Lomaŋ 7:24 - Yálá laawoo hɛɓɛ (dc)

²⁴ Ee kə! Kpalo aa gáá-e! Gbɛɛ ɓə pai gúloi ɉaa kɔ́lɔi ŋɛ̨i hu?

Yálá laawoo hɛɓɛ

²⁴ Ee kə! Kpalo aa gáá-e! Gbɛɛ ɓə pai gúloi ɉaa kɔ́lɔi ŋɛ̨i hu?

Bible

²⁴ Ŋ́gaa kpɔ́ a núu nyɔ́mɔɔ! Gbɛ̂ɛ ƃe pâi ŋ́gulâi ŋ́gbonôi ŋɔsaai yêei?

Lomaŋ 7:24 Iomraidhean Croise

Tɔɔɓɛlaa dɔlɔɔ 8:38

Vɛli ɓo nwun ə kɛ a mɛ̨nįi lɔpee, ə kɛ a mɛ̨nį huwui lɔpee gəlee mąą nɛ̨ɛ̨mąą hvə nwun, mąą nu ə kɛ a ə́ wɔ nu huwui Israɛlə mun da, mąą nu kili a pu ɉu yɛ kɛ mɔ̨nɔ̨i tii naa mɛ̨i ɉutɔɔ mɔ̨nɔ̨ li, mɔ̨nɔ̨i tii a kpanwo niiɓa, mąą nu a ɲɛ̨i tinɛ̨n bɛlɛ́i ŋɛ̨i pɔ pələ, ə́ ə́ hvɛli;

Mąątɛ̨nɛ̨ 102:20

Yai-Laa yɛ lɛɛ ɲəi bɛ́lɛ́n yələ kɔlɔn ɉu, yɛ nwun mąą ląŋąn, yɛ lɛɛ yələi, yɛ ɲɛ̨i pili lɔi mɛ̨i.

Mąątɛ̨nɛ̨ 119:131

Ŋą́ náá taɠa kpɔ kɛ̨nɛ̨ ə́ woo tɔwɔ, gɛ́ mukpələ, ə́ wɔ tíɓoɠaai di mąą pulu kaa mą́ą́.

Mąątɛ̨nɛ̨ 119:143

Ɉú aa pu mą́ą́, níi aa hɛlɛn, Kɛlaa ə́ wɔ tíɓoɠaai ɲąą nɛ̨ɛ̨ kaa gulɔi.

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Mąątɛ̨nɛ̨ 119:20

Mɛ̨nįɠaai ya mo, ŋą́ níí muhəɠə a gwɛli mɛ̨nį kpɔ a yələ kəlee.

Mąątɛ̨nɛ̨ 38:2

Yai-Laa hvó ɉón a líikələn gwəilaa! Ɉútɔɔ a wɛlikɛmąąlaa.

Mąątɛ̨nɛ̨ 6:6

Hvo gaai, haamun va kɛa pɛli giliŋąhiɛi yɛ vilɛn yɛ́, gbɛɛ ɓə pai ə́ laa mąąwiɛi ɲąmuątaa?

Mąątɛ̨nɛ̨ 71:11

Diɛ kɛ diɛ: «Yálá aa gili kulɔ ɉu, 'ka ɉon, nu hvo mą hvo mąąkɔ̨nwɔ̨!»

Mąątɛ̨nɛ̨ 72:12

Yili kəlee ə mą kɛ tii, yeehowolo mun pai dəlii, gaa pai yili kulɔi mɛ̨nįi; ə mą kɛ nuąi kɔ́lɔn və diɛ, ɛlɛɛ, nu hvə diɛ.

Mąątɛ̨nɛ̨ 88:5

Daa dóó nu lɛɠɛɠaa pɔ, gáá yɛ nui nwɔ yɛnɛ̨ɛ̨ aa kpɛɛ, ɉuluun ŋąą ɲąmuątaa mɛ̨i.

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Mise 7:19

Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Maafîu 5:4

Nwun na nɛ̨ɛ̨ nuą ɓaa nuąi di kaa wɔlɔi. Mąąhɔlɔɓo, Yálá kaa pai di ɲɛ̨iyá kələi di ɲɛ̨i!

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Lomaŋ 6:6

Mąąnɛ̨ɛ̨ ka gu mɛ̨nį ŋɛ̨i kpaɠala kaa a nɛlɛɛ: Gu kɛ pələ pɔlɔi wɔlɔ gu kɛ ɉu, yili ka ti gu nɛɛ Kristə ɓa yɛ haa la wulu ɓa. Ə gɛ nɛ̨ŋɛ̨n gɔlɔi ti hu ə kala, ə lɛɛ, gu hvo kɛa kɛ a nɛ̨ŋɛ̨n nwɔ luwɔɠaa.

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Lomaŋ 8:26

Bələi tii ɓə, Kili-Mąąhəɠɛɛ a kpɔnmąą tɛɛ la gu wɔ hvįikpɛɛlaa pɔ. Mąąhɔlɔɓo, gu hva Yálá hvɛli yɛ bələi mąąnɛ̨ɛ̨ la. Kɛlaa, Gilii yaa kpįnįi ɓə a kɛ wɔlɔi, yɛ ɲįŋɛ̨ gu mąą mɛ̨nį ɓa, a wooɠaai gu hva pɛli moi.

Kolosə 2:11

Yaa tii ɉu ɓə, káá kɛ la a kɛ́nɛ̨-lonni, ka wɔ kɛ́nɛ̨ kuu hvo kɛ li, yɛ bələi nuą da gɛ la. Kɛlaa, yili ɓə a Kristə ŋą kɛ́nɛ̨ kui; yai gu wɔ nɛ̨ŋɛ̨n gɔlɔi kulɔ guɔ.

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 2:15

Ɛlɛɛ, nuąi tii di wɔɔ yɛnɛ̨ɛ̨ kəlee yee mu, di kɛi ɲɔw haa ɓa, diɛ ɓo la tii ɲee mu a luwɔɠaa, ə di nwun mąąɓo.

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»