Lonon mo 1:16 - Yálá laawoo hɛɓɛ (dc)

¹⁶ Diɛ ɓə kɛ a nu huwuɠaa tii ɲɛ̨ikɔw nonon mo mɛ̨nį hu, di kɛ nu waa tɛitɛi nwun na Israɛlə lonnii lɔwai.

Yálá laawoo hɛɓɛ

¹⁶ Diɛ ɓə kɛ a nu huwuɠaa tii ɲɛ̨ikɔw nonon mo mɛ̨nį hu, di kɛ nu waa tɛitɛi nwun na Israɛlə lonnii lɔwai.

Bible

¹⁶ Ǹûai ká ŋí dí dílɛ̀, nyii-ŋai kɛ̀ a dísuu-ŋai túɛ-ƃela da dínâŋ-ni dípɛrɛ-ŋai mɛi-ƃelai.

Lonon mo 1:16 Iomraidhean Croise

Lɛɛ gbɔwɔ ɓa 18:21

Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Lɛɛ gbɔwɔ ɓa 18:25

Moisə ə nuą həɠə Israɛlə lonnii kəlee lɔwai a nu ɓɛlɛmąąɠaa, ə di hee nuą nwun na, nu waa tɛitɛi nwun na, nu nwun dɛitɛi nwun na, nu pow lɔɔli lɔɔli nwun na, da nu pow pow nwun na.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Lonon mo 1:15

Nɛftali yəi bɛlɛ́n, Einan lon Ahira.»

Lonon mo 1:17

Moisə da Aarɔn di nuą tii həɠə, di di kɛ a di kwɛlɛ nuą, yɛ bələi di mo la diɛ.

Lonon mo 1:4

Nu tɛitɛi həɠə nu huwu kəlee lɔwai diɛ ɓo a pɛlɛ́ nąmįną di hvilɛn ka pɔ.

Lonon mo 10:4

Akɛ dɔ̨nɔ̨ lɔ ɓə di vɛɛ, yili a kɛ a ɲɛ̨itɔwɔ nuą da gɔ́laɠa nwun nąmįnąi di kaa Israɛlə nuą lɔwai, di təli túlú diɛ di ɲąąkpɔn na ə́ lííla.

Lonon mo 11:17

Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Lonon mo 16:2

Di tɔɔ Moisə la, da Israɛlə lonnii nwun veelɛ yee lɔɔli. Di kɛ a nu kpɔn ɲɛ̨itɔwɔ nuą, a laa nąmįną.

Lonon mo 26:9

Eliavə lonnii ka: Nemuɛlə, Datan da Abiramə. Datan da Abiramə tii di kɛ a nu kpɛa-kpɛa nuą lɔwai. Diɛ ka tii di muhəɠə Moisə da Aarɔn di laa ɓa, da Kore nwɔ nuą ɓə kɛ di tɔɔ, ɓɛlɔwai di tɔɔ la Yai-Laa la.

Lonon mo 30:1

Mɛ̨nįɠaai kpɔ Yai-Laa ə Moisə tí la, ə gəlee laa həli Israɛlə lonnii diɛ:

Lonon mo 7:2

Israɛlə kalanɉonŋąą diɛi kɛ ɉuwuɠaa nwun na di tɛi tɛi di pa a di wɔ mɛ̨inɛ̨ɛ̨ɠaa. Diɛi tii kɛ nuą lonon mɛ̨nį nwun na.

Dutɛrɔnome 1:15

Yili ɓa, ka ɲɛ̨itɔwɔ nuą lɔwai, ŋį́ mɛ̨nį kɔ́lɔn nuą, da mɛ̨nį hu kpɛ nuą həɠə ɉu a kɔlaɠa nwun nąmįną; ŋį́ daɠaa hee nu waa tɛi tɛi nwun na, nu nwun dɛi tɛi nwun na, nu pow lɔɔli lɔɔli nwun na; Da nu pow pow nwun na; da hɛɓɛ́ kɛ nuą yɛ bələi ka huwu hee pələ kaa la.

Nwun mąąɓo 6:15

Zedeɔn yɛ Yai-Laa ɓa: «Ee Nwɔ́ mɛ̨nį Nąmu! Ŋą́ pɛli Israɛlə nwun mąąɓoi ləi? Manase nu huwu lɔwai, ku wɔ pɛ́lɛ́i ɓə mąąwɛliɛ, ɛlɛɛ, ɲą́ą́ ɓə ku yəi bɛlɛ́n a nokolo.»

Samuɛlə dɔlɔɔ 22:7

Saulə yɛ nwɔ tínuą tii kɛ gwɛlɛ tɔɔni diɛ: «Ə həli kaa Bɛnɉamɛn lonnii! Akɛti, Ɉɛse lon gaa mɔ̨ɔ̨ pai tíi kɛi da viɲə yɛɛɠaa tɛɛi ka kəlee ka pɔ? Gaa mɔ̨ɔ̨ pai ka kɛi a kɔ́kulááɠaa kɔlaɠa pɛlɛɛ da gbɛa-kpɛaaɠaa nwun na? Kpaa-oo!

Samuɛlə dɔlɔɔ 23:23

'Ka ká ɲɛ̨ilaa, gɛɛnąąɠaai kpɔ a kɛ nooi laa, ka nąąɠaa kaa, ka kɛ a nąą kəlee kɔ́lɔn ŋąą, ka pa ka mo mą́ą́. Nąąlɔwai, gwa gaani gwa li, a kɛ nɔi hu, ŋą́ hvilɛn Ɉuda lɔi nąą kəlee ŋą́ gaa.»