Lomaŋ 7:4 - Yálá laawoo hɛɓɛ (dc)

⁴ Káá kpɛli mąn, ną́n nonnii, káá haa tɔ́n ma Kristə kpįnį hu, ə gɛ, ka kɛ a nu takpɛli nwɔɔ, a yai kulɔ haa yəi, əgɛ, guɔ pɛli ɓái, gu ɓá yɛ kɛ a Yálá nwɔɔ.

Yálá laawoo hɛɓɛ

⁴ Káá kpɛli mąn, ną́n nonnii, káá haa tɔ́n ma Kristə kpįnį hu, ə gɛ, ka kɛ a nu takpɛli nwɔɔ, a yai kulɔ haa yəi, əgɛ, guɔ pɛli ɓái, gu ɓá yɛ kɛ a Yálá nwɔɔ.

Bible

⁴ Ŋánûa, ka kpera káɣeniɛi kɛ́ɛ ma dɔ̂ŋ mɛni ma a berei tɔnɔi ti Kôrai kponoi sârai, a gɛ́ɛ ká kɛ́ a núu da kpɛni pɔ́ɔ, nyíi Ɣâla e mu siɣe saa yêei, a gɛ́ɛ ku ƃá Ɣâla mɛni ma.

Lomaŋ 7:4 Iomraidhean Croise

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Azaya 62:5

A tɛ̨ą, yɛ bələi hulɔnon a nwɔ nɛ̨ɛ̨gbɛlai hɔlɔɓo la a nɛ̨ą, ə́ lonnii kaa pai ə́ hɔlɔɓoi lɔ tii, ɛlɛɛ, bələi kpɔlɔ, wɛli nɛ̨ɛ̨nu kaa la a nwɔ wɛli nwɔ kwəinɛ̨ɛ̨, bələ kpɔlɔ ɓə ə́ wɔ Yálái kwəi kaa pai nɛ̨ɛ̨i la ə́ mąą mɛ̨nį hu.

Maafîu 26:26

Ɓɛlɔwai di kɛi di kɔ̨nɔ̨n mį́į́ la, Jesus ə nɛɠɛ həɠə gbɛɛ kɛa a Yála hɛɠɛɛɓoɔ, ə ɉu tee-tee, ə ɲą́ą́ kwɛlɛ nwɔ kalan nɛai diɛ, yɛ diɛ: «Ka nɛɠɛi ŋɛ̨i hon kaa mįi. Ɲą́ą́ gɔ́lɔ li.»

Markə 4:20

Nu taɠaa da di yee hee nwoo tii mu yɛ pələi nɔi lɛlɛɛ kaa la. Da gbaɠala kaa. Daɠaa di ɓa yɛ ɓo: pow haaɓa, daɠaa pow mɛ̨ida, daɠaa nwun dɔ̨nɔ̨.»

Ɉaan 15:8

Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Lomaŋ 6:11

Kaa kpɛli mɛ̨n, ka ka kpɔɔ kaa yɛ ka haa nɛ̨ŋɛ̨n ma, ka yɛnɛ̨ɛ̨ kɛ Yálá ɓa Jesus Kristə laa hu.

Lomaŋ 6:14

Mąą hvo nɛɛ li nɛ̨ŋɛ̨n və tɔɔlaa kɛ kɛa ka mɛ̨i, mąąhɔlɔɓo, ka hvo kɛa tɔ́n mu, kɛlɛɛ, ka káá kɛa mɛ̨inɛ̨ɛ̨ mu.

Lomaŋ 6:2

Gɛ́ diɛ: Kpaa! Akɛ gwaa haa nɛ̨ŋɛ̨n ma, gwa pɛli nwɔ̨nɔ̨ yɛnɛ̨ɛ̨ kɛ pələ kɛi ləi nɛ̨ŋɛ̨n Ɉu?

Lomaŋ 6:22

Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Lomaŋ 7:3

Yili ɓa, ɉilɛ a kɛ ni heeni, a li hulɔnu takpɛli pɔ, a kɛ a wɛlikɛnɛ̨ɛ̨nu. Kɛlaa, ɉilɛ a haa, a lɛɛ gbɔwɔ ɓa, tɔn və mą, ə mą kɛa hee hulɔnu takpɛli pɔ, di hva kɛa kɛ mą, wɛlikɛnɛ̨ɛ̨nu.

Lomaŋ 7:6

Kɛlaa yiihu kɛa, gwaa kulɔ dɔ́n mu. Mąąhɔlɔɓo, hɛn kɛi gu kɛ a haa ŋą hon, gwaa haa, gwaa kulɔ mu. Gwa pɛli kɛa gu gu wɔ yɛnɛ̨ɛ̨ pu nįnɛ̨ kɔlɔi, a tíi gwa mo Yálá ɓa, Kili-Mąąhəɠɛɛ hu, kɛlaa, hva kɛ kɛa yɛ dɔ́n nwooi a kala.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Korɛntə dɔlɔɔ 10:16

Núwɔ́ kpələ kɔwɔi gwa kɛ lúwɔ́ kɛi mą, hvo mɔ̨ɔ̨ gu tɔɔi kɛ tanɔ̨n Kristə ɲąmą hu? Nɛɠɛ gwa kɛ ɲąąkwɛlɛi gu gee lɔwai, yai a Kristə kɔlɔ, hva mɔ̨ɔ̨ gu yee lɔ gii hu gwa diɛ ni?

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Galatə 5:18

Kɛlɛɛ akɛ ká ká kpɔwɔ lɛɛ Kili yee kɔnma, ká hvo kɛa dɔ́n ɲee mu.

Ifisiɛŋ 2:15

Kristə aa dɔn nwoo həɠə mą, da ɉu tíɓoɠaa ə mą kɛ, mąą tɔnŋaa; bələ ɓə ə paa la a liilaa, Ɉuifəɠaa da nuąi di hvo kɛ Yálá kɔlɔn di pɔ, a di kɛi ə mo a nu tanɔ̨n, a nu nįnɛ̨, gbinį lee hu.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Filipə 4:17

Və́ moi ti gɛ́ kɛ nwɔ̨nɔ̨ ká hɛn da tɛɛ bɔ́, yii gáá bɔ ya ɓaa: ka kɛnɛ̨ Yálá mɛ̨nį hu.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Kolosə 1:22

Ya ka kɛa yiihu, Yálá aa ká diɛni ká yee lɔ gee hu, a non gulɔi ə mo a hálaa, ɉáálai; káá pɛli kɛi la a nu mąąhəɠɛɛɠaa ɲɛ̨i mu, ká mąąkulɔi hva kɛ káá, hɛn da hva pɛli kɔ́ pɛlɛi káá.

Kolosə 1:6

yai pa ə həli káá; bələi lɔ gaa kɛ mɛ̨nį kɛi la, ɉu yɛ kɛnɛ̨, yɛnɛ̨ɛ̨ nąą kɔlɔ kəlee, bələ lɔ ɓə a gɛ la ká lɔwai, ə həɠə ɲələ ká ká yee hee la mu, ká gɔlɔn ŋą tɛ̨ąi hu, a Yálá ŋą mɛ̨inɛ̨ɛ̨,

Kolosə 2:14

mɛ̨nįɠaa kpɔ dɔ́n nwoo ə kɛi gu kalamąɓo la, yɛ giti kala guɔ, ə yili kəlee lɛɛ guɔ a kpɛli; aa nwaa kpɔ laa hva-hva, ə gbanwo kolɔwa ɓa.

Kolosə 2:20

Yii kɛa ká Kristə ni kaa haa, ɛlɛɛ, káá kulɔ yɛnɛ̨ɛ̨ hɛnŋaa yəi. Lə mɛ̨nį ɓa, ká dɔn bɔ yíiɓo, yɛ ká kɛ ni, a ká hɛlɛnŋąą yɛnɛ̨ɛ̨ ɓa?

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

M̀ɛni-lɛɛi 19:7

'Ká gu kwəinɛ̨ɛ̨ kulɔ, gu pili yələi a ɓələn, gu mąąwiɛ laa tɛɛ bɔ, gbala ə tɔɔ, mɛlaa Lon nwɔ hvúlúlɔ yələ aa ɉəli; ŋą nɛ̨ɛ̨nui aa ɉuyili,

M̀ɛni-lɛɛi 21:9

Ya ɓə malaka mɛ̨ihveelɛi tii mɛ̨nį ɲąąnwąnąą kpələ-kɔ́wɔ mɛ̨ihveelɛ kpɛli ə kɛ di yəi, dɔ̨nɔ̨ ə pa, yɛ mą́ą́: «'Pá, ŋą́ mɛlaa Lon ŋą wɛlii, yai a nɛ̨ą, ŋą́ nɛ yɛ́!»