Lomaŋ 9:16 - Yálá laawoo hɛɓɛ (dc)

¹⁶ Yili hva kulɔ nu liiɓa da nwɔ huwalawalaa hu, kɛlaa, Yálá nwɔ ŋɛ̨imąąwɛli kaa ɓə a kulɔ ɉu.

Yálá laawoo hɛɓɛ

¹⁶ Yili hva kulɔ nu liiɓa da nwɔ huwalawalaa hu, kɛlaa, Yálá nwɔ ŋɛ̨imąąwɛli kaa ɓə a kulɔ ɉu.

Bible

¹⁶ Mɛni ma ve a núu-kpune nia-mɛni da ŋɔtíi a gɛ́ɛ Ɣâla é ǹɛ́ mɛni ma, kɛ́lɛ, gáa a Ɣâla ŋɔmaloŋ-kaai.

Lomaŋ 9:16 Iomraidhean Croise

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Azaya 65:1

Ŋą́ą́ gbɔ́wɔ lɛɛ laa, nuąi di hvo kɛi di nwun dɔɔ a ɲą́ą́, diɛ gwɛ́li, ŋą́ą́ gbɔ́wɔ lɛɛ laa, nuąi di hvo kɛi gwɛ́li, diɛ gáá. Nu huwui hvo kɛi tí, hvo nwoo tɛ náá pɔ pələ, ŋį́ kɛ mą: «Ɲą́ą́ ga, ɲą́ą́ ga.»

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Maafîu 4:8

Nąnį ə ɉəɠə laa ə li la nwɔ̨nɔ̨ yee kɛnɛ̨ ta tona; ə yɛnɛ̨ɛ̨ tɔɔlaaɠaa kəlee da ɉu mąąwiɛ lɛ mą.

Lukə 10:21

Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Ɉaan 3:8

Hvaŋą a kɛ tɛɛi ɓɛi gaa bɔ, yɛ́ din mɛ̨n, kɛlaa, ɓɛi ə həɠə laa, da ɓɛi gaa lii laa, hvə nąą kɔ́lɔn; pələ kpɔlɔ ɓə a kɛ la a Yálá nwɔ Kilii nwɔ nu hɔlɔɓo mɛ̨nį.»

Lomaŋ 9:11

Bələi mąn tii, nɛapɛlɛɛ di hvo ni kɛ hɔlɔɓo li la, gu hvomun kɛ, mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔɉu kɔlɔn mɛ̨nį di yəi; əgɛ, Yálá wooi ə gwɛlɛ ə lɛɛ dɔwɔ ɓa, yɛ bələi yaa kpinįi ə naala gwəi,

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Ifisiɛŋ 2:8

Mąąhɔlɔɓo, ká ɓaloɔi laa na laa háálai, a mɛ̨inɛ̨ɛ̨, ká hvo kɛ mɛ̨nį ta kɛ li ɉu, Yálá yəi mɛ̨inɛ̨ɛ̨ li.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.