ɲee hu, ə Moisə təli, yɛ mą: «Mɛ̨nįɠaai ŋɛ̨i hukulɔ Ɉakɔbə yəi bɛlɛ́n nuą diɛ, ə́ díɓoi ŋɛ̨i laa həli Israɛlə lonnii diɛ, yɛ́ diɛ:

Lɛɛ gbɔwɔ ɓa 3:1

Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 28:12

Ə gbɛa mo diɛ, yɛ diɛ: Hviitɔɔ lɔwai aa həli, nui viikpɛɛ, ka nɛɛ laa ə vįitɔɔ, kɛɛnąą ɲąąlaɠiɛ ka.» Kɛlaa di hvo gɛ di hvo di wəli tɔɔ nwoo ɓa.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Ɉeremi 3:16

Yai-Laa yɛ diɛ: 'Ka pa, əgɛ, ka ɓuwu ə ɓo nɔi; nąąlɔwai di hva kɛa kɛ diɛ: Yai-Laa nwɔ mįnɛ̨ kon nwɔɔ? Gili hvo kɛa pai kɛi nu ta ŋą, di hvo kɛa pai mąą mɛ̨nį ta ɓoi, di hvo pai gbaɠala kaai diɛ kɛ hvo laa, dakpɛli pɛli kili hva too di gwəi.

Ɉeremi 31:2

Mɛ̨nįi Yai-Laa kaa moi, ya ka, yɛ diɛ: Nuąi tii kulɔ mowa kwɛaa yəi nɔi pun ɉu, ŋą́ ɲɛ̨́i lɛlɛɛ hee diɛ. Israɛlə lɔi pu hiɛ ka tii nįnɛ̨ kɔ́lɔi.

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Izikiɛ 20:6

Mąą yələi tii, ŋą́ gwɛ́la diɛ, ɲéé tɛɛ yələi, gɛ́ diɛ gáá di kulɔi Eziptə lɔi hu. Gɛ́ li a diɛ, nɔi tii ŋą́ ɉu mąąkpɛɛ a ka wɔɔ, ɉu. Ɓɛi hɛn gəlee a lɛlɛ laa nɔi. Nɛlɛ yee tɛɛi lɔi kəlee ɓa.

Lonon mo 10:12

Israɛlə lonnii di həɠə Sinai nɔi pun ɉu, diɛ li. Paran nɔi pun ɉu ɓə dulɔ kpinįn ə tɔɔ laa.

Dutɛrɔnome 1:33

A yai tii kɛ ka tɔwɔ bələ pɔ, yɛ ka hviitɔɔi kwɛli. Ə kɛ nwɔ̨n nən ɉu kwiihɛ̨ą, bələi ka kɛi hiɛ ɉu, yɛ ɉu pɔ̨nɔ̨ ka tɔwɔ. Hvóló ŋą, a kɛ tulɔ kpinįn ɉu.

Dutɛrɔnome 31:26

«Gəhi lon tii Yai-Laa ka wɔ Yálá nwɔ mįnɛ̨ kwɛni ɓɛlaɠaa kaa laani ɉui, ka dɔ́n ɉɛɓɛ́ həɠə ka naa gwɛlɛ. Yili ɓə pai kɛi a kɛla.

Dutɛrɔnome 9:9

Ɓɛlɔwai ŋą tɛ la gwɛni ɓɛlaɠaa həɠəi ɲee nwuɔ̨, a gwɛni ɓɛlaɠaa tii mįnɛ̨i Yai-Laa ə naa gwa diɛni gu lɔwai, ɉu wooɠaa pɛ̨ɛ̨ kɛ mɛ̨i. Ŋą́ hvóló pow nąąn kpinį pow nąąn gɛ ɲee nwuɔ̨, və́ kɔ̨nɔ̨n mįi, və́ yá kpələ.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»

Nwun mąąɓo 20:27

Di pənə di Yai-Laa mąąni kɛ, mąąhɔlɔɓo, Betɛlə ɓə Yálá nwɔ mįnɛ̨ kəhi ə kɛ laa,

Samuɛlə dɔlɔɔ 4:3

Nuą di pənə də li di pulu, Israɛlə kalanɉonŋaa diɛ kɛ diɛ: «Lə ɓə kɛ yaai, Yai-Laa ə ku lɛɛ laa, Filisti nuą yee yɛ tɛɛ kuɔ? Ka gwə li gu Yai-Laa nwɔ mįnɛ̨ kəhii həɠə Silo, ə kɛ gu lɔwai, a kɛ tii, a gu kulɔ gu yowowɠaa yəi.»