Lomaŋ 9:3 - Yálá laawoo hɛɓɛ (dc)

³ A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Yálá laawoo hɛɓɛ

³ A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Bible

³ Kpɛ́ni fêi, eêi pɔ̂ri kɛ̂i a sɛŋ a gɛ́ɛ ńyãa kpîŋ dí tɔ̂ŋ pu mâ dí ŋ́gula Kôrai ma ŋánûai díƃalo-laai mɛni ma, nyíi-ŋai díkaa a ŋásii.

Lomaŋ 9:3 Iomraidhean Croise

Zɛnɛse 29:14

Laban yɛ Ɉakɔbə ɓa: «Ə́ kaa a ɉúwu ta, gu ɲąmą kaa tɔ̨nɔ̨.» Ɉakɔbə ə ɲąnin dɔ̨nɔ̨ kɛ Laban yəi bɛlɛ́n.

Lɛɛ gbɔwɔ ɓa 32:32

Kɛlaa, akɛ yá hvaa mą, ə́ di wɔ nɛ̨ŋɛ̨ŋąą mąą hvaalɛɛ, a wala kɛ ti, ɉɛɓɛ́i ŋɛ̨i Ə́ náá pɛ̨ɛ̨ ɉu nwaa.»

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Gɛlaɠaa 22:5

Galanɉonŋaa da di wɔ ɉaláá laa həli mun gɛnɛ̨ɛ̨, da pɛli di yili dɛ̨ą ɓo. Diɛi ti ɓə hɛɓɛ́ tɛɛ bɔ́, diɛ ŋą́ li Damasə, ku nąn nonnii di kaa laa, ŋą́ di yili ŋį́ pa a diɛ Ɉerusalɛmə, di hutɔɔ mɛ̨nį ɓa.»

Gɛlaɠaa 28:21

Diɛ mą: «Ku wɛi, ku hvo hɛɓɛ́i lɔpee ta hɔlɔɓo li, yɛ həɠə Ɉude, ə́ mąą mɛ̨nį ɓa; ɛlɛɛ nwɔ̨nɔ̨, gu nąn nonnii ta lɔpee hvo ə́ mąą mɛ̨nį ta ɓo li kuɔ, di hvo nwɔ̨nɔ̨ ə́ mąą mɛ̨nį ɲɔ̨nwɔ̨ɔ̨ ta hukulɔ li kuɔ.

Lomaŋ 1:3

Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Lomaŋ 11:1

Gɛ́ mą: Akɛti Yálá aa lənə mɔ̨ɔ̨ nwɔ nuąi diɛ? Kpaa-o! Hvo lənə li diɛ. Mąąhɔlɔɓo, ɲą́ą́ kpinįlee gaa a Israɛlə mun da Abrahamə huwu hu mun, ŋą́ kulɔ Bɛnɉamɛn yəi bɛlɛ́n.

Lomaŋ 11:14

əgɛ, akɛ a pɛli kɛi, ŋą́ tolo lɔ ɉuwu hu, ə gɛ, dɛi-tɛiɠaa nwun mąą yɛ pɛli ɓoi.

Lomaŋ 16:11

Ŋą́ nąn non Herodiɔn tuwɔ ɓo. Ŋą́ Narsisə da ɲəi bɛlɛ́n nuąi gu Nąmu hu di túwɔ́ɓo.

Lomaŋ 16:21

Timote yai kwa yaa ku kaa kólo kɛi gee ɓa, yɛ ka tuwɔ ɓo, ə mą kɛ Lusiusə, Ɉasɔn, da Sosipatrɔsə diɛi di kaa a ŋą́ nuą, diɛ kpɛli diɛ ka túwɔ́ɓo.

Lomaŋ 16:7

Ŋą́ Andronikusə da nɛ̨ą Ɉuniasə di tuwɔ ɓo, diɛi di kaa a nwɔ nuą, kwa diɛni ku kaa gaho tɔ̨nɔ̨ ŋą. Di gbɛa kɛ a Kristə nwɔ kɛlaɠaa dɔ́wɔ́.

Lomaŋ 9:2

Níi kələn ŋąąi gwə́i, ɛlɛɛ, níí holuɛ lɔ a yələ kəlee.

Korɛntə dɔlɔɔ 12:3

Yili ɓa, gáá moi káá; nu ta a kɛli pələ ɓo Yálá ŋą Kilii yee kɔnma, hva pɛli kɛi diɛ, «Jesus nɛ̨ŋɛ̨n naai», nu ta yaan hva pɛli kɛi diɛ: «Jesus kaa a Nąmu», akɛ Kili-Mąąhəɠɛɛ hvə dɔɔ li la.

Korɛntə dɔlɔɔ 16:22

Nui gu Ną́mu wɛli hvo mą, mąą nu nɛ̨ŋɛ̨n naa ɓə. Maranata! (Mukulaa ɓaa: Ną́mu, pa!)

Korɛntə veelɛ 12:15

Ɲą́ą́ nwɛ́i, ŋą́ pɛli mą ŋą́ gbɔ́wɔ́ kwɛlɛ, ɛlɛɛ, gáá pai gbɔ́wɔ́ kwɛlɛi kpɔ tɛ̨ɛ̨tɛ̨ɛ̨? Ká mąą mɛ̨nį ɓa. Ŋą́ kɛli ká wɛlilakɛ tii, yili hva mɔ̨ɔ̨ nwɛ́li too kaa?

Galatə 1:8

Kɛlaa, ə kɛ a nui lɔpee, ə mą kɛ a ku ta, a wala kɛti, yələkɔlɔn ɉu malaka ta ɓə, a pa ə nwɛlɛɛ lɛlɛɛ takpɛli laa həli káá, ə kulɔ yii ku naa həli káá bulu, nɛ̨ŋɛ̨n ə laa.

Galatə 1:9

Kwaa gbɛa mo káá, gáá nwɔ̨nɔ̨ pənəi ŋį́ mo yiihu, gɛ́ káá: Akɛ nu ta a wɛlɛɛ takpɛli laa həli káá, ə kulɔ yii ká ɉɔlɔɓo bulu, nɛ̨ŋɛ̨n ə laa.

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ifisiɛŋ 6:5

Luwɔɠaa, ká nąmįnąi di kaa ɓɛ lɔi mɛ̨i, 'ká lɛɛ ká woo mu a ɲɔwmąąlaa da mąąkpɛlin, a ká kwəi kwɛlɛɛ, yɛ ká kɛli gɛ Kristə ɓa;

Dutɛrɔnome 21:23

Mąą hvo nɛ̨ɛ̨li bowa hvo yii hɛlɛn ni nwulu ɓa; da bowa loo a mąą yələ. Mąąhɔlɔɓo, nui da ɉɛlɛn wulu ɓa, nɛ̨ŋɛ̨n naa ɓə Yálá ə mo; mąą hvo nɛ̨ɛ̨li, hvo ka wɔ lɔi kɔ́hɔ ɓo, yaai Yai-Laa ka wɔ Yálái ə dɛɛ ka pɔ a ka hɔlɔɓo lɔi.

Samuɛlə dɔlɔɔ 14:24

Israɛlə nuą di mɔ̨nɔ̨ mįi a mąą yələ, mąąhɔlɔɓo, Saulə ə nuą kpaan a nwoo ŋɛ̨i, yɛ diɛ: «Nui lɔpee a kɔ̨nɔ̨n gɔwɔn ə lɛɛ la ɉu yələ ə wulu, Yai-Laa ə mąą nu nɛ̨ŋɛ̨n naa, hvo kɛ li ŋą́ gbɛa nwą́ną kulɔ ɲɔ́woɠaa diɛ. Nui lɔpee ta hvo lɛɠɛ kɔ̨nɔ̨n ma.»

Samuɛlə dɔlɔɔ 14:44

Saulə yɛ Ɉonatan ɓa: «Ɉonatan, ya wala haa Yálá ə mɛ̨nį nwąnąą kɛnɛ̨ laa mą́ą́.»