Lonon mo 1:53 - Yálá laawoo hɛɓɛ (dc)

⁵³ Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Yálá laawoo hɛɓɛ

⁵³ Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Bible

⁵³ Kɛ́lɛ Livai-ŋai nɔ́ ƃa pɔ̂ri díƃûui tînanii zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Lonon mo 1:53 Iomraidhean Croise

Kɔlɔnikɔ Maa-ŋuŋ 23:32

Diɛ ɓəgee kaa kələ mąą mɛ̨nį hɛlɛn ŋąą kɛ diɛ, diɛ ɲɛ̨i kulɔ, ə pɛlɛ la di kaayɔwɔɠaai kɛ a Aarɔn lonnii da kólo kɛ Yai-Laa nwɔ pɛlɛ́i mu, di mąą mɛ̨nį, da ɉɛnŋąąi naakwɛlanmoɔ Yálá ɓa.

Kɔlɔnikɔ Veerɛi 13:10

Ku wɛi, Yai-Laa ɓə a ku wɔɔ Yálá, ɛlɛɛ, ku hvo həɠə li bulu. Ɉaláá laa həlinuąi da kɛ tíi Yai-Laa ɓa diɛ ɓaa a Aarɔn lonnii da lévi lonnii, di kaa di kɛ koló ɓa.

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Ɉeremi 23:15

Yili mąą mɛ̨nį ɓa, yii Yai-Laa Mɛ̨nį Kəlee ŋą Hééɓomun kaa moi, Yálá kwəi mɛ̨nį hukulɔ nuą tii mąą mɛ̨nį hu, ya ka, yɛ diɛ: «Gáá pai di paa hali tɔɔi di la, gaa a pili mąą ya, gáá pai dɛɛi di pɔ di gbələ. Mąąhɔlɔɓo, Yálá kwəi mɛ̨nį hukulɔ nuąi Ɉerusalɛmə daai, diɛ ɓə nɔi kala mɛ̨nį aa həɠə di pɔ pələ, yɛ hiɛ nɔi nąą kəlee.»

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Levetekɔ 10:6

Moisə yɛ Aarɔn da nonnii hinąą hveelɛi, Eleazarə da Itamarə diɛ: «Ka hvə ka nwuɔ̨ kɛ yɔhɔ-yɔhɔ, ka hvo ka mąąhəɠə huɓɛla; ə gɛ ka hvo pa haa, Yai-Laa hvo pa niiɲąnwąną nɔi nuą kəlee diɛ. Ka nɛ̨ɛ̨ laa ka kaayɔwɔɠaa Israɛlə nuą kəlee di nuąi Yai-Laa ə di paa a nwɔ̨n, di haa wɔlɔ ɓo.

Lonon mo 1:50

Gee kaa kələ mąą mɛ̨nį lɛɛ Levi lonnii nwuɔ̨, da mu hɛnŋąą diɛ ɓə mąąnɛ̨ɛ̨ diɛ gbəŋəi, da mu hɛnŋąą kəlee, diɛ kóló kɛ mu; ɛlɛɛ, di di wɔɔ həɠə pɛlɛ́ɠaa tɔɔ gwɛlɛ, di mąątínɛ̨n na.

Lonon mo 1:54

Yili ɓə Israɛlə lonnii di gɛ yɛ bələi kpɔlɔ Yai-Laa ə Moisə tí la.

Lonon mo 16:9

Ka həɠəi ŋɛ̨i Yai-Laa ə mo Israɛlə lonnii lɔwai, yɛ hvaa mą kaa lɛɠɛ mą, kaa Yai-Laa nwɔ pɛ́lɛ́i mu kólóɠaa kɛ nɔi nuą kəlee mąą mɛ̨nį ɓa, yili hvo ka kulɔ li?

Lonon mo 17:7

Kɛlaa, ɓɛlɔwai nuą ɲąąkpɔn ŋąąi kɛ la, Moisə da Aarɔn diɛ di di ɲɛ̨i heei gee kaa kələ mɛ̨i, Yai-Laa nwɔɔ mąąwiɛ ə gbɔwɔ lɛ diɛ.

Lonon mo 2:17

«Yili pulu kɛa, Levi lonnii diɛ kɛa li a gee kaa kələ, diɛi tii ka kɛ muwu hąmąi. Da kɛ lii a di yɛli, ɓɛi ka kɛi muwu pɛlɛ laa, nu kəlee a lɛɛ ɉuwu pulu, nu huwu dɛitɛi kəlee da ɉeei.

Lonon mo 3:23

Gɛrsɔn yəi gwəlii nuą di di wɔ buwui pu gee kaa kələ pulu pələ, voló tooi pələ.

Lonon mo 3:29

Kehatə yəi bɛlɛ́n nuą di wɔɔ ɓuwui ə kɛ gee kaa kələ kwɛlɛ ɉɛɠɛɛ pələ.

Lonon mo 3:35

Merari yəi bɛlɛ́n, da ɲəi gwəlii nwun nąmu ɓaa Avihailə lon Suriɛlə di wɔ ɓuwui ə kɛ gee kaa kələ kwɛlɛ ɲələi pələ.

Lonon mo 3:38

Nuąi kɛ heeni gee kaa kələ voló həɠəi pələ, diɛ ɓaa kɛ a Moisə da Aarɔn lonnii, diɛ ɓə kɛi ɉaláá mɛ̨nįɠaa ɲɛ̨i kulɔ, Israɛlə lonnii kəlee mąą mɛ̨nį ɓa. Nui hvo kɛ a di ta, a lɛɠɛ laa da baa.

Lonon mo 31:30

Israɛlə nu kpɔn nwɛi, ə kɛ a nu kan, ə kɛ a nįŋɛ̨, ə kɛ a hoohvaalən, ə kɛ a taatɛlɛɛ pɛlɛɛ, ə kɛ a taatɛlɛɛ lɔpee, yá pow lɔɔli lonon, dɔ̨nɔ̨ həɠə ɉu, ə́ di tɛɛ Levi lonnii pɔ, diɛi tii da kɛ Yai-Laa nwɔ pɛlɛ́i mąą kóló kɛi.»

Lonon mo 31:47

Moisə ə nu pow lɔɔli ɲɔ̨nwɔ̨mąn ɉəɠə Israɛlə huwu tɛitɛi lɔwai, ə mą kɛ di wɔ taatɛlɛɛɠaa lɔwai, ə di tɛɛ Levi lonnii pɔ diɛi tii da kɛ kóló kɛi Yai-Laa nwɔ pɛlɛ́i mu; yɛ bələi Yai-Laa ə dí la.

Lonon mo 8:19

Gɛ́ di tɛɛ Aarɔn da nonnii di pɔ Israɛlə lonnii lɔwai, Levi lonnii kaa di yee kɔ́nma, diɛ Israɛlə lonnii di wɔ haláá laa həli gee kaa kələ mu, diɛ nɛ̨ŋɛ̨n mąąhvaalɛɛ kóló kɛ diɛ, a kɛ tii, ɲɔ̨n ɲɔ̨nwɔ̨ɔ̨ hva kɛa pɛlɛ Israɛlə lonnii diɛ, a kɛ da lɛɠɛ gɛɛnąą mąąhəɠɛɛ ɓa.»

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Samuɛlə dɔlɔɔ 6:19

Bɛtə-Sɛmɛsə nuą lɔwai, Yekonia lonnii di hvo gɛ di hvo di kwəinɛ̨ɛ̨ ɓɛlɔwai di Yai-Laa nwɔ kəhii kaa la. Yili ɓə gɛ, Yai-Laa ə nu pow mɛ̨ihveelɛ paa di lɔwai. Nuąi lɛɛ a di hvulú, di wɔlɔ, mąąhɔlɔɓo, Yai-Laa aa kɛ mɔ̨nɔ̨ kɛnɛ̨ laa di mɛ̨i.